ଆୟକର ରିଟର୍ଣ୍ଣ ଫାଇଲିଂ ପାଇଁ ଆଧାର-ପାନ୍ ଲିଙ୍କ୍ ବାଧ୍ୟତାମୂଳକ
source:www.indiatoday.in
ନୂଆଦିଲ୍ଲୀ,୬ା୨(ଏଜେନ୍ସି): ଆୟକର ରିଟର୍ଣ୍ଣ ଫାଇଲିଂ ନିମନ୍ତେ ଆଧାର ସହିତ ପାନ୍ର ଲିଙ୍କ୍ ବାଧ୍ୟତାମୂଳକ ବୋଲି ବୁଧବାର ସୁପ୍ରିମ୍କୋର୍ଟ କହିଛନ୍ତି । ଏ ବାବଦରେ ସର୍ବୋଚ୍ଚ ଅଦାଲତ ନିଷ୍ପତ୍ତି ନେଇସାରିଥିବା ବେଳେ ଆୟକର ଆଇନ ଧାରା ୧୩୯କକ’କୁ କାଏମ୍ ରଖିଥିବା ବିଚାରପତି ଏ କେ ସିକ୍ରି ଏବଂ ଏସ୍ ଏ ଅବ୍ଦୁଲ୍ ନାଜିରଙ୍କ ଖଣ୍ଡପୀଠ କହିଛନ୍ତି ।
ଉଲ୍ଲେଖଯୋଗ୍ୟ, ଏ ସଂକ୍ରାନ୍ତ ଏକ ଘଟଣାରେ ଦିଲ୍ଲୀ ହାଇକୋର୍ଟ ଦେଇଥିବା ରାୟକୁ ଖାରଜ କରି ସୁପ୍ରିମ୍କୋର୍ଟ ଖଣ୍ଡପୀଠ ଏହି ରାୟ ଦେଇଛନ୍ତି । ପାନ୍-ଆଧାର ଲିଙ୍କ୍ ନ କରି ଶ୍ରେୟା ସେନ୍ ଏବଂ ଜୟଶ୍ରୀ ସାତ୍ପୁତେ ୨୦୧୮-୧୯ ପାଇଁ ଆୟକର ରିଟର୍ଣ୍ଣ ଫାଇଲ୍ କରିପାରିବେ ବୋଲି ଦିଲ୍ଲୀ ହାଇକୋର୍ଟ ଅନୁମତି ଦେଇଥିଲେ । ଏହି ରାୟକୁ କେନ୍ଦ୍ର ସରକାର ସୁପ୍ରିମ୍କୋର୍ଟରେ ଚାଲେଞ୍ଜ୍ କରିଥିଲେ ।
