PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼ : ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ରିଜେଣ୍ଟ ମାର୍କେଟ୍‌ ଅଞ୍ଚଳରେ ଏକ ସମ୍ପ୍ରଦାୟର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ, ଫାଙ୍କା ଗୁଳି ଚାଳନା କରି ୧୦ ଅଟକ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ଟେନ୍ସା ଗୀତାରାଣୀ ମାଇନ୍ସ ସମ୍ମୁଖରେ ଅଘଟଣ, ହାଇଓ୍ୱା ସହ ଜିଅନ୍ତା ଜଳିଗଲେ ଡ୍ରାଇଭର
  • ||
  • ବଡ଼ବିଲ : କେନ୍ଦୁଝର ଜିଲ୍ଲା ବାମେବାରୀ ଥାନା ବସନ୍ତପୁର ମାଝୀ ସାହିରେ ପୂର୍ବ ଶତ୍ରୁତାକୁ କେନ୍ଦ୍ର କରି ବିଭତ୍ସ ହତ୍ୟାକାଣ୍ଡ, କଟୁରୀରେ ହାଣି ମୁଣ୍ଡଗଣ୍ଡି ଅଲଗା କରିଦେଲା ଦୁର୍ବୃତ୍ତ
  • ||
  • ବାରିପଦା : ବାରିପଦା ଷ୍ଟେସନ ଠାରେ ଗଛ ପଡ଼ି ଇଲେକ୍ଟ୍ରିକ ତାର ଛିଡି ଅଟକିଲା ଟ୍ରେନ, ବିଳମ୍ବରେ ଚାଲିବ ଟ୍ରେନ
  • ||
  • ଭଦ୍ରକ : ସମ୍ଭାବ୍ୟ ବନ୍ୟା ଲାଗି ଛୁଟି ବାତିଲ, ମୁକାବିଲା ପାଇଁ ଓଡ୍ରାଫ-ଏନ୍‌ଡିଆରଏଫ୍‌-ଅଗ୍ନିଶମ ବାହିନୀ ପ୍ରସ୍ତୁତ
  • ||
  • ବାରିପଦା : ବିଶୋଇ ଥାନା ଲୋହାକାନି ଭୋଳ ବେଡା ଗ୍ରାମରେ ବିଳମ୍ୱିତ ରାତିରେ ଭୁଷୁଡିଲା ଘରର କାନ୍ଥ, ଚାଲିଗଲା ଦୁଇ ଭଉଣୀଙ୍କ ଜୀବନ
  • ||
  • ଲକ୍ଷ୍ନୌ : ଭୂକମ୍ପରେ ଥରିଲା ଲକ୍ଷ୍ନୌ ସମେତ ୟୁପିର କେତେକ ଜିଲ୍ଲା , କୌଣସି କ୍ଷୟକ୍ଷତି ହୋଇନଥିବା ସୂଚନା
  • ||
  • ପୁରୀ : ଶ୍ରଦ୍ଧାଳୁଙ୍କ ବେକରେ ବ୍ଲେଡ୍‌ ମାରି ସୁନା ଚେନ୍‌ ଲୁଟ ଉଦ୍ୟମ ଫେଲ୍, ଧରାପଡି ଛେଚା ଖାଇଲେ ୩ ଲୁଟେରା
  • ||
  • ସମ୍ବଲପୁର : ୬୨୧.୦୨ ଫୁଟ୍‌କୁ ଖସିଲା ହୀରାକୁଦ ଜଳଭଣ୍ଡାର ଜଳସ୍ତର, ୨୦ ଗେଟ ଦେଇ ଚାଲିଛି ବନ୍ୟାଜଳ ନିଷ୍କାସନ
  • ||
  • ଭୁବନେଶ୍ୱର : ୨୧ରୁ ବନ୍ୟାଞ୍ଚଳ ଗସ୍ତ କରିବ ପିସିସି ଟିମ୍‌, ୨୩ ସୁଦ୍ଧା ଦେବେ ରିପୋର୍ଟ
  • ||
  • ବାଲିଗୁଡ଼ା : ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତର ସିମନବାଡ଼ି ଗ୍ରାମ ନିକଟରେ ଥିବା ପୋଲର ପାର୍ଶ୍ଵ ରାସ୍ତା ଧସି ଯାଇଛି, ବସ୍ ଚଳାଚଳ ସମ୍ପୂର୍ଣ୍ଣ ଠପ୍
