ଚନ୍ଦନେଶ୍ଵର ୨୭/୦୫: ଜେସିବି ଡ୍ରାଇଭରଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତକ ହେଲେ ଅନୁଗୁଳ ଜିଲ୍ଲାର ସୁବ୍ରତ କୁମାର ସାହୁ । ସେ ବାଲେଶ୍ବର ଜିଲ୍ଲା ଭୋଗରାଇର ସୁର୍ଣ୍ଣରେଖା ନଦୀ ଉପରେ ତୃତୀୟ ନିର୍ମାଣାଧୀନ ପୋଲରେ ଜଣେ ଜେସିବି ଡ୍ରାଇଭର ଭାବେ କାର୍ଯ୍ୟରତ ଥିଲେ । ତାଙ୍କ ମୃତ୍ୟୁକୁ ନେଇ ପୁଲିସ୍ ଏକ ମାମଲା ରୁଜୁ କରି ତଦନ୍ତ କରୁଛି ।
ସୋମବାର ସୁବ୍ରତ ଡ୍ୟୁଟି ସାରି ରୁମକୁ ଫେରିଥିଲେ ଏବଂ ତୁରନ୍ତ କବାଟ ବନ୍ଦ କରି ଘରେ ପଶିଯାଇଥିଲେ । ସାଥି ଶ୍ରମିକ ରଞ୍ଜନ ନାୟକ କବାଟ ଖୋଲିବାକୁ କହିଥିଲେ ମଧ୍ୟ ସେ ଭିତରୁ କୌଣସି ଉତ୍ତର ଦେଇନଥିଲେ । ବାଧ୍ୟ ହୋଇ ରଞ୍ଜନ କବାଟ ଭାଙ୍ଗି ଭିତରକୁ ପଶିଥିଲେ ଏବଂ ଫ୍ୟାନରେ ସୁବ୍ରତଙ୍କ ଝୁଲନ୍ତା ମୃତଦେହ ଦେଖି ପୁଲିସକୁ ଖବର ଦେଇଥିଲେ । ସେପଟେ ଖବର ପାଇ ମୃତକଙ୍କ ପିଉସା ବିଜନ ଦାସ ଓ ମାମୁ ବୁଦ୍ଧ ଚନ୍ଦ୍ର ବେହେରା ଘଟଣାସ୍ଥଳରେ ପହଞ୍ଚିଛନ୍ତି ।
