ପ୍ରମୂଖ ଖବର
  • ଏୟାର ଶୋ' ବେଳେ ଅଘଟଣ; ମଝି ଆକାଶକୁ ଖସିଲା F-16 ଫାଇଟର ଜେଟ୍, ପାଇଲଟ ମୃତ
  • ||
  • ଗଞ୍ଜାମ : ଢ଼ଉଗାଁ ଛକ ନିକଟରେ ସିରିଜ୍ ଦୁର୍ଘଟଣା, ଟ୍ରକ୍‌ ଧକ୍କାରେ ଚାଲିଗଲା ଜୀବନ
  • ||
  • ଏସ୍‌ସି ଓ ଏସ୍‌ଟି କଲ୍ୟାଣ କମିଟି ଜାତୀୟ ସମ୍ମିଳନୀ, ବିକାଶ, ସଶକ୍ତୀକରଣକୁ ନେଇ ହେବ ଚର୍ଚ୍ଚା, ଉଦ୍‌ଘାଟନ୍ କରିବେ ବାଚସ୍ପତି ଓମ୍‌ ବିର୍ଲା
  • ||
  • ଡାଏମଣ୍ଡ ଲିଗ୍‌ ଫାଇନାଲ୍‌, ନୀରଜ ଚୋପ୍ରାଙ୍କୁ ରନର୍ସ ଅପ୍‌ରେ ସନ୍ତୁଷ୍ଟ, ୯୧.୫୧ ମିଟର ଜାଭେଲିନ୍ ଥ୍ରୋ କରି ୱେବର ଚାମ୍ପିଅନ୍‌
  • ||
  • ଟାରିଫ୍ ବିବାଦ ଭିତରେ ଜାପାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପିଏମ୍ ଶିଗେରୁ ଇଶିବାଙ୍କୁ ଭେଟି ଦ୍ୱିପାକ୍ଷିକ ଚର୍ଚ୍ଚା କରିବେ
  • ||
  • ପାଣ୍ଡରାରେ ଚାଞ୍ଚଲ୍ୟ:ଛାତ ଉପରେ ଥିବା ଘରୁ ଆଇନଜୀବୀଙ୍କ ମୃତଦେହ ଉଦ୍ଧାର, ମୃତ୍ୟୁ କାରଣ ଖୋଜୁଛି ପୁଲିସ ଓ ସାଇଣ୍ଟଫିକ୍‌ ଟିମ୍‌
  • ||
  • ଆସୁଛି ଆଉ ଦୁଇଟି ଲଘୁଚାପ: ସେପ୍ଟେମ୍ବର ୩ରେ ଲଘୁଚାପ, ୫ରେ ଅବପାତ, ଆଜି ପ୍ରବଳ ବର୍ଷା ନେଇ୧୧ ଜିଲ୍ଲାକୁ ଆଲର୍ଟ ଜାରି
  • ||

ପାଣ୍ଡରାରେ ଚାଞ୍ଚଲ୍ୟ: ଛାତ ଉପର ଘରୁ ଆଇନଜୀବୀଙ୍କ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା କାରଣ ଖୋଜୁଛି ପୁଲିସ

