ରାତିସାରା ଅଜଗରକୁ ତକିଆ ଭାବି ଶୋଇଥିଲେ ଏହି ବୃଦ୍ଧା, ସକାଳେ ଉଠିଲେ ଆଉ ତା ପରେ…

ନୁଆଦିଲ୍ଲୀ ୩/୨: ସାପ ଘର ଭିତରକୁ ପଶି ଆସିବା କିମ୍ବା ଟଏଲେଟରୁ ବାହାରିବା କଥା ତ ଆପଣ ଶୁଣିଥିବେ ନିଶ୍ଚୟ । କିନ୍ତୁ ଆମେ ଆଜି ଆପଣଙ୍କୁ ଏମିତି ଏକ ଘଟଣା ସମ୍ପର୍କରେ କହିବାକୁ ଯାଉଛୁ ଯାହାକୁ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ମଧ୍ୟପ୍ରଦେଶରେ ମେହଗାଁଅ ଜିଲ୍ଲାରେ କାଳୀ ମାତାଙ୍କ ମନ୍ଦିର ନିକଟରେ ଏକ ଘରେ ରୁହନ୍ତି ଏହି ୮୦ ବର୍ଷୀୟା ବୃଦ୍ଧା । ତାଙ୍କ ଜୀବନରେ ସବୁ ଠିକ୍ ଚାଲିଥିଲା । କିନ୍ତୁ ଅଚାନକ ଘଟିଲା ଏମିତି ଏକ ଘଟଣା । ଘଟଣାଟି କିଛି ଏହିପରି। ଦିନେ ରାତିରେ ତାଙ୍କ ଘର ଭିତରକୁ ପଶିଆସିଥିଲା ଏକ ଅଜଗର ଏବଂ ସମସ୍ତଙ୍କ ଅଜାଣତରେ ବିଛଣାରେ କୁଣ୍ଡଳୀ ମାରି ଶୋଇଥିଲା ।

ଏହାପରେ ବୃଦ୍ଧା ଜଣକ ରାତିରେ ଜାଣିନପାରି ଅଜଗରକୁ ତକିଆ ଭାବି ତା ଉପରେ ମୁଣ୍ଡ ରଖି ରାତିସାରା ଶୋଇଲେ । ରାତିରେ ଅଜଗର ହଲିବାକୁ ଲାଗିଲା । ସକାଳେ ଉଠିବା ପରେ ବୃଦ୍ଧା ଜଣକ ପରିବାର ଲୋକଙ୍କୁ କହିଲେ ଯେ ରାତିସାରା ତକିଆ ସକାଶେ ତାଙ୍କୁ ଭଲ ନିଦ ହେଲାନି ।  ଏହାପରେ ପରିବାର ଲୋକ ଯେତେବେଳେ ତାଙ୍କ ରୁମ୍ ଦେଖିଲେ ତାଙ୍କୁ ୨ ଫୁଟ୍ ଲମ୍ବା ଅଜଗର ନଜର ଆସିଲା । ଏହାପରେ ବନ ବିଭାଗକୁ ଖବର ଦେବାପରେ ତାକୁ ଧରାଯାଇ ଜଙ୍ଗଲରେ ଛଡାଗଲା ।