ନ୍ୟୁୟର୍କ: ଅମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ଅବୈଧ ଭାବେ ବା ଅସ୍ଥାୟୀ ଭାବେ ଅମେରିକାରେ ରହୁଥିବା ଲୋକମାନଙ୍କ ସନ୍ତାନମାନଙ୍କୁ ଅମେରିକୀୟ ନାଗରିକତ୍ୱ ନଦେବା ପାଇଁ ଏକ ଏକ୍ସିକ୍ୟୁଟିଭ୍ ଅର୍ଡରକୁ ସମର୍ଥନ କରିବାକୁ ଅମେରିକାର ସୁପ୍ରିମ୍ କୋର୍ଟକୁ ଅନୁରୋଧ କରିଛନ୍ତି। ଏହି ଅନୁରୋଧଟି ଆଦାଲତ ନ୍ୟାୟାଳୟମାନଙ୍କର ନିର୍ଣ୍ଣୟକୁ ଚ୍ୟାଲେଞ୍ଜ କରିଛି। ପୂର୍ବରୁ ଆମେରିକାର ବିଭିନ୍ନ ରାଜ୍ୟର କୋର୍ଟ ଏହି ଆଦେଶକୁ ଅସାଂବିଧାନିକ ବୋଲି ଘୋଷଣା କରି ସାରିଛନ୍ତି।
ଏହି ଅପିଲଟିକୁ ଶନିବାର ଦିନ ଏସୋସିଏଟେଡ୍ ପ୍ରେସ୍ (ଏପି) ସହିତ ସେୟାର୍ କରାଯାଇଛି। ଏହି ଅପିଲ୍ କରିବା ଦ୍ୱାରା ସୁପ୍ରିମ୍ କୋର୍ଟରେ ଏକ ଶୁଣାଣି ପ୍ରକ୍ରିୟାକୁ ଆରମ୍ଭ ହେବ। ଯାହାଦ୍ୱାରା ଆସନ୍ତା କିଛିମାସ ମଧ୍ୟରେ ଏହି ନାଗରିକତ୍ୱ ଆଇନର ସାଂବିଧାନିକତା ଉପରେ ଏକ ଗୁରୁତ୍ତୱପୂର୍ଣ୍ଣ ରାୟ ଆସିପାରେ ବୋଲି ଅନୁମାନ କରାଯାଉଛି। ନ୍ୟାୟ ବିଭାଗର ଯଚନାପତ୍ରରେ ସୋଲିସିଟର୍ ଜେନେରାଲ୍ ଡି. ଜନ୍ ସାୟାର୍ ଲେଖିଛନ୍ତି ଯେ, “ନିମ୍ନ ଅଦାଲତ ନ୍ୟାୟାଳୟମାନଙ୍କର ନିର୍ଣ୍ଣୟ ରାଷ୍ଟ୍ରପତି ଏବଂ ତାଙ୍କର ପ୍ରଶାସନର ଏକ ପ୍ରମୁଖ ନୀତିକୁ ଅବୈଧ ବୋଲି ଘୋଷଣା କରିଛି। ଯାହା ଆମେରିକାର ସୀମାନ୍ତ ସୁରକ୍ଷାକୁ ନଷ୍ଟ କରୁଛି। ଆଉ କୋର୍ଟର ଏହି ନିର୍ଣ୍ଣୟ ଯୋଗୁଁ ଅଯୋଗ୍ୟ ଲକ୍ଷାଧିକ ଲୋକଙ୍କୁ ଅବୈଧ ଭାବେ ଅମେରିକାର ନାଗରିକତ୍ୱ ମିଳିଯାଉଛି।”
ଏହି ଏକ୍ସିକ୍ୟୁଟିଭ୍ ଅର୍ଡରକୁ ଚ୍ୟାଲେଞ୍ଜ କରୁଥିବା ଓକିଲମାନଙ୍କୁ ସେୟାର୍ କରାଯାଇଛି, କିନ୍ତୁ ସୁପ୍ରିମ୍ କୋର୍ଟରେ ଶୁଣିଣି ପାଇଁ ଏଯାଏ ତାଲିକାଭୁକ୍ତ ହୋଇନାହିଁ। କେସ୍ ଗ୍ରହଣ କରିବା ଉପରେ ଏଯାଏ କୌଣସି ନିର୍ଣ୍ଣୟ ଆସିପାରିନାହିଁ। ତେବେ ଆସନ୍ତା କିଛିମାସ ମଧ୍ୟରେ ଏହା ଉପରେ ନିର୍ଣ୍ଣୟ ନିଆଯାଇପାରେ ବୋଲି ଅନୁମାନ କରାଯାଉଛି।
