ଡାବୁଗାଁ, ୧୯।୫ - ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳରେ ବିବାହର ପ୍ରତିଶ୍ରୁତି ଦେଇ ଶାରିରୀକ ସମ୍ପର୍କ । ନାବାଳିକା ଜଣକ ଗର୍ଭବତୀ ହେବା ପରେ ପ୍ରତାରଣା। ଏ ନେଇ ପୀଡିତା ନାବାଳିକା ଜଣକ ଡାବୁଗାଁ ଥାନାରେ ଅଭିଯୋଗ କରିଛି।
ଡାବୁଗାଁ ଥାନା ଅଞ୍ଚଳର ଜଣେ ନାବାଳିକାଙ୍କ ୨୦୨୪ ମସିହା ଦଶହରା ସମୟରେ ବିଷ୍ଣୁ ପାଇକ (୨୫) ସହ ପ୍ରେମ ସମ୍ପର୍କ ଗଢିଉଠିଥିଲା । ଯୁବକ ଜଣଙ୍କ ବିବାହର ପ୍ରଲୋଭନ ଦେଇ ନାବାଳିକା ସହ ଶାରୀରିକ ସମ୍ପର୍କ ରଖିଥିଲା । ଏପରି କିଛି ଦିନ ତଳେ ନାବାଳିକା ଜଣଙ୍କ ଗର୍ଭବତୀ ହୋଇଥିବା ଜାଣିବାକୁ ପାଇଥିଲେ । ପରେ ନାବାଳିକା ଗର୍ଭବତୀ ଥିବା ଯୁବକଙ୍କୁ ଜଣାଇଥିଲେ ଓ ବିବାହ କରିବା ପାଇଁ କହିଥିଲେ। କିନ୍ତୁ ବିଷ୍ଣୁ ନାବାଳିକାକୁ ବିବାହ କରିବାକୁ ମନା କରିଥିଲେ । ଏହାପରେ ଘଟଣା ବିଷୟରେ ପରିବାର ଲୋକଙ୍କୁ କହିଥିଲା । ପରେ ଗ୍ରାମରେ ବୈଠକ କରାଯାଇ ଘଟଣାର ସମାଧାନ ପାଇଁ ଚେଷ୍ଟା କରାଯାଇଥିଲା କିନ୍ତୁ କୌଣସି ସମାଧାନ ହୋଇନଥିଲା । ଶେଷରେ ପୀଡ଼ିତା ନାବାଳିକା ସୋମବାର ଡାବୁଗାଁ ଥାନାରେ ଏତଲା ଦେଇଥିଲେ । ଉକ୍ତ ଏତଲାକୁ ଭିତ୍ତି କରି ଏକ ମାମଲା ରୁଜୁ କରାଯାଇଥିଲା । ପରେ ନାବାଳିକାଙ୍କ ଡାକ୍ତରୀ ମାଇନା କରାଯାଇଛି । ନବରଙ୍ଗପୁର ଜିଲା ପୋଲିସ ମୁଖ୍ୟାଳୟର ଆଇୟୁସିଏଡ଼ବ୍ଳ୍ୟ ବିଭାଗର ସବଇନ୍ସପେକ୍ଟର ଖଗେଶ୍ଵର ଖୋସଲା ମାମଲାର ତଦନ୍ତ କରୁଛନ୍ତି ।
