ନୂଆଦିଲ୍ଲୀ,୨୨/୦୯: କେନ୍ଦ୍ର ସରକାର ନିଯୁକ୍ତି ସମ୍ପର୍କିତ ଏକ ଡାସ୍ବୋର୍ଡ ଆଣିବା ନେଇ ପ୍ରସ୍ତୁତି କରୁଛନ୍ତି । କେଉଁ କ୍ଷେତ୍ରରେ କେତେ ନିଯୁକ୍ତି ସମ୍ଭାବନା ରହିବ ଏବଂ ଏଥିଲାଗି କେଉଁ ସ୍କିଲ୍ ଆବଶ୍ୟକ ପଡ଼ିବ ତାହା ଏଥିରେ ଗୋଟିଏ କ୍ଲିକ୍ରେ ଜଣାପଡ଼ିବ । ବ୍ରିଟେନର ଜବ୍ ଆଣ୍ଡ୍ ସ୍କିଲ୍ ଡ୍ୟାସ୍ବୋର୍ଡ ଏବଂ ୱାଶିଂଟନ ଷ୍ଟେଟ୍ର ଲେବର୍ ମାର୍କେଟ ଆଣ୍ଡ୍ ଅଫିସିଆଲ ଡାଟା ଡାସ୍ବୋର୍ଡ ଆଧାରରେ ଏହାକୁ ପ୍ରସ୍ତୁତ କରାଯିବ । କେନ୍ଦ୍ର ଶିକ୍ଷା ମନ୍ତ୍ରଣାଳୟ ଏହି ପ୍ରସ୍ତାବ ଉପରେ ଟେଲିକମ୍ ଏବଂ ଆଇଟି ବିଭାଗ ସହ ପ୍ରାରମ୍ଭିକ ଆଲୋଚନା କରିଛି ।
ଏଥିରେ ବିଭାଗ ଗୁଡ଼ିକ କହିଛନ୍ତି ଯେ, ଆଗକୁ ୫ଜି, ୬ଜି, କ୍ୱାଣ୍ଟମ କମ୍ୟୁନିକେସନ, ସାଟେଲାଇଟ, ଏଆଇ, ଇଣ୍ଟର୍ନେଟ ଅଫ୍ ଥିଙ୍ଗସ, ମେଶିନ ଲର୍ଣ୍ଣିଂ ଏବଂ ସେମିକଣ୍ଡକ୍ଟର ଭଳି କ୍ଷେତ୍ରରେ ଆଗକୁ କେତେ ପ୍ରଫେସ୍ନାଲଙ୍କ ଆବଶ୍ୟକତା ରହିଛି । ଡାସ୍ବୋର୍ଡ ଜରିଆରେ ଛାତ୍ରଛାତ୍ରୀ ଏବଂ ଅଭିଭାବକଙ୍କୁ ଚାହିଦା ଆଧାରିତ ପାଠ୍ୟକ୍ରମ ଚୟନ କରିବାରେ ସୁବିଧା ହେବ । ଶିକ୍ଷା ଶେଷ ହେବା ପରେ ଏସବୁ କ୍ଷେତ୍ରରେ ନିଯୁକ୍ତି ମିଳିପାରିବ ।
ଶିକ୍ଷାନୁଷ୍ଠାନଗୁଡ଼ିକ ମଧ୍ୟ ଚାହିଦା ଆଧାରିତ ପାଠ୍ୟକ୍ରମ ଗ୍ରହଣ, ପାଠ୍ୟକ୍ରମରେ ସଂଶୋଧନ ଏବଂ କେଉଁ କୋର୍ସର ପ୍ରାସଙ୍ଗିକତା ନାହିଁ ତାହା ଏଠାରୁ ଅନୁମାନ କରିପାରିବେ। ଡ୍ୟାସ୍ବୋର୍ଡ ନିଯୁକ୍ତିରେଡି ଟାଲେଣ୍ଟ ପ୍ରସ୍ତୁତ କରିବାରେ ଗେମ୍ଚେଞ୍ଜର ସାବ୍ୟସ୍ତ ହେବ ବୋଲି କୁହାଯାଉଛି । ଏବେ ଦେଶର ବିଭିନ୍ନ ପୋର୍ଟାଲ ଡାସ୍ବୋର୍ଡ ରହିଛି । ଭିନ୍ନ ଭିନ୍ନ ମନ୍ତ୍ରଣାଳୟ ଏବଂ ଘରୋଇ କ୍ଷେତ୍ରର ଡାଟାକୁ ଗୋଟିଏ ପ୍ଲାଟଫର୍ମକୁ ଆଣିବା ଚ୍ୟାଲେଞ୍ଜ ହେବ । ଏଆଇସିଟିଇ, ୟୁଜିସି, ଏନ୍ସିଭିଇଟି ଭଳି ସଂସ୍ଥା ପ୍ରମୁଖ ଭୂମିକା ନେବେ।