Published By : Manoj | August 29, 2025 8:29 AM

ଭୁବନେଶ୍ୱର,୨୯/୦୮: ଭୁବନେଶ୍ୱର ୧୮ନମ୍ବର ୱାର୍ଡ  ଅନ୍ତର୍ଗତ ପାଣ୍ଡରା ଛକରେ ଏକ  ଅଭାବନୀୟ ଘଟଣା ଘଟିଛି । ପାଣ୍ଡରା  ରାସ୍ତାରେ ଥିବା ଏକ ଘରେ ଜଣେ  ଆଇନଜୀବୀ ଜୀବନ୍ତ ଦଗ୍ଧ ହୋଇ  ପ୍ରାଣ ହରାଇଛନ୍ତି । ମୃତକ ହେଲେ  ଦୀପକ କୁମାର ସାହୁ । ଏହା ହତ୍ୟା  ନା ଆତ୍ମାହୁତି ତାହା ଏପର୍ଯ୍ୟନ୍ତ  ଜଣାପଡ଼ିନି । ଖବର ପାଇ ମଞ୍ଚେଶ୍ୱର  ଥାନା ପୁଲିସ ଓ ସାଇଣ୍ଟଫିକ୍‌ ଟିମ୍‌  ପହଞ୍ଚି ତଦନ୍ତ ଆରମ୍ଭ କରିଛନ୍ତି ।  ପାରିପାର୍ଶ୍ବିକ ସ୍ଥିତି ଦେଖିଲେ ଲାଗୁଛି  ଏହା ଏକ ହତ୍ୟା । ତେଣୁ ତାଙ୍କୁ  ପୋଡ଼ି ଦେଇ ମାରିଦେଇଥିବା ଚର୍ଚ୍ଚା  ହେଉଛି । ତଦନ୍ତ ପରେ ଘଟଣାର  ସ୍ପଷ୍ଟତା ଜଣାପଡ଼ିବ ବୋଲି ପୁଲିସ  କହିଛି । ପୁଲିସ ଶବ ଜବତ କରି  କ୍ୟାପିଟାଲ ହସ୍ପିଟାଲ ପଠାଇଛି ।  ଶୁକ୍ରବାର ମୃତଦେହ ବ୍ୟବଚ୍ଛେଦ  ହେବ । ଅପରପକ୍ଷେ, ପରିବାର  ଲୋକେ ହତ୍ୟା ଅଭିଯୋଗ କରିଛନ୍ତି ।  

ପାଣ୍ଡରା ଛକ ଜଗନ୍ନାଥ ମନ୍ଦିର ନିକଟରେ ରହିଛି ମୃତ ଦୀପକଙ୍କ  ୪ ମହଲା ଘର । ସେ ଆଇନଜୀବୀ  ଭାବରେ କାମ କରୁଥିଲେ । ସେ  ବିବାହିତ ଓ ତାଙ୍କର ଦୁଇଟି ଝିଅ  ଅଛନ୍ତି । ଦୀପକ ରହୁଥିବା ଘରର  ଛାତ ଉପରେ ତାଙ୍କର ଏକ ଚାମ୍ବର  ରହିଛି । ଯେଉଁଠି ପ୍ରତିଦିନ ଲୋକେ  ଆସି ତାଙ୍କୁ ବିଭିନ୍ନ ମାମଲା ଲଢିବା ପାଇଁ ସହଯୋଗ ଲୋଡ଼ନ୍ତି । ଗତ  କିଛିଦିନ ହେବ ଦୀପକ କୌଣସି  କଥାକୁ ନେଇ ମାନସିକ ଚିନ୍ତାରେ  ରହୁଥିଲେ । ପରିବାର ଲୋକେ ତାଙ୍କୁ  ମାନସିକ ରୋଗ ବିଭାଗ ଡାକ୍ତରଙ୍କୁ  ଦେଖାଇଥିଲେ । ମାନସିକ ଦୁଃଶ୍ଚିନ୍ତାରୁ  ଦୂରେଇବା ପାଇଁ ଡାକ୍ତର   ତାଙ୍କୁ ଔଷଧ ଖାଇବାକୁ ପରାମର୍ଶ ଦେଇଥିଲେ । ହେଲେ ଦୀପକ  ଔଷଧ ଖାଉନଥିଲେ ।  ଦୀପକ ୪ ମହଲା ଘରର ତଳ ମହଲା ଭଡାରେ ଦେଇଛନ୍ତି ।  ପ୍ରଥମ ମହଲାରେ ତାଙ୍କ ମା’ ରହୁଛନ୍ତି । ଦ୍ୱିତୀୟ ମହଲାରେ ଦୀପକ  ପତ୍ନୀ ଓ ପିଲାଙ୍କ ସହ ରହୁଥିଲେ । ସବା ଉପର ଘର କାମ ଚାଲିଛି ।  ଗୁରୁବାର ରାତି ପ୍ରାୟ ୮ଟାରେ ଦୀପକ ପତ୍ନୀଙ୍କୁ କହିଥିଲେ ଏଠି  ଗରମ ହେଉଛି । ମୁଁ ଟିକେ ଏକୁଟିଆ କାମ କରିବି । ତମେ ମା’ଙ୍କ  ରୁମ୍‌କୁ ଯାଅ । ଏକଥା କହିବା ସହ ନିଜେ ମା’ଙ୍କ ରୁମ୍‌କୁ ଛାଡ଼ିବାକୁ  ଯାଇଥିଲେ ।  

