ସନାତନ ଧର୍ମରେ, ଅଧିକ ମାସ ବା ‘ମଳ ମାସ’କୁ ଏକ ଅତ୍ୟନ୍ତ ବିଶେଷ, ପବିତ୍ର ଏବଂ ଗୁରୁତ୍ୱପୂର୍ଣ୍ଣ ମାସ ଭାବରେ ବିବେଚନା କରାଯାଏ। ଏହାକୁ ପୁରୁଷୋତ୍ତମ ମାସ ମଧ୍ୟ କୁହାଯାଏ। ଏହି ମାସ ବ୍ରହ୍ମାଣ୍ଡର ରକ୍ଷାକର୍ତ୍ତା ଭଗବାନ ବିଷ୍ଣୁଙ୍କ ପାଇଁ ସମର୍ପିତ। ଏହି ମାସରେ ଉପବାସ ଏବଂ ଭଗବାନ ବିଷ୍ଣୁଙ୍କ ପୂଜା କରିବା ଅତ୍ୟନ୍ତ ପୁଣ୍ୟ ବୋଲି ବିବେଚନା କରାଯାଏ। ଏହି ବର୍ଷ, ମଳ ମାସ ୧୭ ମଇ ୨୦୨୬ ରୁ ୧୫ ଜୁନ୍ ୨୦୨୬ ପର୍ଯ୍ୟନ୍ତ ରହିବ।
ଏହା କେବଳ ଏକ ଅତିରିକ୍ତ ମାସ ନୁହେଁ, ବଂର ଆଧ୍ୟାତ୍ମକି ସାଧାନ ଓ ଆତ୍ମଚିନ୍ତନର ବିଶେଷ ଅବସର ମନେକରାଯାଏ। ସେତେବେଳେ ସୂର୍ଯ୍ୟ ଗୋଟିଏ ରାଶିରୁ ଅନ୍ୟ ରାଶିକୁ ପ୍ରବେଶ କରନ୍ତି ନାହିଁ। ଏହି ଅବଧିକୁ ‘ମଳ ମାସ’ କୁହାଯାଏ। ପ୍ରତି ମାସ ସୂର୍ଯ୍ୟଙ୍କ ରାଶି ପରିବର୍ତ୍ତନ ସଂକ୍ରାନ୍ତିରେ ହୁଏ, କିନ୍ତୁ ଯେତେବେଳେ କୌଣସି ମାସରେ ସୂର୍ଯ୍ୟ ରାଶିରେ ପରିବର୍ତ୍ତନ କରନ୍ତି ନାହିଁ, ତେବେ ତାହା ‘ମଳ ମାସ’ କୁହାଯାଏ। ଏହି ପବିତ୍ର ମାସରେ କିଛି କାମ କରିବା ବର୍ଜିତ ଥାଏ, ତେବେ ଆସନ୍ତୁ ଜାଣିବା ସେହି ସବୁ କାମ କ’ଣ ?
