ମୁମ୍ବାଇ ୨୯/୫: ବଲିଉଡ ଅଭିନେତା ଅଜୟ ଦେବଗନଙ୍କୁ ଆପଣ ଫିଲ୍ମରେ କାର୍ ଏବଂ ବାଇକରେ ଷ୍ଟଣ୍ଟ୍ କରିଥିବା ଦେଖିଥିବେ । ତେବେ ରିୟଲ ଲାଇଫରେ କାର୍ ପ୍ରତି ତାଙ୍କର ଅନେକ ଦୁର୍ବଳତା । ତାଙ୍କ ପତ୍ନୀ କାଜୋଲ ଏବଂ ଝିଅ ନ୍ୟାସା ଦେବଗନଙ୍କୁ ମଧ୍ୟ ଅନେକ ସମୟରେ ଲକ୍ସରୀ କାରରେ ଦେଖିବାକୁ ମିଳେ । ନିକଟରେ ଅଜୟ ଦେବଗନ୍ ନିଜ କାର କଲେକ୍ସନରେ ପ୍ରଥମ ଇଲେକ୍ଟ୍ରିକ୍ କାର୍ ସାମିଲ କରିଛନ୍ତି । ସେ ବିଏମଡବ୍ଲୁର ସୁପର ଲକ୍ସରୀ ଇଭି BMW i7 କିଣିଛନ୍ତି । ଏହାର ଦାମ୍ ୧.୯୫ କୋଟି ଟଙ୍କା ।
ଏହା କାରରେ ୨ଟି ଇଲେକ୍ଟ୍ରିକ୍ ମୋଟର୍ସ ଦିଆଯାଇଛି ଯାହା ଏକାଥରେ ୫୪୪ ହର୍ସପାୱର ଏବଂ ୭୪୫ ଏନଏମର ଟର୍କ ଜେନେରେଟ୍ କରିଥାଏ । ଫୁଲ ଚାର୍ଜରେ ଏହା ୫୫୦ କିମିରୁ ଅଧିକ ରେଞ୍ଜ ଅଫର କରିଥାଏ । BMW i7ର ଟପ୍ ସ୍ପିଡ୍ ୨୩୯ କିମି ପ୍ରତି ଘଣ୍ଟା । ଏହା ୪.୭ ସେକେଣ୍ଡ ଭିତରେ ୦ରୁ ୧୦୦ କିମି ପ୍ରତି ଘଣ୍ଟା ସ୍ପିଡ୍ ଧରିପାରେ ।
{"id":580024,"sizeSlug":"full","linkDestination":"none"}
ଏହାର କ୍ୟାବିନ୍ ବିଏମଡ୍ଲୁ ୭ ସିରିଜ୍ ଭଳି । ଏଥିରେ ଇନଫୋଟେଣ୍ଟମେଣ୍ଟ ସିଷ୍ଟମ ଏବଂ ଇନଷ୍ଟ୍ରୁମେଣ୍ଟ କ୍ଲଷ୍ଟର ପାଇଁ ବଡ କର୍ଭଡ୍ ଡିସପ୍ଲେ ବ୍ୟବହାର କରିଯାଇଛି । କାରରେ ୩୧.୩ ଇଞ୍ଚ, ୮କେ ସିନେମା ସ୍କ୍ରିନ୍ ରୁଫରେ ଲଗାଯାଇଛି ଯାହା ଆମାଜନ୍ ଫାୟାର ଟିଭି ଜରିଆରେ ଭିଡିଓ ଷ୍ଟ୍ରିମ୍ କରିପାରେ । ଏହି ସ୍କ୍ରିନକୁ HDMI ପୋର୍ଟ ଜରିଆରେ ପିଏସ୍ ୫ ସହ ମଧ୍ୟ କନେକ୍ଟ କରିହେବ ଏବଂ ଯାତ୍ରା ସମୟରେ ଗେମିଂର ମଜା ନେଇହେବ ।
ସୁନୀଲ ଶେଟ୍ଟୀଙ୍କୁ ଆସୁଥିଲା ଅଣ୍ଡରୱାର୍ଲ୍ଡରୁ ଫୋନ୍, କହିଲେ-ସେମାନେ ମୋତେ ଧମକ…
ଏହି ଇଲେକ୍ଟ୍ରିକ୍ କାରର ପଛ ଡୋରରେ ୫.୫ ଇଞ୍ଚର ଟଚସ୍କ୍ରିନ୍ ରହିଛି ଯାହା ଇନଫୋଟେଣ୍ଟମେଣ୍ଟ ସିଷ୍ଟମ, କ୍ଲାଇମେଟ୍ କଣ୍ଟ୍ରୋଲ ଏବଂ ସିଟକୁ କଣ୍ଟ୍ରୋଲ କରିଥାଏ । ତେବେ ଏହା ଅଜୟ ଦେବଗନଙ୍କ କାର କଲେକ୍ସନରେ ଏକମାତ୍ର ଦାମୀ କାର୍ ନୁହେଁ । ତାଙ୍କ ପାଖରେ ପୂର୍ବରୁ Mercedes S 450 4MATIC, Rolls-Royce Cullinan, Mercedes Maybach GLS600, Range Rover Vogue, Audi Q7, Mini Cooper ମଧ୍ୟ ରହିଛି ।
