ଅଭିନେତ୍ରୀ ଭାନୁଶ୍ରୀଙ୍କୁ ଟ୍ୱିଟ୍ରେ ବ୍ଲକ୍ କଲେ ଅଲ୍ଲୁ ଅର୍ଜୁନ, ସେୟାର କଲେ ସ୍କ୍ରିନସଟ୍
news18
ନୂଆଦିଲ୍ଲୀ ୨୦/୦୩ : ଟଲିଉଡ୍ ହେଉ କିମ୍ବା ବଲିଉଡ୍, ସିନେମା ଜଗତରେ ପ୍ରାୟତଃ ନୂଆ ଅଭିନେତା-ଅଭିନେତ୍ରୀଙ୍କ ଏଣ୍ଟ୍ରି ହୋଇଥାଏ। ସେମାନଙ୍କ ମଧ୍ୟରୁ କେତେକ ନିଜ କାର୍ଯ୍ୟ ଆଧାରରେ ଇଣ୍ଡଷ୍ଟ୍ରିରେ ଏକ ସ୍ଥାନ ସୃଷ୍ଟି କରିବାରେ ସଫଳ ହୁଅନ୍ତି, ଆଉ କେହି ଅଦୃଶ୍ୟ ହୋଇଯାଆନ୍ତି। ଏହି ଅଭିନେତ୍ରୀମାନଙ୍କ ମଧ୍ୟରୁ ଜଣେ ହେଉଛନ୍ତି ଭାନୁଶ୍ରୀ ମେହେରା। ଯିଏକି ତାଙ୍କର ପ୍ରଥମ ଫିଲ୍ମରେ ଅଲ୍ଲୁ ଅର୍ଜୁନଙ୍କ ସହ କାମ କରିଥିଲେ। କିନ୍ତୁ ଫିଲ୍ମଟି ବକ୍ସ ଅଫିସ୍ରେ ଭଲ ପ୍ରଦର୍ଶନ କରିନନଥିଲା, ଯାହା ପରେ ଅଭିନେତ୍ରୀ ଇଣ୍ଡଷ୍ଟ୍ରିରୁ ଗାୟବ ହୋଇଗଲେ।
ଭାନୁଶ୍ରୀ ଏବଂ ଅଲୁ ଅର୍ଜୁନ ୨୦୧୦ ରେ ଫିଲ୍ମ ‘ଭାରୁଦୁ’ରେ ଏକାଠି କାମ କରିଥିଲେ। ଏଥିରେ ଭାନୁଶ୍ରୀ ମୁଖ୍ୟ ଅଭିନେତ୍ରୀ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମଟି ସିନେମାଘରେ ଭଲ ପ୍ରଦର୍ଶନ କରିନଥିଲା। ତେବେ ଦୀର୍ଘ ଦିନ ପରେ ବର୍ତ୍ତମାନ ଅଭିନେତ୍ରୀ ସୋସିଆଲ ମିଡିଆରେ ଏକ ସ୍କ୍ରିନ ସଟ୍ ସେୟାର କରିଛନ୍ତି, ଯାହା ଖୁବ୍ ଭାଇରାଲ ହେଉଛି। ଏହାକୁ ସେୟାର କରି ସେ ସୂଚନା ଦେଇଛନ୍ତି ଯେ ଅଲ୍ଲୁ ଅର୍ଜୁନ୍ ତାଙ୍କୁ ଟ୍ୱିଟରରେ ବ୍ଲକ୍ କରିଛନ୍ତି।
ଅଭିନେତ୍ରୀଙ୍କ ଟ୍ୱିଟ୍ ଦେଖିବା ପରେ ୟୁଜର୍ସ ଏଥିରେ ବିଭିନ୍ନ ପ୍ରତିକ୍ରିୟା ଦେଉଛନ୍ତି। ଜଣେ ଲେଖିଛନ୍ତି, ‘ଅଲୁ ଅର୍ଜୁନ୍ ଜଣେ ଷ୍ଟାର୍ ଏବଂ ସେ ଛୋଟ କଳାକାରଙ୍କୁ ପସନ୍ଦ କରନ୍ତି ନାହିଁ।’ ଏଥି ସହିତ ଅଭିନେତାଙ୍କର କିଛି ପ୍ରଶଂସକ ମଧ୍ୟ ଭାନୁଶ୍ରୀଙ୍କ ଉପରେ କ୍ରୋଧ ପ୍ରକାଶ କରିଛନ୍ତି। ଏହା ପରେ ଭାନୁଶ୍ରୀ ଟ୍ୱିଟରରେ ଆଉ ଏକ ପୋଷ୍ଟ ସେୟାର କରି ଲେଖିଛନ୍ତି ଯେ ଅଭିନେତା ତାଙ୍କୁ ଟ୍ୱିଟରରୁ ଅନବ୍ଲକ୍ କରିଛନ୍ତି। ସେ ଲେଖିଛନ୍ତି, ‘ମୋ କ୍ୟାରିୟରର ବିଫଳତା ପାଇଁ ମୁଁ କେବେ ବି ଅଲୁଙ୍କୁ ଦାୟୀ କରି ନାହିଁ। ସଂଘର୍ଷ ସହିତ ମୁଁ ହସିବା ସିଖିଛି ଏବଂ ଆଗକୁ ବଢିଛି।‘ ପରେ ସେ ଅଭିନେତାଙ୍କୁ ଧନ୍ୟବାଦ ବି ଦେଇଛନ୍ତି ଯେ ସେ ଏହାକୁ ବ୍ୟକ୍ତିଗତ ଭାବରେ ନେଇ ନାହାଁନ୍ତି।
