ରାଉରକେଲା, ୧୨।୫ : ପୁଅ ସାଜିଲା ମାତୃ ହନ୍ତା। ପୁଅର ଟାଙ୍ଗିଆ ଚୋଟରେ ମା’ର ମୃତ୍ୟୁ । ବଣାଇ କେବଲାଙ୍ଗ ଥାନା ବିମଲାଗଡ ଝୁମ୍ପୁଡି ବସ୍ତିରେ ଏଭଳି ଅଭାବନୀୟ ଘଟଣା ଘଟିଛି। ମୃତକ ଜଣକ ହେଲେ ଉମାବତୀ ମାହାଲି (୪୫)।
ସୋମବାର ରାତିରେ ବୁଧୁରାମ ମାହାଲି ଓ ତାଙ୍କ ସ୍ତ୍ରୀ ଙ୍କ ମଧ୍ୟରେ ଝଗଡ଼ା ଲାଗିଥିଲା।ମାଆ ଉମା ବତୀ ମାହାଲି ଝଗଡ଼ା କରିବାକୁ ବାରଣ କରିଥିଲେ । ହେଲେ ବାରଣ କରିବା ସମୟରେ ନୃଶଂସ ପୁଅ ଟାଙ୍ଗିଆରେ ମାଆର ମୁଣ୍ଡକୁ ଚୋଟ ମାରିଥିଲା। ଘଟଣା ସ୍ଥଳରେ ମାଆ ଉମାବତୀ ମାହାଲି ମୃତ୍ୟୁ ଘଟିଥିଲା । ଖବର ପାଇ କେ. ବଲାଙ୍ଗ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ସାଇଣ୍ଟିଫିକ ଟିମ୍ ସହାୟତାରେ ପଞ୍ଚନାମା କରି ଶବକୁ ବ୍ୟବଛେଦ ପାଇଁ ପଠାଇ ହେଉଛି । ଅନ୍ୟପଟେ ହତ୍ୟା ମାମଲା ରୁଜୁ କରି ଅଭିଯୁକ୍ତ ପୁଅ ବୁଧୁରାମ ମାହାଲିଙ୍କୁ ଅଟକ ରଖି ତଦନ୍ତ କରୁଛି କେ. ବଲାଙ୍ଗ ପୋଲିସ ।