ଅମେରିକାନ୍ ସିଭିଲ୍ ଲିବର୍ଟିଜ୍ ୟୁନିୟନ୍ (ଏସିଏଲୟୁ)ର ଓକିଲ୍ କୋଡି ୱୋଫ୍ସି, ଯିଏ ପ୍ରଭାବିତ ସନ୍ତାନମାନଙ୍କୁ ପ୍ରତିନିଧିତ୍ୱ କରୁଛନ୍ତି, ଏହି ଆଦେଶକୁ ନିଷ୍ଠୁର ଏବଂ ଅର୍ଥହୀନ ବୋଲି ଆଲୋଚନା କରିଛନ୍ତି। ସେ କହିଛନ୍ତି, “ଏହି ଏକ୍ସିକ୍ୟୁଟିଭ୍ ଆଦେଶ ପୂର୍ଣ୍ଣ ଭାବେ ଅବୈଧ ଏବଂ ପ୍ରଶାସନର କୌଣସି ଚାଲବଜି ଏହାକୁ ବଦଳାଇ ପାରିବ ନାହିଁ। ଆମେ ଏହି ନିଷ୍ଠୁର ଏବଂ ଅର୍ଥହୀନ ଆଦେଶ ଦ୍ୱାରା କୌଣସି ଶିଶୁର ନାଗରିକତ୍ୱକୁ କେବେ ହରାଇବାକୁ ଦେବା ନାହିଁ।”
ଟ୍ରମ୍ପଙ୍କ ଦ୍ୱିତୀୟ ପାଳିର ପ୍ରଥମ ଦିନରେ ଏହି ଆଦେଶ ସ୍ୱାକ୍ଷରିତ ହୋଇଥିଲା। ଯାହା ୧୨୫ ବର୍ଷରୁ ଅଧିକ ସମୟରୁ ଚାଲି ଆସିଥିବା ଆମେରିକୀୟ ସମ୍ୱିଧାନର ୧୪ମ ସଂଶୋଧନୀର ବ୍ୟାଖ୍ୟାକୁ ଚ୍ୟାଲେଞ୍ଜ କରୁଛି। ଏହି ସଂଶୋଧନ ସମସ୍ତଙ୍କ ସାମ୍ନାକୁ ଆସିବାର କିଛି ସମୟ ପରେ ପ୍ରଣୟନ ହୋଇଥିଲା। ପୁରୁଣା ନିୟମ ମୁତାବକ, ଅମେରିକାରେ ଜନ୍ମ ନେଇଥିବା ସମସ୍ତ ଶିଶୁଙ୍କୁ ଆମେରିକା ନାଗରିକତ୍ୱ ପ୍ରଦାନ କରିଥାଏ। ତେବେ ବିଦେଶୀ ରାଜଦୂତମାନଙ୍କ ସନ୍ତାନ ଏବଂ ସେନା ବାହିନୀର ବିଦେଶି ନାଗରିକମାନଙ୍କ ସନ୍ତାନମାନେ ଏହି ନିୟମ ଅଦିନରେ ଆମେରିକାର ନାଗରିକତା ପାଇନଥାନ୍ତି। ତେବେ ଆମେରିକାରେ ରହୁଥିବା ଅବୈଧ ବିଦେଶି ନାଗରିକମାନଙ୍କ ସନ୍ତାନମାନଙ୍କୁ ମଧ୍ୟ ଏହି ନିୟମ ନାଗରିକତ୍ୱ ପ୍ରଦାନ କରିଥାଏ।
ପ୍ରଶାସନର ଦାବି ଅନୁଯାୟୀ, ଅବୈଧ ବିଦେଶୀ ନାଗରିକଙ୍କ ସନ୍ତାନମାନେ ଅମେରିକାର ଅଧିକାର ଅଧୀନରେ ନ ଥାଆନ୍ତି। ତେଣୁ ସେମାନଙ୍କୁ ନାଗରିକତ୍ୱ ମିଳିବା ଉଚିତ୍ ନୁହେଁ। କିନ୍ତୁ ନ୍ୟୂ ହାମ୍ପସାୟାରରେ ଜଣେ ଫେଡରାଲ୍ ଜଜ୍ ଏବଂ ସାନ୍ ଫ୍ରାନ୍ସିସ୍କୋରେ ଅମେରିକାନ୍ କୋର୍ଟ୍ ଅଫ୍ ଆପିଲ୍ସ୍ ଫର ଦି ୯ଥ୍ ସର୍କିଟ୍ ଏହି ଆଦେଶକୁ ଅସାଂବିଧାନିକ ବୋଲି ଘୋଷଣା କରିଛନ୍ତି। ଜୁଲାଇରେ ୯ଥ୍ ସର୍କିଟ୍ ଏହି ମାମଲାରେ ଏକ ଜାତୀୟସ୍ତରିୟ ଇନ୍ଜେକ୍ସନ(ରହିତାଦେଶ) ପାଇଁ ଆଦେଶ ଦେଇଛି, ଯାହା ରାଜ୍ୟଗୁଡ଼ିକ ମଧ୍ୟରେ ଏହି ଅସଂଗତିନୀୟତାକୁ ରୋକିବ। ନ୍ୟୂ ହାମ୍ପସାୟାର୍ କେସ୍ରେ ଏକ କ୍ଲାସ୍-ଆକ୍ସନ୍ ମାମଲାରେ ସମସ୍ତ ପ୍ରାପ୍ତ ସନ୍ତାନମାନଙ୍କୁ ପ୍ରଭାବିତ କରି ଆଦେଶଟି ରୋକାଯାଇଛି।
ଏହି ଆଦେଶର ସମ୍ଭାବ୍ୟ ନିର୍ଣ୍ଣୟ ନାଗରିକତ୍ୱ ନୀତିକୁ ବହୁଳ ଭାବେ ପ୍ରଭାବିତ କରିପାରେ। ଯଦିଓ ପ୍ରଶାସନ ଆଗରୁ ଏହା ଉପରେ ରାୟ କାର୍ଯ୍ୟକାରୀ କରିବାକୁ ଚାହିଁନାହିଁ।
