PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ବଡ଼ଦାଣ୍ଡରେ ମଝିରେ ସ୍କୁଟର ଉପରେ ଶୋଇପଡିଲେ ଯୁବକ, ମୃତ୍ୟୁ ଘଟିଥିବା ଭାବି ଲାଗିଲା ଗହଳି; ଆଉ ତା ପରେ….

ପୁରୀ,୨୩/୦୬: ଭୋର୍‌ ଡାକ୍ତରଖାନା ଛକ ଠାରେ ଲାଗିଥିଲା ଗହଳି । ବଡ଼ଦାଣ୍ଡ ମଝିରେ ଛିଡ଼ା ହୋଇଥିଲା ଏକ ଗିଅର ବିହୀନ ସ୍କୁଟର । ସ୍କୁଟର ଉପରେ ବସି ହ୍ୟାଣ୍ଡେଲ୍‌ ଉପରେ ମୁଣ୍ଡ ରଖି ଝୁଲି ପଡ଼ିଥିଲେ ଜଣେ ଯୁବକ । ନିସ୍ତେଜ ଅବସ୍ଥାରେ ଶୋଇ ରହିଥିବା ଯୁବକଙ୍କୁ ଘେରି ରହିଥିଲେ ଲୋକେ । ତେଣୁ ତାଙ୍କର ମୃତ୍ୟୁ ଘଟିଥିବା ଭାବି ଲୋକେ ଯୁବକଙ୍କୁ ଛୁଇଁ ନଥିଲେ । ଅନ୍ୟପଟେ ଏଭଳି ଅବସ୍ଥାରେ ଯୁବକଙ୍କ ଫଟୋ ଉଠାଇବାରେ ଲୋକେ ବ୍ୟସ୍ତ ଥିଲେ ।

ବୁଧବାର ଭୋର ୫ଟା ୨୦ । ରାଜେନ୍ଦ୍ର କୁମାର ସାହୁ ନାମକ ଜଣେ ଯୁବକ ଭିଡ଼ ଭିତରେ ପଶି ଯୁବକଙ୍କୁ ଏଭଳି ଅବସ୍ଥାରେ ଦେଖିଥିଲେ । ତତ୍‌କ୍ଷଣାତ୍‌ ସେ ୧୧୨କୁ ଡାଏଲ୍‌ କରିଥିଲେ । ପୁଲିସ ପହଞ୍ଚି ଯୁବକଙ୍କ ମୁହଁକୁ ପାଣି ମାରିଥିଲା । ଏଥର ଯୁବକଙ୍କ ହାତ ହଲିଥିଲା । ପରେ ମୁଣ୍ଡ ଟେକି ସାମ୍ନାରେ ମାଟିଆ ପୋଷାକଧାରୀଙ୍କୁ ଦେଖି ମୁରୁକି ହସିଥିଲେ । ଏ କ’ଣ ବୋଲି ପଚାରିଥିଲେ ପୁଲିସ ବାବୁ । ଉତ୍ତରରେ ଯୁବକ ଜଣକ ମୁରୁକି ହସି ‘ଟିକେ ଶୋଇ ପଡ଼ିଲି ଆଉ’ ବୋଲି କହିଥିଲେ । ପରେ ନିଜକୁ ଜଣେ ବ୍ୟାଙ୍କ୍‌ କର୍ମଚାରୀ ବୋଲି କହି ଘଟଣା ସ୍ଥଳରୁ ଦ୍ରୁତ ଗତିରେ ପଳାଇଥିଲେ । ସେ ନିଶାସକ୍ତ ଅବସ୍ଥାରେ ବଡ଼ଦାଣ୍ଡ ମଝିରେ ଗାଡ଼ି ଅଟକାଇ ସିଟ୍‌ରେ ବସିଥିବା ଅବସ୍ଥାରେ ଝୁଲି ପଡ଼ିଥିଲେ ବୋଲି ପୁଲିସକୁ କହିଥିଲେ ଲୋକେ । ହେଲେ ଉପସ୍ଥିତ ଲୋକଙ୍କୁ ପୁଲିସ ଗାଳି କରି ଏଭଳି ଅବସ୍ଥାରେ ତାଙ୍କୁ ସହଯୋଗ ବଦଳରେ ଉପହାସ କରିବା ଜଣେ ମଣିଷର କର୍ତ୍ତବ୍ୟ ନୁହେଁ ବୋଲି କହିଥିଲେ । ଯୁବକଙ୍କ ଏଭଳି ଆଚରଣ ବଡ଼ଦାଣ୍ଡ ଓ ବଡ଼ଶଙ୍ଖରେ ଚର୍ଚ୍ଚାର ବିଷୟ ପାଲଟିଥିଲା।