PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୁଷୋତ୍ତମପୁର : ପୂର୍ବ ଶତ୍ରୁତାକୁ କେନ୍ଦ୍ରକରି ଯୁବକଙ୍କୁ ଛୁରାମାଡ଼, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||
  • ପଦ୍ମପୁର : ଭିଜିଲାନ୍ସ ଜାଲରେ ଲାଞ୍ଚୁଆ କୃଷି ଅଧିକାରୀ, ଲାଇସେନ୍ସ ବାତିଲ କରିବାକୁ ଧମକ ଦେଇ ସାର ଡିଲରଙ୍କ ଠାରୁ ନେଉଥିଲେ ଲାଞ୍ଚ
  • ||
  • ଭୁବନେଶ୍ଵର : ଏଥର ହେବନି ରାଜ୍ୟସ୍ତରୀୟ ପରେଡ, ଭାଗ ନେବେନି ସ୍କୁଲ ଛାତ୍ରଛାତ୍ରୀ
  • ||
  • ପୁରୀ : ସମୁଦ୍ରରେ ଗାଧୋଇବା ବେଳେ ଭାସିଗଲେ ଯୁବତୀ, ବ୍ଲୁଫ୍ଲାଗ୍ ବିଚ୍‌ରୁ ଉଦ୍ଧାର ହେଲା ମୃତଦେହ
  • ||
  • ଜୁଜୁମରା : ଭାରସାମ୍ୟ ହରାଇ ଓଲଟିଲା ଯାତ୍ରୀବାହି ବସ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ଘଉଡ଼ାଇବା ବେଳେ ଅଘଟଣ, ବନ କର୍ମଚାରୀଙ୍କ ହାତରେ ଫୁଟିଗଲା ବାଣ
  • ||
  • ବିହାରରେ ଭାଙ୍ଗିଲା ଏନ୍‌ଡିଏ ମେଣ୍ଟ: ଅଲଗା ହେଲା ବିଜେପି-ଜେଡିୟୁର ରାସ୍ତା, ରାଜ୍ୟପାଳଙ୍କୁ ଭେଟିବେ ନୀତୀଶ
  • ||

ଆୟୁଷ୍ମାନଙ୍କୁ ପ୍ରଧାନମନ୍ତ୍ରୀ ବାଲ୍‌ ଶକ୍ତି ପୁରସ୍କାର

ଭୁବନେଶ୍ୱର,୨୨ା୧(ବ୍ୟୁରୋ): ବଲାଙ୍ଗୀରର ମନୋଜ କୁମାର ତ୍ରିପାଠୀ ଓ ନିଳିମା ତ୍ରିପାଠୀଙ୍କ ପୁଅ ଆୟୁଷ୍ମାନ୍‌ ତ୍ରିପାଠୀ ପାଇଲେ ପ୍ରଧାନମନ୍ତ୍ରୀ ବାଲଶକ୍ତି ପୁରସ୍କାର । ଆୟୁଷ୍ମାନ୍‌ ଚନ୍ଦ୍ରଶେଖରପୁର ଡିଏଭି ପବ୍ଲିକ୍‌ ସ୍କୁଲରେ ଦ୍ୱାଦଶ ଶ୍ରେଣୀରେ ପଢୁଥିବା ବେଳେ ମେଧାବୀ ଛାତ୍ର ଭାବେ ଏହି ପୁରସ୍କାର ପାଇଛନ୍ତି । ଆୟୁଷ୍ମାନ ଅନ୍ତର୍ଜାତୀୟ ଜୁନିୟର୍‌ ସାଇନ୍ସ ଅଲମ୍ପିଆଡ୍‌ ପରୀକ୍ଷାରେ ସର୍ବଭାରତୀୟ ସ୍ତରରେ ଶ୍ରେଷ୍ଠ ୬ଜଣଙ୍କ ମଧ୍ୟରେ ସ୍ଥାନ ପାଇବା ସହ ଇଣ୍ଡୋନେସିଆର ବାଲିଠାରେ ଆୟୋଜିତ ପ୍ରତିଯୋଗିତାରେ ଭାଗ ନେଇ ଭାରତ ପାଇଁ ସ୍ୱର୍ଣ୍ଣପଦକ ଆଣିଥିଲେ । ଏଠାରେ ୬୭ଟି ଦେଶର ପ୍ରତିନିଧିଙ୍କୁ ପଛରେ ପକାଇ ସ୍ୱର୍ଣ୍ଣପଦକ କେବଳ ରାଜ୍ୟ ନୁହଁ ଦେଶ ପାଇଁ ଗୌରବ ଆଣିଥିଲା । ଏହି ଭଳି ବିଭିନ୍ନ ସର୍ବଭାରତୀୟ ଅଲମ୍ପିଆଡ୍‌ ପରୀକ୍ଷାରେ ଭାଗ ନେଇ ୯ଥର ପ୍ରଥମ ହେବା ସହିତ ସ୍ୱର୍ଣ୍ଣପଦକ ଜିତି ପାରିଛନ୍ତି । ଦୁଇ ଥର ପ୍ରଥମ ହୋଇ ସ୍ୱର୍ଣ୍ଣପଦକ ଜିତିବା ସହିତ ଆମେରିକାସ୍ଥିତ ନାସା ଯିବାକୁ ସୁଯୋଗ ପାଇଛନ୍ତି । ନିକଟରେ ପ୍ରଥମ ହୋଇ ସିଙ୍ଗାପୁରସ୍ଥିତ ଜାତୀୟ ବିଜ୍ଞାନ କେନ୍ଦ୍ର ଯାଇଛନ୍ତି । କିଶୋର ବୈଜ୍ଞାନିକ ପ୍ରୋତ୍ସାହନ ଯୋଜନା (କେଭିପିୱାଇ), ପଦାର୍ଥ ବିଜ୍ଞାନ ଅଲମ୍ପିଆଡ୍‌ ଓ ରସାୟନ ବିଜ୍ଞାନ ଅଲମ୍ପିଆଡ୍‌ରେ ମଧ୍ୟ ବହୁବାର ସଫଳତା ହାତେଇଛନ୍ତି ଆୟୁଷ୍ମାନ୍‌ ।