ନୂଆଦିଲ୍ଲୀ,୨୪/୦୧: ଦିନ କେଇଟା ପରେ ଆଗତ ହେବ ୨୦୨୫-୨୬ ଆର୍ଥିକବର୍ଷର ସାଧାରଣ ବଜେଟ୍ । ବିଭିନ୍ନ କ୍ଷେତ୍ର ପକ୍ଷରୁ ବଜେଟ୍କୁ ନେଇ ଭିନ୍ନ ଭିନ୍ନ ଆଶା ରହିଛି । ତେବେ ଏଥର କୃଷି ବଜେଟ୍ରେ ବଡ଼ ଧରଣର ବୃଦ୍ଧି କରାଯାଇପାରେ ବୋଲି ଅନୁମାନ ରହିଛି।
ସୂତ୍ର ଅନୁସାରେ, ଆସନ୍ତା ଆର୍ଥିକବର୍ଷ ପାଇଁ ବଜେଟ୍ରେ କୃଷି କ୍ଷେତ୍ର ପାଇଁ ବ୍ୟୟବରାଦରେ ପ୍ରାୟ ୧୫% ବୃଦ୍ଧି ହୋଇପାରେ । ଏଥର କୃଷି କ୍ଷେତ୍ରକୁ ମିଳିପାରେ ପ୍ରାୟ ୨୦୦୦ କୋଟି ଡଲାର ବା ୧,୭୩,୦୦୦ କୋଟି ଟଙ୍କା । ଦୁଇଟି ପ୍ରମୁଖ ସରକାରୀ ସୂତ୍ରରୁ ଏହା ଜଣାପଡ଼ିଛି। ଯଦି ଏହା ହୁଏ ତେବେ ୬ ବର୍ଷରେ କୃଷି ବଜେଟ୍ରେ ଏହା ହେବ ସର୍ବାଧିକ ବୃଦ୍ଧି । ଗ୍ରାମୀଣ ଆୟ ବୃଦ୍ଧି ତଥା ଦରଦାମ ନିୟନ୍ତ୍ରଣ ଲାଗି ସରକାର ଏଭଳି ଘୋଷଣା କରିପାରନ୍ତି ବୋଲି ଜଣାପଡ଼ିଛି । ଅତିରିକ୍ତ ପାଣ୍ଠି ମାଧ୍ୟମରେ ଉଚ୍ଚ ଅମଳକ୍ଷମ ବିହନ ବିକାଶ, ଭଣ୍ଡାର କ୍ଷମତା ବୃଦ୍ଧି, ମଜଭୁତ ଯୋଗାଣ ଭିତ୍ତିଭୂମି ଏବଂ ଡାଲିଜାତୀୟ ଶସ୍ୟ, ତୈଳବୀଜ, ପନିପରିବା ଓ ଦୁଗ୍ଧଜାତ ଉତ୍ପାଦଗୁଡ଼ିକର ଉତ୍ପାଦନ ବୃଦ୍ଧି ଲାଗି କାର୍ଯ୍ୟ କରାଯିବ।
