ମାତ୍ର ୨୩ କୋଟି ଆଧାର-ପାନ୍ ସଂଯୋଗ: ଡେଡ୍ଲାଇନ୍ ମାର୍ଚ୍ଚ ୩୧
source:digitalbharat.org
ନୂଆଦିଲ୍ଲୀ,୭ା୨(ଏଜେନ୍ସି):ଆୟ କର ରିଟର୍ଣ୍ଣ ଦାଖଲ କ୍ଷେତ୍ରରେ ‘ଆଧାର’ ବାଧ୍ୟତାମୂଳକ । ଆଧାର ସହ ପାନ୍ ସଂଯୋଗ ପାଇଁ ଡେଡ୍ଲାଇନ୍ ୨୦୧୯ ମାର୍ଚ୍ଚ ୩୧ ରହିଛି । ଡେଡ୍ଲାଇନ୍ ନିକଟତର ହେଉଥିବାବେଳେ ମାତ୍ର ୨୩ କୋଟି ପାନ୍କାର୍ଡଧାରୀ ନିଜର ବାୟୋମେଟ୍ରିକ୍ ଆଇଡି ‘ଆଧାର’କୁ ଏହା ସହ ସଂଯୁକ୍ତ କରାଇଛନ୍ତି । କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ଅଧ୍ୟକ୍ଷ ସୁଶୀଲ ଚନ୍ଦ୍ରା ଏହି ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଆୟ କର ବିଭାଗ ବର୍ତ୍ତମାନ ସୁଦ୍ଧା ୪୨ କୋଟି ପାନ୍କାର୍ଡ ଜାରି କରିଛି । ଏଥିମଧ୍ୟରୁ ମାତ୍ର ୨୩ କୋଟି ପାନ୍ ଆଧାର ସଂଯୋଗ ହୋଇଛି । ଆୟ କର ରିଟର୍ଣ୍ଣ ଦାଖଲ ପାଇଁ ଆଧାରକୁ ସର୍ବୋଚ୍ଚ ନ୍ୟାୟାଳୟ ବାଧ୍ୟତାମୂଳକ କରିଛନ୍ତି । ଆଧାର ସହ ପାନ୍ ସଂଯୋଗ ପାଇଁ ଅନ୍ତିମ ତାରିଖ ୨୦୧୯ ମାର୍ଚ୍ଚ ୩୧ ରହିଛି । ଆଉ ମାତ୍ର କମ୍ ଦିନ ଥିବା ସତ୍ତେ୍ୱ ଜମା ୨୩ କୋଟି ଆଧାର-ପାନ୍ ସଂଯୋଗ ହୋଇଥିବା ଚନ୍ଦ୍ରା କହିଛନ୍ତି ।
ସେ କହିଛନ୍ତି ଯେ, ଆଧାର ସଂଯୋଗ ହେବା ଦ୍ୱାରା ଆମେ ଜାଣିପାରିବୁ ଯେ, ପାନ୍ଟି ଅସଲି କି ନକଲି । ସମ୍ପ୍ରତି ଏକାଧିକ ନକଲି ପାନ୍ ଘୂରିବୁଲୁଛି । ଆଧାର ସଂଯୋଗ ହେବା ଦ୍ୱାରା ନକଲି ପାନ୍ ଚିହ୍ନଟ ହୋଇପାରିବ । ଯଦି ଆଧାର ସହ ପାନ୍ ସଂଯୋଗ ନ ହୁଏ ଆମେ ଉକ୍ତ ପାନ୍କୁ ରଦ୍ଦ କରିପାରିବୁ ବୋଲି ଆସୋଚାମ୍ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ଚନ୍ଦ୍ରା କହିଛନ୍ତି ।
