ଟିଟିଲାଗଡ,୧।୧ : ଟିଟିଲାଗଡ଼ ଥାନା ଶିକେର ଦେଶୀ ମଦ ଭାଟିରେ ମଙ୍ଗଳବାର ବିଳମ୍ବିତ ରାତିରେ ହୋଇଛି ଡକାୟତି। କିଛି ମୁଖାପିନ୍ଧା ଦୃର୍ବୁତ୍ତମାନେ ଡ଼କାୟତି କରିଥିବା ଟିଟିଲାଗଡ଼ ଥାନାରେ ଲିଖିତ ଅଭିଯୋଗ କରିଛନ୍ତି ଭାଟିର କର୍ମଚାରୀ ।
ମିଳିଥିବା ସୂଚନା ଅନୁଯାୟୀ ପ୍ରାୟ ୬ ଜଣ ମୁଖାପିନ୍ଧା ଦୁର୍ବୃତ୍ତ ବିଳମ୍ବିତ ରାତିରେ ବିଭିନ୍ନ ମାରଣାସ୍ତ୍ର ସହ ମଦଭାଟି ଭିତରକୁ ପଶି ପ୍ରଥମେ କର୍ମଚାରୀ ମାନଙ୍କୁ ପ୍ରବଳ ମାଡମାରିଥିଲେ। ଏଥିସହ ମାରଣାସ୍ତ୍ର ଦେଖାଇ ପ୍ରାୟ ୯୦ ହଜାର ଟଙ୍କା ରଖାଯାଇଥିବା ଛୋଟ ଟିଣ ବାକ୍ସ ଧରି ଫେରାର ହୋଇଯାଇଥିଲେ । ମଦଭାଟିର ସିସିଟିଭି ଭାଙ୍ଗିବା ସହ ଡିଭିଆର ଭାଙ୍ଗିଦେଇଥିଲେ । ଘଟଣା ସ୍ଥଳରେ ଟିଟିଲାଗଡ଼ ଓ ସଇଁତଳା ର ଦୁଇଟି ପୋଲିସ ଟିମ ପହଞ୍ଚିବା ସହ ଡକାୟତି ଘଟଣାର ତଦନ୍ତ ଆରମ୍ଭ କରିଛନ୍ତି।