ପ୍ରାୟ ୪୫ ମିନିଟ୍‌ ପରେ ଦୀପକଙ୍କ ପତ୍ନୀ ସ୍ୱାମୀକୁ ଦେଖା  କରିବାକୁ ତଳ ମହଲାରୁ ଉପରକୁ ଆସିଥିଲେ । ଏହି ସମୟରେ ସେ  ଦେଖିଥିଲେ ସ୍ୱାମୀ ରୁମ୍‌ରେ ନାହାନ୍ତି । ତାଙ୍କ ମୋବାଇଲ୍‌ ଘରେ ଥୁଆ  ହୋଇଛି । ଏହା ପରେ ସେ ଛାତ ଉପରକୁ ଯାଇଥିଲେ । ଦେଖିଥିଲେ  ଛାତ କବାଟ ଭିତରପଟୁ ବନ୍ଦ ରହିଛି । କିଛି ଉପାୟ ନ ପାଇ ସେ  ପଡୋଶୀଙ୍କ ଛାତରୁ ତାଙ୍କ ଛାତକୁ ଯାଇଥିଲେ । ଦେଖିଥିଲେ ସ୍ୱାମୀ  ଜଳି ଯାଇଛନ୍ତି । ଏହା ଦେଖି ପଡୋଶୀ ଲୋକ ପୁଲିସ୍‌କୁ ଫୋନ୍‌  କରିଥିଲେ ।

ପୁଲିସ୍‌ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବେଚ୍ଛଦ  ପାଇଁ କ୍ୟାପିଟାଲ୍‌ ହସ୍ପିଟାଲ୍‌ ପଠାଇଥିଲା । ତାଙ୍କୁ କେହି ହତ୍ୟା  କରିଥିବା ପରିବାର ଲୋକ ଅଭିଯୋଗ କରିଛନ୍ତି ।  ପୁଲିସ୍‌ କହିଛି ସେହି ସ୍ଥାନରେ ପେଟ୍ରୋଲ ଗନ୍ଧ ଆସୁଥିଲା ।  ତେଣୁ ପେଟ୍ରୋଲ ଢାଳି ଦେହରେ ନିଆଁ ଲାଗିଥିବା ପ୍ରାଥମିକ ତଦନ୍ତରୁ  ଜଣାପଡ଼ିଛି । ଜୋନ୍‌ ଏସିପି ବିଶ୍ୱରଞ୍ଜନ ସେନାପତି କହିଛନ୍ତି,  ପ୍ରାଥମିକ ତଦନ୍ତରୁ ଏହା ଆତ୍ମହତ୍ୟା ବୋଲି ସନ୍ଦେହ କରାଯାଉଛି ।  ଆସନ୍ତାକାଲି ବ୍ୟବଚ୍ଛେଦ ହେବ । ରିପୋର୍ଟ ଆସିବା ପରେ ଏହା  ଆତ୍ମାହୁତି କି ହତ୍ୟା ତାହା ସ୍ପଷ୍ଟ ହେବ ।

ଗୋଟିଏ ପଟେ ରାଜ୍ୟରେ ଆତ୍ମାହୁତି ଘଟଣାକୁ ନେଇ ଚିନ୍ତା  ଲାଗିରହିଛି । ପ୍ରଥମେ ଏଫ୍‌ଏମ୍‌ କଲେଜ ଛାତ୍ରୀ ସୌମ୍ୟାଶ୍ରୀଙ୍କ  ଆତ୍ମାହୁତି ସାରା ରାଜ୍ୟରେ ଆଲୋଡ଼ନ ସୃଷ୍ଟି କରିଥିଲା । ଏହାପରେ  ବଳଙ୍ଗାରେ ଜଣେ ନାବାଳିକା ଓ କେନ୍ଦ୍ରାପଡ଼ାରେ ଜଣେ ଛାତ୍ରୀ  ଜଳିଯାଇଥିଲେ । ଯୁବତୀ ଓ ମହିଳାଙ୍କ ପରେ ଏବେ ପୁରୁଷମାନେ  ଜଳିଗଲେଣି । ଯଦି ଏହା ଆତ୍ମାହୁତି ତେବେ କାରଣ ଖୋଜିବାକୁ  ପଡ଼ିବ, ଆଉ ଯଦି ହତ୍ୟାକାଣ୍ଡ ତେବେ ପୁଲିସ ପାଇଁ ନିହାତି ଏକ  ଚ୍ୟାଲେଞ୍ଜ ସୃଷ୍ଟି କରିବ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.