ତାମସିକ ଖାଦ୍ୟ ଗ୍ରହଣ: ‘ମଳ ମାସ’ ଏକ ପବିତ୍ର ମାସ, ତେଣୁ ମଦ୍ୟପାନ ଏବଂ ମାଂସାହାରୀ ଖାଦ୍ୟ ସମେତ ଯେ କୌଣସି ତାମସିକ ଖାଦ୍ୟ ଖାଇବାରୁ ଦୂରେଇ ରୁହନ୍ତୁ। ଏହି ମାସ ସାରା କେବଳ ସାତ୍ୱିକ ଖାଦ୍ୟ ଖାଆନ୍ତୁ। ନଚେତ୍, ଆପଣଙ୍କ ଜୀବନରେ ଦୁର୍ଭାଗ୍ୟ ଏବଂ ନକାରାତ୍ମକତା ବୃଦ୍ଧି ପାଇପାରେ।
କ୍ରୋଧ ଓ ଅପମାନ : ଏହି ମାସରେ କ୍ରୋଧ ଓ କାହାର କୌଣସି ପ୍ରକାର ଅପମାନ କରନ୍ତୁ ନାହିଁ। କାରଣ ଏଭଳି କରିବା ଫଳରେ ନକାରାତ୍ମକତା ବୃଦ୍ଧି ପାଇଥାଏ। ପୁରୁଷୋତ୍ତମ ମାସ ଶୁଭ ବିଚାର ଓ ଜୀବନରେ ନକାରାତ୍ମକତା ଆଣିଥାଏ।
ଶୁଭ ଏବଂ ମାଙ୍ଗଳିକ କାର୍ଯ୍ୟ: ବିବାହ, ବ୍ରତ, ନିର୍ବନ୍ଧ, ନୂତନ କାର୍ଯ୍ୟ ଆରମ୍ଭ କରିବା ଏବଂ ମୁଣ୍ଡନ, ଉତ୍ସବ ଇତ୍ୟାଦିରୁ ଦୂରେଇ ରୁହନ୍ତୁ। ଏହି ମାସରେ ଏହି ଶୁଭ କାର୍ଯ୍ୟଗୁଡ଼ିକ ଶୁଭ ଫଳ ପ୍ରଦାନ କରିବ ନାହିଁ।
କାହାକୁ ଖାଲି ହାତରେ ଫେରାନ୍ତୁ ନାହିଁ: ଏହି ମାସରେ କାହାକୁ ଖାଲି ହାତରେ ଫେରାନ୍ତୁ ନାହିଁ। କାହାଠାରୁ ଟଙ୍କା ଚୋରି କରନ୍ତୁ ନାହିଁ। ଠକେଇରେ ଲିପ୍ତ ହୁଅନ୍ତୁ ନାହିଁ। ଏହା ଆପଣଙ୍କୁ ବହୁତ କ୍ଷତି ପହଞ୍ଚାଇପାରେ।
ଉପବାସ ଏବଂ ବ୍ରତ : ପୁରୁଷୋତ୍ତମ ମାସରେ କୌଣସି ଉପବାସ ରଖନ୍ତୁ ନାହିଁ କିମ୍ବା କୌଣସି ବ୍ରତ, ଅନୁଷ୍ଠାନ ବା ଉତ୍ସବର ଶେଷ ବା ସମାପନ ବିଧି କରନ୍ତୁ ନାହିଁ।
କରନ୍ତୁ ଏହି ସବୁ କାମ, ମିଳିଥାଏ ପୂଣ୍ୟ
ମଳ ମାସ ସମୟରେ ଏହି କାର୍ଯ୍ୟଗୁଡ଼ିକ ଆଶୀର୍ବାଦ ଆଣିଥାଏ। ଏହି ପବିତ୍ର ମାସରେ ପ୍ରତିଦିନ ଭଗବାନ ବିଷ୍ଣୁଙ୍କର ପୂଜା କରନ୍ତୁ। ‘ଓଁ ନମୋ ଭଗବତେ ବାସୁଦେବାୟ’ ମନ୍ତ୍ର ଜପ କରନ୍ତୁ। ସନ୍ଧ୍ୟାରେ ତୁଳସୀ ଗଛ ପାଖରେ ଦୀପ ଜାଳନ୍ତୁ। ଗରିବଙ୍କୁ ଦାନ କରନ୍ତୁ।
ଆହୁରି ପଢନ୍ତୁ :ମିଥୁନ ରାଶିରେ ଶୁକ୍ରଙ୍କ ଚଳନ: ମେ’ ୧୪ରୁ ଆରମ୍ଭ ହେବ ‘ଗୋଲଡେନ୍ ପିରିୟଡ୍’, ଏହି ୫ ରାଶି ଭାଗ୍ୟରେ ପ୍ରବଳ ଧନବର୍ଷା !
