ନୂଆଦିଲ୍ଲୀ: ଦେଢ଼ ବର୍ଷ ପୂର୍ବେ ଉତ୍ତର ପ୍ରଦେଶରେ ଆୟକର ବିଭାଗ ଦ୍ୱାରା ଜବତ ହୋଇଥିବା ମାଫିଆ ଅତିକ୍ ଅହମ୍ମଦର ଛଅଟି ବେନାମୀ ସମ୍ପତ୍ତି ଏବେ ସରକାରୀ ସମ୍ପତ୍ତିରେ ପରିଣତ ହୋଇଛି। ନୂଆଦିଲ୍ଲୀ ସ୍ଥିତ ନିର୍ଣ୍ଣାୟକ ପ୍ରାଧିକରଣ ଆୟକର ବିଭାଗର ନିର୍ଦ୍ଦେଶକୁ ବଜାୟ ରଖିଛନ୍ତି ଏବଂ ସ୍ଥାୟୀ ଜବତୀକରଣ ଆଦେଶ ଜାରି କରିଛନ୍ତି। ଏହି ସମ୍ପତ୍ତି ଗୁଡ଼ିକର ବର୍ତ୍ତମାନର ବଜାର ମୂଲ୍ୟ ୬.୩୫ କୋଟି ଟଙ୍କାରୁ ଅଧିକ । ଅତିକ୍ ଏହାକୁ ତାଙ୍କ ସହଯୋଗୀ ମହମ୍ମଦ ଅସରଫ ଓରଫ ଲଲ୍ଲାଙ୍କ ଚାକର ସୁରଜପାଲଙ୍କ ନାମରେ କିଣିଥିଲା।
ଅତିକ୍ ଅହମ୍ମଦ ସମସ୍ତ ଜମିକୁ ସୁରଜପାଲଙ୍କ ନାମରେ କିଣିଥିଲା। ଆୟକର ବିଭାଗ ଲକ୍ଷ୍ନୌର ବେନାମୀ ସମ୍ପତ୍ତି ଗୁଡିକ ମଧ୍ୟରୁ ପ୍ରୟାଗରାଜର ଏହି ଛଅଟି ସମ୍ପତ୍ତିକୁ ଜବତ କରିଥିଲା । ଯେତେବେଳେ ବିଭାଗ ସୁରଜପାଲଙ୍କ ବିଷୟରେ ତଦନ୍ତ କଲା, ସେତେବେଳେ ଜଣାପଡିଲା ଯେ ୨୦୧୮ ପୂର୍ବରୁ ମଧ୍ୟ ତାଙ୍କ ନାମରେ ଅନେକ ସମ୍ପତ୍ତି କିଣାଯାଇଥିଲା । ସମସ୍ତ ସମ୍ପତ୍ତିର ମାଲିକ ହେବା ସତ୍ତ୍ୱେ, ସୂରଜ ପାଲ କେବେ ବି ତାଙ୍କର ରିଟର୍ଣ୍ଣ ଫାଇଲ କରି ନଥିଲେ। ସୂରଜ ପାଲ ୨୦୧୮ ସୁଦ୍ଧା ତାଙ୍କର ୧୧ଟି ସମ୍ପତ୍ତି ବିକ୍ରି କରିସାରିଥିଲେ। ୧୦ ବର୍ଷ ମଧ୍ୟରେ, ଅତିକ ସୁରଜଙ୍କ ନାମରେ ପ୍ରୟାଗରାଜର ଆଖପାଖ ଅଞ୍ଚଳରେ ୧୦୦ ବିଘା ଜମି କିଣିଥିଲେ, ଯାହାର ମୂଲ୍ୟ ୮୦ କୋଟି ଟଙ୍କାରୁ ଅଧିକ ଥିଲା । ଆୟକର ବିଭାଗ ଅନେକ ଥର ଅସରଫ ଏବଂ ସୁରଜପାଲଙ୍କୁ ନୋଟିସ ଜାରି କରିଥିଲା କିନ୍ତୁ ଆସରଫ ଜେଲରେ ଥିବାରୁ ହାଜର ହୋଇନଥିଲେ ଏବଂ ସୁରଜପାଲ ମଧ୍ୟ କୌଣସି ଧ୍ୟାନ ଦେଇନଥିଲେ।
