PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

୩୨ ବର୍ଷ ପରେ ଅରୁଣାଚଳ ପ୍ରଦେଶର ଏହି ୩ ରାଜ୍ୟରୁ ଆଶିଂକ ହଟିଲା ଆଫସ୍ପା

ନୂଆଦିଲ୍ଲୀ,୨।୪:ସୁରକ୍ଷା ବଳକୁ ଅତିରିକ୍ତ ଶକ୍ତି ପ୍ରଦାନ କରୁଥିବା ବିବାଦୀୟ ସଶସ୍ତ୍ର ବଳ ସ୍ୱତନ୍ତ୍ର କ୍ଷମତା ଆଇନ (ଆଫସ୍ପା)କୁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଆଶିଂକ ଭାବେ ହଟାଇ ଦିଆଯାଇଛି। ଦୀର୍ଘ ୩୨ ବର୍ଷ ପରେ ଅରୁଣାଚଳପ୍ରଦେଶର ୩ ଜିଲାରୁ ଏହାକୁ ଆଶିଂକ ଭାବରେ ହଟାଇ ଦିଆଯାଇଛି। ତେବେ ଏହି ଆଇନ ମ୍ୟାମାଁ ଅଞ୍ଚଳରେ ଲାଗୁ ରହିବ। ଏ ସମ୍ପର୍କରେ ବିଭାଗୀୟ ଅଧିକାରୀମାନେ ଆଜି ଏହି ସୂଚନା ଦେଇଛନ୍ତି।

ଉଲ୍ଳେଖନୀୟ ଯେ, ୧୯୮୭ ଫେବୃଆରୀ ୨୦ରେ ଅରୁଣାଚଳପ୍ରଦେଶରେ ବିବାଦୀୟ ଆଫସ୍ପା ଲାଗୁ ହୋଇଥିଲା। ଏହି ଆଇନ ଆସାମ ଏବଂ କେନ୍ଦ୍ର ଶାସିତ ପ୍ରଦେଶ ମଣିପୁରରେ ଏହା ପୂର୍ବରୁ ଲାଗୁ ହୋଇଥିଲା। ଅରୁଣାଚଳପ୍ରଦେଶ ପରେ ମେଘାଳୟ, ମିଜୋରମ, ନାଗାଲାଣ୍ଡ ଅସ୍ତିତ୍ୱକୁ ଆସିଥିଲା ଓ ଏହି ରାଜ୍ୟଗୁଡ଼ିକରେ ବି ଏହି ଆଇନ ଲାଗୁ ହୋଇଥିଲା। ପରେ ବିଚାରପତି ପି.ଜୀବନ ରେଡ୍ଡୀ କମିଟି କେତେକ ରାଜ୍ୟରୁ ଆଫସ୍ପା ହଟାଇବାକୁ ସୁପାରିଶ କରିଥିଲେ। ଏହି ଅନୁସାରେ ଅରୁଣାଚଳର ୯ ଜିଲା ମଧ୍ୟରୁ ୩ଟି ଜିଲାରୁ ଏହି ଆଇନକୁ ଆଶିଂକ ଭାବେ ହଟାଇ ଦିଆଯାଇଛି।

ଗୃହ ମନ୍ତ୍ରାଳୟ ପକ୍ଷରୁ ଜାରି ଅଧିସୂଚନାରେ କୁହାଯାଇଛି ଯେ ଅଶାନ୍ତ ଅଞ୍ଚଳ ଘୋଷିତ ଅରୁଣାଚଳ ପ୍ରଦେଶର ୪ ଥାନା ଅଞ୍ଚଳରୁ ରବିବାରଠାରୁ ଆଫସ୍ପା ହଟାଇ ଦିଆଯାଇଛି। ଯେଉଁ ଥାନାରେ ଏହି ଆଇନକୁ ହଟାଇ ଦିଆଯାଇଛି ସେଥିରେ ପଶ୍ଚିମ କାମେଙ୍ଗ ଜିଲାରେ ବୋଲେମୁ, ଭାଲୁକପୋଙ୍ଗ ଥାନା, ପୂର୍ବ କାମେଙ୍ଗ ଜିଲାର ସେଇଜୋସା ଥାନା ଏବଂ ପାପୁମପାରୋ ଜିଲାର ବାଲିଜାନ ଥାନା ଅନ୍ତର୍ଭୁକ୍ତ। ତେବେ ତିରାପ, ଚୋଙ୍ଗଲାଙ୍ଗ, ଲୋଙ୍ଗାଡିଙ୍ଗ, ନାମସାଇ ଜିଲାରେ ଏହି ଆଇନ ବଳବତ୍ତର ରହିଛି। ଉଲ୍ଳେଖନୀୟ ଯେ, ଆଫସ୍ପା ଆଇନ ଅନୁସାରେ ସୁରକ୍ଷାବଳ କୌଣସି ବି ଲୋକକୁ ଗିରଫ କରିପାରିବେ ଓ କୌଣସି ବି ଘର ଓ କାର୍ଯ୍ୟାଳୟ ପରିସରରେ ତଲାସୀ କରିପାରିବେ