PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ଇଡକୋ ସହକାରୀ ନିର୍ଦ୍ଦେଶକଙ୍କ ଘରେ ଭିଜିଲାନ୍ସ ରେଡ୍, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଟିଟିଲାଗଡ଼ : ସମ୍ଵଲପୁରୀ ଗୀତର ତାଳେତାଳେ ଝୁମିଲେ ଟିଟିଲାଗଡ଼ ଉପ-ଜିଲ୍ଲାପାଳ, ପାଦରେ ପାଦ ମିଶାଇ ନାଚିଲେ ରଙ୍ଗବତୀ
  • ||
  • କଣ୍ଟାବାଞ୍ଜି : ମୋଟର ସାଇକେଲ୍ ଓ ବଳଦ ମୁହାଁମୁହିଁ ଧକ୍କା, ଯୁବକ ମୃତ
  • ||
  • କଟକ : ଆଠଗଡ଼କୁ ସ୍ଥାନାନ୍ତର ହେଲା ଜଗତପୁରରେ ଟ୍ରାଙ୍କୁଲାଇଜ୍ କରାଯାଇଥିବା ହାତୀ
  • ||
  • ପୁରୀ : ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର
  • ||

ହର୍‌ଜିନ୍ଦରଙ୍କ ଅଟୋ ଆମ୍ବୁଲାନ୍ସ ସେବା

ନୂଆଦିଲ୍ଲୀ ୨୨/୦୭ : ଦିଲ୍ଲୀର ୭୬ ବର୍ଷୀୟ ହର୍‌ଜିନ୍ଦର ସିଂ ନିଜ ଅଟୋ ଆମ୍ବୁଲାନ୍ସ ମାଧ୍ୟମରେ ବହୁ ଲୋକଙ୍କ ଜୀବନ ରକ୍ଷା କରୁଛନ୍ତି । ଦୁର୍ଘଟଣାସ୍ଥଳକୁ ଯାଇ ସେ ବିନା ପାରିଶ୍ରମିକରେ ନିଜ ଅଟୋ ଆମ୍ବୁଲାନ୍ସରେ ଆହତଙ୍କୁ ଡାକ୍ତରଖାନା ନିଅନ୍ତି । ହର୍‌ଜିନ୍ଦର ଜଣେ ଟ୍ରାଫିକ୍‌ ୱାର୍ଡନ୍‌ ଥିଲେ । ଚାକିରି କାଳରେ ସେ ବହୁତ ଦୁର୍ଘଟଣା ଦେଖିଥିଲେ । ଏପରିକି ଦୁର୍ଘଟଣାରେ ଲୋକଙ୍କ ଜୀବନ ଯାଉଥିବାର ସେ ଦେଖିଛନ୍ତି । ଏଣୁ ଚାକିରିର ଅବସର ପରେ ସେ ଏକ ମାଗଣା ଆମ୍ବୁଲାନ୍ସ ସେବା କାର୍ଯ୍ୟ କରିବେ ବୋଲି ନିଷ୍ପତ୍ତି ନେଇଥିଲେ । ମାଗଣା ଆମ୍ବୁଲାନ୍ସ ସେବା ସହ ସେ ଆହତମାନଙ୍କୁ ମାଗଣା ପ୍ରାଥମିକ ଚିକିତ୍ସା ଯୋଗାଇଥାନ୍ତି । ଏହାସହ ମଧୁମେହ ରୋଗୀଙ୍କୁ ମାଗଣା ଔଷଧ ବଣ୍ଟନ କରିଥାନ୍ତି । ସେଥିପାଇଁ ସେ ତାଙ୍କ ଅଟୋ ପଛପଟେ ଔଷଧ ସାମଗ୍ରୀ ରଖିଥାନ୍ତି । ଲୋକଙ୍କୁ ପ୍ରାଥମିକ ଚିକିତ୍ସା ଯୋଗାଇଦେବା ପାଇଁ ସେ ବିଧିବଦ୍ଧ ଶିକ୍ଷା ଗ୍ରହଣ କରିଛନ୍ତି । ବହୁ ଲୋକ ହର୍‌ଜିନ୍ଦରଙ୍କ କାମରେ ଖୁସି ହୋଇ ଅଟୋ ପଛପଟେ ଥିବା ଡୋନେସନ୍‌ ବକ୍ସରେ ଅର୍ଥ ଦେଇଥାନ୍ତି । ହର୍‌ଜିନ୍ଦର ଖୁସିରେ ଏହି ସେବା କରନ୍ତି ଏବଂ ଜୀବନର ଶେଷମୁହୂର୍ତ୍ତ ପର୍ଯ୍ୟନ୍ତ ଏହି ସେବା କାର୍ଯ୍ୟ ଜାରି ରଖିବେ ବୋଲି କହନ୍ତି ।

ସମ୍ବନ୍ଧିତ ଖବର