  • ||
  • କେନ୍ଦୁଝର : କେନ୍ଦୁଝର ଜିଲ୍ଲା ସଦର ବ୍ଲକ ମହାଦେଇଯୋଡ଼ା ପଞ୍ଚାୟତ ଟିକରପଡ଼ାରେ ଲଗାଣ ବର୍ଷାରେ କାନ୍ଥ ଭୁଷୁଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର
  • ||
  • ଜୟପୁର/ଦିଲ୍ଲୀ : ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ୬ଶ୍ରଦ୍ଧାଳୁଙ୍କ ଜୀବନ : ୨୦ରୁ ଅଧିକ ଆହତ, ପ୍ରଧାନମନ୍ତ୍ରୀଙ୍କ ଶୋକପ୍ରକାଶ
  • ||
  • ନୂଆଦିଲ୍ଲୀ : ବାଙ୍କ ବିହାରୀ ମନ୍ଦିରରେ ବଡ଼ ଧରଣ ଅଘଟଣ, ମଙ୍ଗଳା ଆରତୀ ସମୟରେ ଦଳା ଚକଟାରେ ଦୁଇ ମୃତ
  • ||

କଟିଲେ ୭ ସାଂସଦ, ୯ ବିଧାୟକ

ଭୁବନେଶ୍ୱର,୨୭ ।୩(ବ୍ୟୁରୋ): ୯ ସାଂସଦ ପ୍ରାର୍ଥୀଙ୍କ ମଧ୍ୟରୁ ୭ ନୂଆ ମୁହଁ । ତିନି ଜଣ ମହିଳା । ସିନେ ଷ୍ଟାର୍‌ ରାଜ୍ୟସଭା ସାଂସଦ ଅନୁଭବ ଲଢ଼ିବେ ହାଇ ପ୍ରୋଫାଇଲ୍‌ କେନ୍ଦ୍ରାପଡ଼ା ଲୋକସଭା ଆସନରୁ, ଟକ୍କର ଦେବେ ବୈଜୟନ୍ତଙ୍କୁ । ୯ ଜଣ ବିଧାୟକଙ୍କ ଟିକେଟ ବି କଟି ଯାଇଛି । ହେଲେ ତୃତୀୟ ପର୍ଯ୍ୟାୟ ଭୋଟ ନିମନ୍ତେ ୩ ଲୋକସଭା ଆସନ ପାଇଁ ଝୁଲି ରହିଲା ପ୍ରାର୍ଥୀ ଘୋଷଣା । ୧୮ ବିଧାୟକ ଟିକେଟ ବି ହୋଇ ନାହିଁ ଚୂଡ଼ାନ୍ତ । ଖୋଜୁଛନ୍ତି ପ୍ରାର୍ଥୀ । ବିଜେଡିର ଚତୁର୍ଥ ଦଫା ପ୍ରାର୍ଥୀ ତାଲିକାର ଝଟ୍‌କା ଏମିତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ତୃତୀୟ ଓ ଚତୁର୍ଥ ପର୍ଯ୍ୟାୟ ନିର୍ବାଚନର ୯ଟି ଲୋକସଭା ଏବଂ ୩୬ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛନ୍ତି । ୬ ସାଂସଦଙ୍କ ଟିକେଟ କଟିଛି । ଢେଙ୍କାନାଳ ସାଂସଦ ତଥାଗତ ଶତପଥୀ ନିର୍ବାଚନ ଲଢ଼ିବେ ନାହିଁ ବୋଲି ପୂର୍ବରୁ ଘୋଷଣା କରି ସାରିଥିଲେ ।

ସମ୍ମାନସ୍ପଦ କୁହାଯାଉଥିବା ଭୁବନେଶ୍ୱର ଲୋକସଭା ଆସନରେ ବିଜେପି ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କୁ ମୁକାବିଲା କରିବେ ମୁମ୍ବାଇର ପୂର୍ବତନ ପୁଲିସ କମିସନର୍‌ ଅରୂପ ପଟ୍ଟନାୟକ । ସମ୍ଭାବ୍ୟ ବିଦ୍ରୋହକୁ ରୋକିବା ଲାଗି ସାଂସଦ ପ୍ରସନ୍ନ ପଟ୍ଟଶାଣୀଙ୍କୁ ରାଜ୍ୟସଭାକୁ ପଠାଯିବ ବୋଲି ନବୀନ ଘୋଷଣା କରିଛନ୍ତି । କଟକ ସାଂସଦ ତଥା ବିଜେଡିର ଲୋକସଭା ସଂସଦୀୟ ଦଳ ନେତା ଭର୍ତ୍ତୃହରି ମହତାବଙ୍କ ଟିକେଟ ଝୁଲି ରହିଲା । ତାଙ୍କ ବଦଳରେ ଦଳ ନୂଆ ଚେହେରାଙ୍କୁ ପ୍ରାର୍ଥୀ କରିବ ବୋଲି ଇସାରା ଆସୁଛି । ଢେଙ୍କାନାଳ ଏବଂ କେନ୍ଦୁଝର ପାଇଁ ବି ସାଂସଦ ପ୍ରାର୍ଥୀ ଘୋଷଣା ହୋଇ ନାହିଁ । ଢେଙ୍କାନାଳରୁ ପାଲଲହଡ଼ା ବିଧାୟକ ମହେଶ ସାହୁଙ୍କୁ ଟିକେଟ ମିଳିପାରେ ବୋଲି ଆଲୋଚନା ହେଉଛି । ବିଧାୟିକା ରାଜଶ୍ରୀ ମଲ୍ଲିକଙ୍କୁ ଜଗତସିଂହପୁର ଲୋକସଭା ପ୍ରାର୍ଥୀ କରାଯାଇଛି । ତାଙ୍କୁ ସାଂସଦ କୁଳମଣି ସାମଲଙ୍କ ବିକଳ୍ପ ଭାବେ ଦଳ ବାଛିଛି ।

ଯାଜପୁର ସାଂସଦ ରୀତା ତରାଇଙ୍କ ସ୍ଥାନରେ ଅନ୍ୟ ଜଣେ ମହିଳା ଶର୍ମିଷ୍ଠା ସେଠୀ ଏଥର ସାଂସଦ ପ୍ରାର୍ଥୀ ଭାବେ ଭୋଟ ଲଢ଼ିବେ । ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳଙ୍କ ପତ୍ନୀ ମଞ୍ଜୁଲତା ମଣ୍ଡଳଙ୍କୁ ବିଜେଡି ମୁଖିଆ ଭଦ୍ରକ ଏମପି ଆସନ ପାଇଁ ନୂଆ ମହିଳା ଚେହେରା ଭାବେ ଟିକେଟ ଦେଇଛନ୍ତି । ପୁରୀରୁ ସାଂସଦ ପିନାକୀ ମିଶ୍ର ପୁଣି ଲଢ଼ିବେ ବିଜେଡି ଟିକେଟରେ । ସମ୍ବଲପୁର ଆସନରେ ନଗେନ୍ଦ୍ର ପ୍ରଧାନଙ୍କୁ ବିଜେଡି ରିପିଟ୍‌ ନକରି ପୂର୍ତ୍ତ ସଚିବ ପଦରୁ ଅବ୍ୟାହତି ନେଇଥିବା ନଳିନୀ ପ୍ରଧାନଙ୍କୁ ଟିକେଟ ଦେଇଛି । ମୟୂରଭଞ୍ଜ ଲୋକସଭା ଆସନରେ ବିଜେଡି ସୁପ୍ରିମୋ ସାଂସଦ ରାମଚନ୍ଦ୍ର ହାଁସଦାଙ୍କ ଉପରୁ ଆସ୍ଥା ତୁଟାଇଛନ୍ତି । ଚିଟଫଣ୍ଡ ନାଗଫାଶରେ ବନ୍ଦୀ ହାଁସଦାଙ୍କ ବଦଳରେ ଦଳ ନବାଗତ ଡା. ଦେବାଶିଷ ମାରାଣ୍ଡିଙ୍କୁ ଟିକେଟ ଦେଇଛି । ଡା. ମାରାଣ୍ଡି କଟକ ବଡ଼ ମେଡିକାଲ କଲେଜରେ ଛାତ୍ର ନେତା ଥିଲେ । ୨୦୧୭ ମେ ୨୦ରେ ସେ ବିଜୁ ଜନତା ଦଳରେ ଯୋଗ ଦେଇଥିଲେ । ବିଧାୟକ ପ୍ରାର୍ଥୀ ତାଲିକାରେ ୯ ବିଧାୟକ ଟିକେଟରୁ ବଞ୍ଚିତ ହୋଇଛନ୍ତି । ପୂର୍ବରୁ ୨୦ ବିଧାୟକଙ୍କ ଟିକେଟ କଟିଥିଲା ବେଳେ ଆଉ ୯ ଜଣଙ୍କୁ ମଧ୍ୟ ବିଜେଡି ମୁଖିଆ ନିରାଶ କରିଛନ୍ତି । ଜଣେ ମନ୍ତ୍ରୀ ଓ ଦୁଇ ଜଣ ବିଧାୟକଙ୍କ ପୁଅ ବାଜି ମାରି ନେଇଛନ୍ତି । ୩ ଜଣଙ୍କ ପୁଅ ପାଇଛନ୍ତି ବିଜେଡି ଟିକେଟ୍‌ ।

ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ୯ଟି ଲୋକସଭା ପାଇଁ ପ୍ରାର୍ଥୀ ତାଲିକାରେ ବିଜେଡି ୮ ନୂଆମୁହଁଙ୍କୁ ଭରସା କରିଥିଲା ବେଳେ ଆଜି ଘୋଷିତ ୯ ଆସନରେ ମାତ୍ର ଦୁଇଜଣ ସାଂସଦ ନିଜ ଟିକେଟ ସୁରକ୍ଷିତ ରଖି ପାରିଛନ୍ତି । କାଳେ ଟିକେଟ ନଦେଲେ ଆଉ କିଛି ବିଧାୟକ ବିଜେପି କ୍ୟାମ୍ପକୁ ଡେଇଁବେ ଏ ଆଶଙ୍କାରେ ନବୀନ ଅଧିକାଂଶ ବିଜେଡି ବିଧାୟକ ଓ ଭେଟେରାନଙ୍କ ଟିକେଟ ସୁରକ୍ଷିତ ରଖିଛନ୍ତି । ରଣପୁର ବିଧାୟକ ରବି ମହାପାତ୍ରଙ୍କୁ ବଦଳାଇ ପୂର୍ବତନ ବିଜେଡି ବିଧାୟକ ସତ୍ୟନାରାୟଣ ପ୍ରଧାନଙ୍କୁ ଟିକେଟ ଦେଇଛନ୍ତି । ବାଙ୍କି ଓ ଚୌଦ୍ୱାର କଟକରେ ବିଧାୟକ ପ୍ରଭାତ ତ୍ରିପାଠୀ ଓ ପ୍ରଭାତ ବିଶ୍ୱାଳଙ୍କ ବଦଳରେ ପୁଅ ଦେବୀ ରଂଜନ ତ୍ରିପାଠୀ ଓ ସୌଭିକ୍‌ ବିଶ୍ୱାଳ ଟିକେଟ ପାଇଛନ୍ତି ।

ବରିଷ୍ଠ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ବାସୁଦେବପୁର ସିଟରୁ ଲଢ଼ିବେ ପୁଅ ବିଷ୍ଣୁବ୍ରତ ରାଉତରାୟ । ତେଲକୋଇ ବିଧାୟକ ବେଦବ୍ୟାସ ନାଏକ, ପାଟଣା ବିଧାୟକ ହୃଷିକେଶ ନାଏକ, କେନ୍ଦୁଝର ବିଧାୟକ ଅଭିରାମ ନାଏକ ଓ କରଞ୍ଜିଆ ବିଧାୟକ ବିଜୟ ନାଏକଙ୍କ ଟିକେଟରେ ଛକି ମାରି ନିରାଶ କରିଛନ୍ତି ବିଜେଡି ମୁଖିଆ । ଏଠି ନୂଆ ଚେହେରା ବିଜେଡି ପକ୍ଷରୁ ଭୋଟ ଲଢ଼ିବେ । ତେବେ ଦଳର ୟୁଥ୍‌ ବ୍ରିଗେଡ୍‌ ସଂଜୟ କୁମାର ଦାସବର୍ମା, ଡ. ଅରୁଣ କୁମାର ସାହୁ, ବ୍ୟୋମକେଶ ରାୟ, ପ୍ରଣବ ବଳବନ୍ତରାୟ, ପ୍ରୀତିରଂଜନ ଘଡ଼ାଇ, ଅତନୁ ସବ୍ୟସାଚୀ ନାୟକ ନିଜ ଟିକେଟ ସୁରକ୍ଷିତ ରଖିପାରିଛନ୍ତି । ଭେଟେରାନ ବେଦପ୍ରକାଶ ଅଗ୍ରୱାଲ, ରଣେନ୍ଦ୍ର ପ୍ରତାପ ସ୍ୱାଇଁ, ଦେବୀପ୍ରସାଦ ମିଶ୍ର, ମନ୍ତ୍ରୀ ପ୍ରଫୁଲ୍ଲ ସାମଲ, ବଦ୍ରିନାରାୟଣ ପାତ୍ର, ଡା. ନୃସିଂହ ଚରଣ ସାହୁ, ପ୍ରଫୁଲ୍ଲ ମଲ୍ଲିକ, ଅଶୋକ ପଣ୍ଡା ପୁଣି ଟିକେଟ ପାଇଛନ୍ତି । ରାଜ୍ୟସଭା ସାଂସଦ ପ୍ରତାପ କେଶରୀ ଦେବ ଆଳି ଆସନରୁ ନିର୍ବାଚନ ଲଢ଼ିବେ । ତୃତୀୟ ପର୍ଯ୍ୟାୟ ନିର୍ବାଚନର ୧୮ ବିଧାନସଭା ଓ ୪ର୍ଥ ପର୍ଯ୍ୟାୟର ୨୮ ସିଟ୍‌ ପାଇଁ ପ୍ରାର୍ଥୀ ଚୟନ ସରିନି ।