କଟକ,୨୫/୪ : କଟକରେ ଅଙ୍ଗନବାଡ଼ି କର୍ମୀଙ୍କ ଆନ୍ଦୋଳନ ୩ୟ ଦିନରେ ପହଞ୍ଚିଲା। ସିଡିପିଓଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରି ଆଜି ମଧ୍ୟ ରାସ୍ତାକୁ ଓହ୍ଲାଇଛନ୍ତି ଶହ ଶହ ଅଙ୍ଗନବାଡି କର୍ମୀ। କଟକ ସିଡିପିଓ ଦୁର୍ନୀତିରେ ଲିପ୍ତ ଅଛନ୍ତି। ତାଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ନିର୍ମାଣ ମଧ୍ୟ ହୋଇସାରିଛି। କିନ୍ତୁ ତାହା କାର୍ଯ୍ୟକାରୀ ହେଉନାହିଁ ବୋଲି ଧାରଣାରତ କର୍ମୀ ମାନେ ଅଭିଯୋଗ କରିଛନ୍ତି।
ଏହା ପୂର୍ବରୁ ଅଙ୍ଗନବାଡ଼ି କେନ୍ଦ୍ର ଗୁଡ଼ିକୁ ବନ୍ଦ ରଖି ସିଏମସି କାର୍ଯ୍ୟାଳୟ ଆଗରେ କର୍ମୀ ମାନେ ବିକ୍ଷୋଭ ପ୍ରଦର୍ଶନ କରିଥିଲେ। କିନ୍ତୁ ତା’ର କୌଣସି ପ୍ରଭାବ ପଡ଼ିଲାନାହିଁ । ତେଣୁ ଆଜି ଜିଲ୍ଲାପାଳଙ୍କୁ ଫେରାଦ ହୋଇଛନ୍ତି ଆନ୍ଦୋଳନରତ ଅଙ୍ଗନବାଡି କର୍ମୀ ମାନେ। ସିଡିପିଓଙ୍କ ବିରୋଧରେ ଦୁର୍ନୀତିର ଅଭିଯୋଗ ଆସିଛି ଏବଂ ସେ ଅଙ୍ଗନବାଡି କର୍ମୀ ମାନଙ୍କୁ ଦୁର୍ବ୍ୟବହାର ପ୍ରଦର୍ଶନ କରୁଥିବାର ଏକାଧିକ ଅଭିଯୋଗ ରହିଛି। ତେଣୁ ତାଙ୍କର ବଦଳି ନ ହେବା ଯାଏଁ କୌଣସି କର୍ମୀ କାର୍ଯ୍ୟରେ ଯୋଗଦେବେନାହିଁ ବୋଲି ଆଜି ସଙ୍ଘ ପକ୍ଷରୁ ଚେତାବନୀ ଦିଆଯାଇଛି।
