୨.୬ କୋଟି ଟଙ୍କା ଠକେଇର ଶିକାର ହେଲେ ଅଭିନେତା ଦୀପକ, ଥାନାରେ କଲେ ଅଭିଯୋଗ
timesofindia
ମୁମ୍ବାଇ ୨୦/୦୩ : ବଲିଉଡ୍ ଅଭିନେତା ତଥା ନିର୍ଦ୍ଦେଶକ ଦୀପକ ତିଜୋରୀଙ୍କ ସହ ଠକେଇ ହୋଇଥିବା ମାମଲା ସାମ୍ନାକୁ ଆସିଛି। ଅଭିନେତା ଆମ୍ବୋଲି ପୋଲିସ ଷ୍ଟେସନରେ ଏହି ଅଭିଯୋଗ କରିଛନ୍ତି। ଦୀପକ ତାଙ୍କ ଅଭିଯୋଗରେ ପ୍ରକାଶ କରିଛନ୍ତି ଯେ ତାଙ୍କ ସହ କୋଟି କୋଟି ଟଙ୍କା ଠକେଇ ହୋଇଛି। ସେ ଏହି ଅଭିଯୋଗ ତାଙ୍କ ସହ-ନିର୍ମାତା ମୋହନ ନାଡାରଙ୍କ ନାଁରେ କରିଛନ୍ତି। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ସୂଚନା ଅନୁଯାୟୀ, ଦୀପକ ମୋହନ ନାଡାରଙ୍କ ସହ ଏକ ଥ୍ରିଲର୍ ଫିଲ୍ମ ପାଇଁ ହାତ ମିଶାଇଥିଲେ। ଯେଉଁଥିପାଇଁ ଅଭିନେତା ତାଙ୍କୁ ୨.୬ କୋଟି ଟଙ୍କା ଦେଇଥିଲେ। କିନ୍ତୁ ନିର୍ମାତା ତାଙ୍କୁ କୌଣସି ଟଙ୍କା ଫେରାଇନଥିଲେ। ଦୀପକଙ୍କ ଅଭିଯୋଗ ପରେ ପୋଲିସ ଆଇପିସିର ଧାରା ୪୨୦ ଏବଂ ୪୦୬ ଅନୁଯାୟୀ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
Bollywood actor & director Deepak Tijori filed a case of cheating at Amboli police station. The actor alleged that he was duped of Rs 2.6 cr by co-producer Mohan Nadar, who joined him to produce a thriller film. Case has been registered under sec 420 & 406 of IPC & probe… https://t.co/mf05f3LHWm pic.twitter.com/R0jy1saVtN
— ANI (@ANI) March 20, 2023
ଆମ୍ବୋଲି ପୋଲିସ ଅନୁଯାୟୀ, ୨୦୧୯ ରେ ଦୀପକ ଏବଂ ମୋହନ ଟିପ୍ସି ପାଇଁ ଚୁକ୍ତି ପ୍ରସ୍ତୁତ କରି ସାଇନ୍ କରିଥିଲେ। ଏହା ପରେ ଅଭିନେତା ଅନେକ ଥର ତାଙ୍କୁ କହିବା ପରେ ମଧ୍ୟ ସେ ଟଙ୍କା ଫେରସ୍ତ କରିନଥିଲେ। ଯାହାପରେ ଅଭିନେତା ତାଙ୍କ ନାଁରେ ମାମଲା ରୁଜୁ କରିଛନ୍ତି।
