PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

ଏସିଆନ୍‌ କପ୍‌: ଜାପାନ-ଇରାନ ସେମି

ଦୁବାଇ, ୨୫ ।୧ (ଏଜେନ୍ସି): ଏଏଫ୍‌ସି ଏସିଆନ୍‌ କପ୍‌ କ୍ୱାର୍ଟର ଫାଇନାଲ୍‌ରେ ଜାପାନ ଓ ଇରାନ ବିଜୟୀ ହୋଇ ସେମି ଫାଇନାଲ୍‌ରେ ପ୍ରବେଶ କରିଛନ୍ତି । ପ୍ରଥମ କ୍ୱାର୍ଟରରେ ଜାପାନ ୧-୦ରେ ଭିଏତନାମକୁ ଏବଂ ଦ୍ୱିତୀୟ କ୍ୱାର୍ଟରରେ ଇରାନ ୩-୦ରେ ଚୀନକୁ ପରାଜିତ କରିଥିଲା ।
ଜାପାନ ୧-୦ ଭିଏତନାମ: ମ୍ୟାଚ୍‌ଟି ପ୍ରବଳ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ହୋଇଥିଲା । ଉଭୟ ଦଳ ଉନ୍ନତ ପ୍ରଦର୍ଶନ କରିଥିଲେ । ପ୍ରଥମାର୍ଦ୍ଧର ଖେଳ ଗୋଲ୍‌ଶୂନ୍ୟ ରହିଥିଲା । ୫୬ତମ ମିନିଟ୍‌ ପର୍ଯ୍ୟନ୍ତ ଖେଳରେ ଗୋଲ୍‌ ସମ୍ଭବ ହୋଇ ନଥିଲା । ଏତିକିବେଳେ ଜାପାନକୁ ମିଳିଥିଲା ପେନାଲ୍ଟି । ପେନାଲ୍ଟି ନିଷ୍ପତ୍ତି ପାଇଁ ‘ଭାର’ର ସହାୟତା ନିଆଯାଇଥିଲା । ଚଳିତ ଟୁର୍ଣ୍ଣାମେଣ୍ଟରେ ପ୍ରଥମ ଥର ଏହି ମ୍ୟାଚ୍‌ରେ ‘ଭାର’ର ସହାୟତା ନିଆଯାଇଥିଲା । ଜାପାନକୁ ମିଳିଥିଲା ପେନାଲ୍ଟିକୁ ରିତସୁ ଡୋଆନ ଗୋଲ୍‌ରେ ପରିଣତ କରି ଦଳକୁ ୧-୦ ଗୋଲ୍‌ରେ ଅଗ୍ରଣୀ କରାଇଥିଲେ । ଏହି ଗୋଲ୍‌ ପରିଶୋଧ କରିବା ପାଇଁ ଭିଏତନାମ ଖେଳର ଶେଷ ପର୍ଯ୍ୟନ୍ତ ସଂଘର୍ଷ କରିଥିଲା। ମାତ୍ର ସଫଳ ହୋଇ ପାରି ନଥିଲା । ଜାପାନକୁ ମଧ୍ୟ ଅଧିକ ସୁଯୋଗ ମିଳି ନଥିଲା । ଶେଷରେ ୧-୦ ଗୋଲ୍‌ରେ ଅଗ୍ରଣୀ ଥିବା ଜାପାନ ବିଜୟୀ ହୋଇ ପ୍ରଥମ ଦଳ ଭାବେ ସେମିରେ ପ୍ରବେଶ କରିଥିଲା ।
ଇରାନ ୩-୦ ଚୀନ: ମ୍ୟାଚ୍‌କୁ ଇରାନ ସଂପୂର୍ଣ୍ଣ ଭାବେ ଆରମ୍ଭରୁ ଶେଷ ପର୍ଯ୍ୟନ୍ତ ନିୟନ୍ତ୍ରଣରେ ରଖିଥିଲା । ୧୭ତମ ମିନିଟ୍‌ ପର୍ଯ୍ୟନ୍ତ ଇରାନ ସହ ଲଢ଼ିଥିଲା ଚୀନ । ମାତ୍ର ୧୮ତମ ମିନିଟ୍‌ରେ ଇରାନ ପ୍ରଥମ ଗୋଲ୍‌ ସ୍କୋର କରି ୧-୦ ଗୋଲ୍‌ରେ ଅଗ୍ରଣୀ ହାସଲ କରିଥିଲା । ମେହନ୍ଦି ତାରେମି ଏହି ଗୋଲ୍‌ଟି ସ୍କୋର କରିଥିଲେ । ସର୍ଦ୍ଦାର ଆଜମୌନ ୩୧ତମ ମିନିଟ୍‌ରେ ଦ୍ୱିତୀୟ ଗୋଲ କରି ଦଳର ସ୍ଥିତି ମଜବୁତ କରିଥିଲେ । ପ୍ରଥମାର୍ଦ୍ଧ ଶେଷ ସୁଦ୍ଧା ୨-୦ ଗୋଲରେ ଆଗୁଆ ରହିଥିଲା ଇରାନ ।
ଦ୍ୱିତୀୟାର୍ଦ୍ଧରେ ଚୀନ ଉନ୍ନତ ପ୍ରଦର୍ଶନ କରିଥିଲା । ଖେଳ ଶେଷ ମିନିଟ୍‌ ପର୍ଯ୍ୟନ୍ତ ଲଢ଼ି ଗୋଲ ପରିଶୋଧ କରିବାର ପ୍ରୟାସ କରିଥିଲା । ହେଲେ ଇରାନ ଖେଳାଳି କୌଣସ ସୁଯୋଗ ଦେଇ ନଥିଲେ । ବରଂ ୯୦୍ମ୧ ମିନିଟରେ ଇରାନର କରିନ ଅନସରିଫର୍ଡ ତୃତୀୟ ଗୋଲ୍‌ ସ୍କୋରରି ୩-୦ ଗୋଲ୍‌ରେ ଦଳକୁ ବିଜୟୀ କରାଇଥିଲେ । ପ୍ରଥମ ଦୁଇଟି କ୍ୱାର୍ଟର ଶେଷ ହେବା ସହ ପ୍ରଥମ ସେମି ଫାଇନାଲ୍‌ ଲାଇନ ଚୂଡ଼ାନ୍ତ ହୋଇଛି । ଆସନ୍ତା ୨୮ ତାରିଖରେ ଇରାନ ଓ ଜାପାନ ପ୍ରଥମ ସେମି ଖେଳିବେ ।

ସମ୍ବନ୍ଧିତ ଖବର