ଖଲିସ୍ତାନୀଙ୍କ ବିରୁଦ୍ଧରେ ଆକ୍ସନ ମୋଡରେ ଅଷ୍ଟ୍ରେଲିଆ ପୋଲିସ, ୬ ଜଣଙ୍କ ଫଟୋ ଜାରି

ନୂଆଦିଲ୍ଲୀ ୨୦/୩: ଅଷ୍ଟ୍ରେଲିଆର ମେଲବର୍ଣ୍ଣରେ ଖଲିସ୍ତାନ ରେଫରେଣ୍ଡମ କାର୍ଯ୍ୟକ୍ରମ ସମୟରେ ହୋଇଥିବା ହିଂସା ମାମଲାରେ ଏବେ ଭିକ୍ଟୋରିଆ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଦେଇଛି । ୨ ମାସ ତଳର ଘଟଣାରେ ଭିକ୍ଟୋରିଆ ପୋଲିସ ଅଚାନକ ହିଂସାକାରୀଙ୍କ ଫଟୋ ଜାରି କରି ସେମାନଙ୍କ ଚିହ୍ନଟ ପାଇଁ ଲୋକଙ୍କ ସାହାଯ୍ୟ ମାଗିଛି । ପିଏମ୍ ମୋଦି ଦ୍ୱାରା ଅଷ୍ଟ୍ରେଲିଆ ପିଏମଙ୍କ ଆଗରେ ଏହି ମାମଲା ଉଠାଇବା ପରେ ଏମିତି ଆକ୍ସନ ନିଆଯାଇଛି ।

ଭିକ୍ଟୋରିଆ ପୋଲିସ ନିଜ ଟ୍ୱିଟରେ ଲେଖିଛି କି ୨୯ ଜାନୁୟାରୀରେ ଖଲିସ୍ତାନ ରେଫରେଣ୍ଡମ ସମୟରେ ଯେଉଁ ଉପଦ୍ରବ ହୋଇଥିଲା ସେଥିରେ ସାମିଲ ଥିବା ୬ ଜଣଙ୍କୁ ଧରିବା ପାଇଁ ଆମକୁ ସହାୟତା କରନ୍ତୁ ।  ପୋଲିସ ଜଣାଇଛି କି କେମିତି ୨୯ ଜାନୁୟାରୀରେ ଜନମତ ସଂଗ୍ରହ ପାଇଁ ଏକାଠି ହୋଇଥିବା ସମୟରେ ଏହି ହିଂସା ହୋଇଥିଲା । ସେମାନେ ପତାକାର ପଛପଟ ବାଡିକୁ ଅସ୍ତ୍ର ଭଳି ବ୍ୟବହାର କରିଥିଲେ । ଏଥିରେ ଅନେକ ଲୋକ ଆହତ ହୋଇଥିଲେ । ଏହା ବ୍ୟତୀତ ସେହିଦିନ ତ୍ରିରଙ୍ଗା ମଧ୍ୟ ଜଳାଇବା ମାମଲା ସାମ୍ନାକୁ ଆସିଥିଲା ।

Police are appealing for public assistance as they continue to investigate an affray at the Khalistan Referendum at Federation Square on 29 Jan.
Police have released images of six men they believe may be able to assist with their enquires.
Read more > https://t.co/lBke2aiZ1m pic.twitter.com/Q5PPifSSfs

— Victoria Police (@VictoriaPolice) March 20, 2023

ପୋଲିସ ସୂଚନା ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ହିଂସାକାରୀଙ୍କୁ ରୋକାଯାଇଥିଲା ଏବଂ ୨ ଜଣ ଗିରଫ ମଧ୍ୟ ହୋଇଥିଲେ । ଏବେ ବାକି ଅନ୍ୟ ୬ ଜଣଙ୍କ ସନ୍ଧାନ ଜାରି ରହିଛି । ପୋଲିସ କହିଛି କି ଯଦି କାହାକୁ ବି ଏମାନଙ୍କ ସମ୍ପର୍କରେ ଜଣାଥାଏ ସେମାନେ ୧୮୦୦୩୩୩୦୦୦ରେ ସୂଚନା ଦେଇପାରିବେ । ଭିକ୍ଟୋରିଆ ପୋଲିସର ଏହି ଅପିଲ୍ ପରେ ଲୋକମାନେ ଆଗେଇ ଆସି ସୋସିଆଲ ମିଡିଆ ଜରିଆରେ ପୋଲିସକୁ ସାହାଯ୍ୟ କରିବାକୁ ଚେଷ୍ଟା କରୁଛନ୍ତି । କିଛି ଲୋକ ପ୍ରଶ୍ନ କରୁଛନ୍ତି କି ଅଷ୍ଟ୍ରେଲିଆ ସରକାରଙ୍କ ପାଖରେ ଫେସିଆଲ୍ ଆଇଡି ରେକର୍ଡ ନାହିଁ କି ମୁହଁରୁ ଚିହ୍ନଟ କରିହେବ । ଯଦି ସେମାନେ ଧରାପଡୁନାହାଁନ୍ତି ତେବେ ତାଙ୍କ ସମ୍ପର୍କୀୟ ଧରାପଡିବା ଉଚିତ୍ ।