ବାଉଁଶୁଣୀ, ୨୯/୫: ବୌଦ୍ଧ ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ୫୭ର ବାଘ ନଦୀ ବ୍ରିଜ୍ ଉପରେ ଏକ ଦୁର୍ଘଟଣା ଘଟିଛି । ମିଳିଥିବା ସୂଚନା ଅନୁଯାୟୀ, ସୋମବାର ସକାଳ ୯ ଟା ସମୟରେ ବାଉଁଶୁଣୀ ବାଘ ନଦୀ ବ୍ରିଜ୍ ଉପରେ ମନମୁଣ୍ଡା ଥାନା ଜମଟାଙ୍ଗି ଅଞ୍ଚଳରେ ବୁଲା ବୁଲି କରୁଥିବା ଜଣେ ବୃଦ୍ଧାଙ୍କୁ ଏକ ଅଜଣା ଗାଡ଼ି ଧକ୍କା ଦେଇଥିଲା । ସ୍ଥାନୀୟ ଲୋକଙ୍କ ସାହାଯ୍ୟରେ ୧୦୮ ଆମ୍ବୁଲାନ୍ସ ଯୋଗେ ବୃଦ୍ଧାଙ୍କୁ ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଯାଇଥିଲା । ସେଠାରେ ଚିକିତ୍ସିତ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଖବର ପାଇ ଘଟଣାସ୍ଥଳରେ ବାଉଁଶୁଣୀ ଥାନା ଅଧିକାରୀ ଅରୁଣ ସିଂଙ୍କ ସମେତ ଅନ୍ୟ କର୍ମଚାରୀମାନେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ବୌଦ୍ଧ ଡାକ୍ତରଖାନାକୁ ପଠାଇଛନ୍ତି ।  ମାନସିକ ବିକୃତ ମହିଳା ଜଣକ ମନମୁଣ୍ଡା ଥାନା ଅଞ୍ଚଳରେ ବୁଲାବୁଲି କରୁଥିଲେ । ସେ ଆଜି ସୋମବାର ବାଉଁଶୁଣୀ ଅଞ୍ଚଳକୁ ଆସୁଥିବା ବେଳେ ବାଘ ନଦୀ ବ୍ରିଜ୍ ଉପରେ ଏହି ଦୁର୍ଘଟଣାଟି ହୋଇଥିଲା ।