ନାବଳକଙ୍କୁ ଗଣଦୁଷ୍କର୍ମ ଉଦ୍ୟମ, ୨ ଜଣ ନାବାଳକ ଅଟକ

କେନ୍ଦ୍ରାପଡ଼ା,୧୮/୦୩: କେନ୍ଦ୍ରାପଡ଼ା ଜିଲ୍ଲା କୁଦାନଗରୀ ଥାନା ଅନ୍ତର୍ଗତ କରିଲୋ ପାଟଣା ଅଞ୍ଚଳର ଜଣେ ଆଠ ବର୍ଷୀୟା  ନାବାଳିକାକୁ ଗଣ ଦୁଷ୍କର୍ମ ଉଦ୍ୟମ ହୋଇଥିବା ନେଇ ଥାନାରେ  ଅଭିଯୋଗ ହୋଇଛି। ନାବାଳିକା  ଗତକାଲି ରାତିରେ ଏ ନେଇ ଏକ ଲିଖିତ ଅଭିଯୋଗ କୁଦାନଗରୀ ଥାନାରେ କରିଛନ୍ତି।  ଅଭିଯୋଗକୁ ଗୁରୁତ୍ୱ ସହକାରେ ନେଇ କୁଦାନଗରୀ ଥାନା ଅଧିକାରୀ ଦେବାଶିଷ ପଣ୍ଡା ୧୭୫/୨୩ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ।

ତେବେ ଦୁଇ ନାବାଳକଙ୍କ ପରିବାର ଓ କିଛି ସ୍ଥାନୀୟ ଲୋକ ଏହି ଘଟଣାକୁ ନେଇ ଆପସ ସମାଧାନ ପାଇଁ ଏକ ଗ୍ରାମରେ ସଭା  ବସାଇଥିଲେ। ଠିକ ସେହି ସମୟରେ କୁଦାନଗରୀ ଥାନା ଅଧିକାରୀ ଦେବାଶିଷ ପଣ୍ଡା ଓ ତାଙ୍କ ଟିମ ଚଢ଼ାଉ କରି  ୨ ନାବାଳକ ଅଭିଯୁକ୍ତଙ୍କୁ ଧରି ଥାନାକୁ ଆଣିଥିଲେ। ପୀଡିତା ନାବାଳିକା  ଓ ତାଙ୍କ ମା’ଙ୍କ ବୟାନ ଆଧାରରେ ପକ୍ସୋ ଆକ୍ଟ ଅଧିନରେ ମାମଲା ରୁଜୁ କରାଯାଇଥିଲା।  ଆଜି ୨ ଜଣଙ୍କୁ ଜୁଭେନାଇଲ ଜଷ୍ଟିସ କୋର୍ଟରେ ହଜାର କରାଯାଇଛି। କିନ୍ତୁ ନାବାଳକ ଦୁହିଁ ଙ୍କ ବାପା ତାଙ୍କ ପୁଅ ନାମରେ ଥିବା ଅଭିଯୋଗକୁ ଖଣ୍ଡନ କରିଛନ୍ତି।