PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ଛୁଟିରେ ଘରକୁ ନଯାଇ କର୍ମକ୍ଷେତ୍ରକୁ ଗଲେ ଅଭିନନ୍ଦନ

source: https://abpnews.abplive.in

ନୂଆଦିଲ୍ଲୀ,୨୬ ।୩(ଏଜେନ୍ସି): ପାକିସ୍ତାନ ଯୁଦ୍ଧବିମାନ ଖସାଇ ଚର୍ଚ୍ଚାକୁ ଆସିଥିବା ଭାରତୀୟ ବାୟୁସେନାର ପାଇଲଟ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନ କାମକୁ କେତେ ଗୁରୁତ୍ୱ ଦିଅନ୍ତି ତାହା ଏହି ଘଟଣାରୁ ଜଣାପଡେ । ଚାରି ସପ୍ତାହ ମେଡିକାଲ ଲିଭ୍‌ରେ ଥିବା ବେଳେ ସେ ଘରକୁ ନଯାଇ କାମ କରିବା ଲାଗି ଶ୍ରୀନଗରରେ ଥିବା ନିଜ ଟିମ୍‌ରେ ସାମିଲ ହୋଇଛନ୍ତି । ଦିଲ୍ଲୀର ଆର୍ମି ରିସର୍ଚ୍ଚ ଆଣ୍ଡ ରେଫରାଲ ହସ୍ପିଟାଲରେ ଚିକିତ୍ସିତ ହେବା ପରେ ତାଙ୍କୁ ଡାକ୍ତରମାନେ ବିଶ୍ରାମ ନେବା ଲାଗି ୪ ସପ୍ତାହ ଛୁଟିରେ ଯିବାକୁ ପରାମର୍ଶ ଦେଇଥିଲେ । ହେଲେ ଚେନ୍ନାଇସ୍ଥିତ ନିଜ ଘରକୁ ଯିବା ବଦଳରେ ସେ ଶ୍ରୀନଗର ଯିବାକୁ ଚାହିଁଥିଲେ । ଯେଉଁଠାରେ ତାଙ୍କ ସ୍କ୍ୱାଡ୍ରନ ଅପରେସନ ଲାଗି ମୁତୟନ ହୋଇଥିଲା । ବର୍ତ୍ତମାନ ସେ ନିଜର ଟିମ୍‌ ଓ ବିମାନ ସହିତ ମିଶି କାମ କରି ସମୟ ବିତାଉଛନ୍ତି । କିନ୍ତୁ କିଛିଦିନ ଭିତରେ ତାଙ୍କୁ ଦିଲ୍ଲୀ ଫେରିବାକୁ ପଡିବ । ସେଠାରେ ସେ ଆଉ ବିମାନ ଚଳାଇବାକୁ ସକ୍ଷମ ଅଛନ୍ତି ନା ନାହିଁ ତାହା ମେଡିକାଲ ବୋର୍ଡ ତାଙ୍କ ନିଷ୍ପତ୍ତି ଶୁଣାଇବେ । ମେଡିକାଲ ଲିଭ୍‌ରେ ଥିବା ବେଳେ ସେ କେଉଁଠାରେ ଛୁଟି ବିତାଇବେ ସେହି ନିଷ୍ପତ୍ତି ନିଜେ ନେଇପାରିବେ ।

ସୂଚନାଯୋଗ୍ୟ ଯେ ଫେବ୍ରୁଆରୀ ୧୪ରେ ଜମ୍ମୁକାଶ୍ମୀରର ପୁଲୱାମାରେ ଘଟିଥିବା ଆତ୍ମଘାତୀ ଆକ୍ରମଣ ପରେ ୨୬ ତାରିଖରେ ଭାରତୀୟ ବାୟୁସେନା ପାକିସ୍ତାନର ବାଲାକୋଟରେ ଥିବା ଆତଙ୍କୀ ଆଡ୍ଡା ଉପରେ ବିମାନ ଆକ୍ରମଣ କରିଥିଲା । ଏହାର ଦିନକ ପରେ ପାକିସ୍ତାନୀ ବିମାନ ଜମ୍ମୁ-କାଶ୍ମୀରରେ ଭାରତୀୟ ସୀମା ଭିତରକୁ ପଶି ଆକ୍ରମଣ ଉଦ୍ୟମ କରିଥିଲେ । କିନ୍ତୁ ସୀମାରେ ମୁତୟନ ଭାରତୀୟ ଯୁଦ୍ଧ ବିମାନ ସେମାନଙ୍କୁ ଘଉଡାଇ ଦେଇଥିଲେ । ଭାରତୀୟ ବାୟୁସେନାର ଯେଉଁ ଯୁଦ୍ଧ ବିମାନ ଏଥିରେ ସାମିଲ ଥିଲା ସେଥିରେ ଅଭିନନ୍ଦନ ରହିଥିଲେ । ସେ ଚଳାଉଥିବା ଏକ ମିଗ୍‌-୨୧ ବାଇସନ ବିମାନ ସହାୟତାରେ ମିସାଇଲ ମାଡ଼ କରି ପାକିସ୍ତାନର ଗୋଟିଏ ଏଫ-୧୬ ଲଢ଼ୁଆ ବିମାନ ଖସାଇ ଦେଇଥିଲେ । ହେଲେ ପାକିସ୍ତାନର ଅନ୍ୟ ଯୁଦ୍ଧବିମାନର ମିସାଇଲ ମାଡ଼ରେ ତାଙ୍କ ବିମାନ ପିଓକେରେ ଖସିପଡିଥିଲା । ସେଠାରେ ତାଙ୍କୁ ପାକିସ୍ତାନୀ ସେନା ଧରିନେଇଥିଲେ । ତେବେ ଭାରତର ଚେତାବନୀ ଓ ଆନ୍ତର୍ଜାତିକ ଚାପ ଯୋଗୁ ପାକିସ୍ତାନ ତାଙ୍କୁ ମାର୍ଚ୍ଚ ୧ ତାରିଖରେ ମୁକ୍ତ କରିଥିଲା ।