ଭୁବନେଶ୍ୱର ୦୧/୦୬: ମେ ମାସ ସରିଛି । କରୋନାର ସଂକ୍ରମଣ ଆଉ ମୃତ୍ୟୁରେ କିନ୍ତୁ ଅଲୋଡ଼ା ଛାପ ଛାଡ଼ି ଯାଇଛି । ବର୍ଷକ ଭିତରେ ଯେତିକି ରୋଗୀ ଚିହ୍ନଟ ହୋଇନଥିଲେ ମାସକରେ ତା ଠୁ ବେଶି ସଂକ୍ରମିତ ହୋଇଛନ୍ତି । ମାସକରେ ୩ ଲକ୍ଷ ୨୦ ହଜାର ୮୦୩ ନୂଆ ରୋଗୀ ଚିହ୍ନଟ ହୋଇଛନ୍ତି । ୭୧୧ ଜଣଙ୍କ ମୁଣ୍ଡ ନେଇଛି ମହାମାରୀ । ଆଜି ପର୍ଯ୍ୟନ୍ତ ଗୋଟିଏ ମାସର ହିସାବରେ ସର୍ବାଧିକ । ଲଗାତାର ୪ ଦିନ ହେଲା ପଜିଟିଭ୍‌ ହାର ୧୪% ଉପରେ ରହୁଥିଲା । ସଂକ୍ରମଣ ହାର କମିବା ସାଧାରଣରେ କିଛିଟା ଆଶ୍ୱସ୍ତି ଆଣିଛି । ଜିଲ୍ଲାସ୍ତରରେ ମଧ୍ୟ ପଜିଟିଭ୍‌ ହାର କମିବାରେ ଲାଗିଛି । କିନ୍ତୁ ଜୁନ୍‌ର ପ୍ରଥମ ଦିନରେ ୮୭୩୫ ଆକ୍ରାନ୍ତ ଚିହ୍ନଟ ହୋଇଛନ୍ତି।

ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ୮୭୩୫ ଆକ୍ରାନ୍ତଙ୍କ ମଧ୍ୟରୁ ୪୮୯୨ ପଜିଟିଭ ଆକ୍ରାନ୍ତ କ୍ବାରାଣ୍ଟିନ୍‌ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୩୮୪୩ ସ୍ଥାନୀୟ ବାସିନ୍ଦା ପଜିଟିଭ ଚିହ୍ନଟ। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୭ ଲକ୍ଷ ୭୩ ହଜାର ୭୩୨ ଜଣ ବୃଦ୍ଧି ପାଇଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ବିଟ୍‌ ଯୋଗେ ସୂଚନା ଦିଆଯାଇଛି।

wp:html

6. Boudh: 137
7. Cuttack: 673
8. Deogarh: 63
9. Dhenkanal: 503
10. Gajapati: 80
11. Ganjam: 156
12. Jagatsinghpur: 382
13. Jajpur: 507
14. Jharsuguda: 157
15. Kalahandi: 177
16. Kandhamal: 65
17. Kendrapada: 387
18. Keonjhar: 179
19. Khurda: 1222
20. Koraput: 255

— I & PR Department, Odisha (@IPR_Odisha) June 1, 2021

/wp:html

ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଳ୍ଲାରୁ ସର୍ବାଧିକ ୧୨୨୨ ଜଣ, କଟକରୁ ୬୭୩ ଜଣ,ବାଲେଶ୍ବରରୁ ୫୬୬ ଜଣ, ଯାଜପୁରରୁ ୫୦୭ ଜଣ, ଢ଼େଙ୍କାନାଳରୁ ୫୦୩ ଜଣ,ପୁରୀରୁ ୪୬୭ ଜଣ,ଅନୁଗୁଳରୁ ୪୫୬ ଜଣ, କେନ୍ଦ୍ରାପଡ଼ାରୁ ୩୮୭ ଜଣ,ଜଗତସିଂହପୁରରୁ ୩୮୨ ଜଣ, ମୟୂରଭଞ୍ଜରୁ ୩୪୨ ଜଣ, ନୟାଗଡ଼ରୁ ୨୮୫ ଜଣ, ନବରଙ୍ଗପୁରରୁ ୨୬୪ ଜଣ,କୋରାପୁଟରୁ ୨୫୫ ଜଣ, ସୁନ୍ଦରଗଡ଼ରୁ ୨୪୪ ଜଣ,ବରଗଡ଼ରୁ ୧୯୩ ଜଣ, କେନ୍ଦୁଝରରୁ ୧୭୯ ଜଣ, କଳାହାଣ୍ଡି ଓ ସମ୍ବଲପୁର ଜିଲ୍ଲାରୁ ୧୭୭ ଜଣ ଲେଖାଏଁ, ଝାରସୁଗୁଡ଼ାରୁ ୧୫୭ ଜଣ, ଗଞ୍ଜାମ ଓ ସୋନପୁର ଜିଳ୍ଲାରୁ ୧୫୬ ଜଣ ଲେଖାଏଁ, ଭଦ୍ରକରୁ ୧୪୭ ଜଣ, ବୌଦ୍ଧରୁ ୧୩୭ ଜଣ, ମାଲକାନଗିରିରୁ ୯୬ ଜଣ,ଗଜପତିରୁ ୮୦ ଜଣ, କନ୍ଧମାଳରୁ ୬୫ ଜଣ,ଦେବଗଡ଼ରୁ ୬୩ ଜଣ,ବଲାଙ୍ଗୀରରୁ ୪୯ ଜଣ, ନୂଆପଡ଼ାରୁ ୪୦ ଜଣ ଏବଂ ଷ୍ଟେଟ୍ ପୋଲ୍‌ରୁ ୨୨୦ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।

wp:html

New recoveries: 10405
Cumulative tested: 11835365
Positive: 773732
Recovered: 680932
Active cases: 89956

— I & PR Department, Odisha (@IPR_Odisha) June 1, 2021

/wp:html

ସୂଚନାଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୭ ଲକ୍ଷ ୭୩ ହଜାର ୭୩୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥି ମଧ୍ୟରୁ ୮୯ ହଜାର ୯୫୬ ଜଣ ଆକ୍ଟିଭ୍‌ କେସ୍‌ ରହିଥିବା ବେଳେ ୬ ଲକ୍ଷ ୮୦ ହଜାର ୯୩୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏହାସହ କରୋନା ଯୋଗୁଁ ୨୭୫୪ଜଣଙ୍କର ମୃତ୍ୟୁ ହୋଇଛି । ଏବେ ସୁଦ୍ଧା ରାଜ୍ୟରେ ୧୧୮୩୫୩୬୫ସାମ୍ପୁଲ ଟେଷ୍ଟ୍ ହୋଇଛି।