ନୂଆଦିଲ୍ଲୀ:- ଚିନ୍ତାରେ ଭାରତର ପଡୋଶି ଚୀନ ଓ ପାକିସ୍ତାନ । କିଛିଦିନ ତଳେ ପିନାକା ରକେଟର ସଫଳ ପରିକ୍ଷଣ କରି ଏହାକୁ ଭାରତୀୟ ସୈନ୍ୟ ବାହିନୀରେ ବ୍ୟବହାର ନେଇ ଅନୁମତି ମିଳିଥିଲା । ଆଉ ଏବେ ଅନ୍ୟଏକ ମିସାଇଲକୁ ସେନା ବାହିନୀରେ ମୁତୟନ କରିବାକୁ ଅନୁମତି ପ୍ରଦାନ କରିଛି ଭାରତ । ଭାରତର ଏହି ଆକ୍ରମଣାତ୍ମକ ଆଭିମୁଖ୍ୟକୁ ନେଇ ଚିନ୍ତାରେ ପଡିଛି ଡ୍ରାଗନ ।
ରୁଦ୍ରମ-୨ ମିସାଇଲର ସଫଳ ପରୀକ୍ଷଣ କରି ସାମରିକ କ୍ଷେତ୍ରରେ ନୂଆ ମାଇଲଷ୍ଟୋନ ସ୍ଥାପନ କରିଛି ରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ(ଡିଆରଡିଓ) । ଏହି ଏଆର ଟୁ ସରଫେସ ମିସାଇଲକୁ ଭାରତୀୟ ବାୟୁସେନାର ସୁଖୋଇ-୩୦ଏମକେଆଇର ବ୍ୟବହାର କରି ଲକ୍ଷସ୍ଥଳକୁ ଚାର୍ଗେଟ କରାଯାଇଥିଲା । ଏହା ଟାର୍ଗେଟକୁ ଭେଦ କରିବାରେ ସଫଳ ହୋଇଥିଲା । ରୁଦ୍ରମ-୨ ଏକ ସଲିଡ ପ୍ରପେଲ୍ଡ ଏୟାର ଟୁ ସରଫେସ ମିସାଇଲ ଯାହା ଶତ୍ରୁ ପକ୍ଷର ଭିତ୍ତିଭୂମି, ରାଡାର ଓ ଯୋଗାଯୋଗାର ମାଧ୍ୟମକୁ ନଷ୍ଟ କରିବାକୁ ସକ୍ଷମ ।
ଡିଆରଡିଓ ୨୯ ମେ ୨୦୨୪ ଦିନ ଓଡିଶାର ଚାନ୍ଦିପୁରଠାରେ ଦିନ ପ୍ରାୟ ୧୧ଟା ୩୦ ବେଳେ ରୁଦ୍ରମ-୨ର ସଫଳ ପରୀକ୍ଷଣ କରିଥିଲା । ଏହି ଉନ୍ନତ୍ତ କ୍ଷେପଣାସ୍ତ୍ର ପ୍ରଣାଳୀ ଦ୍ବାରା ଭାରତକୁ ଆକାଶପଥରୁ ଆକ୍ରମଣ କରିବା ପାଇଁ ସାହାଯ୍ୟ ମିଳିବା ସହ ଭାରତୀୟ ବାୟୁ ସେନାର ସାମର୍ଥ୍ୟ ବୃଦ୍ଧି କରିବାରେ ଏହା ସହାୟକ ହେବ । ଏହି ଏଆର ଟୁ ସରଫେସ ମିସାଇଲକୁ ଆଜି ବ୍ୟବହାରିକ ଉତ୍ପାଦନ ପାଇଁ ସବୁଜ ସଙ୍କେତ ମିଳିଛି ଏହାକୁ ୨୦୨୬ ସୁଦ୍ଧା ଉତ୍ପାଦନ କରିବା ନିମନ୍ତେ ଲକ୍ଷ ରଖାଯାଇଛି ।
ଗତ ଗୁରୁବାର ଦିନ ଗାଇଡେଡ ମିସାଇଲ ପିନାକାର ସଫଳ ପରୀକ୍ଷଣ କରିଥିବା ନେଇ ପ୍ରତିରକ୍ଷା ମନ୍ତ୍ରଣାଳୟ ଘୋଷଣା କରିଥିଲା । ଏହି ପିନାକା ମିସାଇଲର ଆକ୍ରମଣ କ୍ଷମତା ଅଧିକ ରହିଥିବା ବେଳେ ଏହାକୁ ଅଧିକ ସଂଖ୍ୟାରେ ଉତ୍ପାଦନ କରି ନିଜେ ବ୍ୟବହାର କରିବା ସହ ଏହାକୁ ବିଭିନ୍ନ ମିତ୍ର ଦେଶକୁ ବିକ୍ରି କରିବା ନେଇ ଘୋଷଣା କରିଥିଲା ଭାରତ । ଆର୍ମେନିଆ ସହ ଅନେକ ଦେଶ ପିନାକା ମିସାଇଲକୁ କିଣିବା ନେଇ ଭାରତ ସହ କଥାବାର୍ତ୍ତା ଚଳାଇଥିବା ବେଳେ ଏହା ଚୀନ ପାଇଁ ଚିନ୍ତାର କାରଣ ସାଜିଛି ବୋଲି ମତପ୍ରକାଶ ପାଇଛି ।
