ଭୁବନେଶ୍ୱର ୦୫/୦୬: ଖୁସିରେ କୋଲାକାତା, ଆସାମ ଫେରିଲେ ଯାତ୍ରୀ । ପୁରୀରୁ ବସ୍ ଯୋଗେ ଯାତ୍ରୀମାନେ ରବିବାର ନିଜ ରାଜ୍ୟକୁ ଫେରିଛନ୍ତି । ସେମାନଙ୍କ ଯାତ୍ରା ଲାଗି ଓଡ଼ିଶା ସରକାର ବସ୍ ବ୍ୟବସ୍ଥା କରିଥିବାରୁ ଯାତ୍ରୀମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସମସ୍ତ ସରକାରୀ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି । ବିଶେଷକରି ସରକାର ତାଙ୍କ ସମସ୍ୟାକୁ ସହୃଦୟତାର ସହ ନେଇ ଯାତ୍ରୀଙ୍କୁ ସୁରକ୍ଷିତ ଭାବେ ମାଗଣାରେ ଗନ୍ତବ୍ୟସ୍ଥଳରେ ପହଞ୍ଚାଇବାର ବ୍ୟବସ୍ଥା କରିଛନ୍ତି । ସେଥିପାଇଁ ଯାତ୍ରୀମାନେ ବେଶି ଖୁସି ହୋଇ ସରକାରଙ୍କ ଉଦ୍ୟମର ଭୂୟସୀ ପ୍ରଶଂସା କରିଛନ୍ତି ।
wp:embed {"url":"https://www.prameya.com/in-bhanga-the-train-movement-became-normal-3-trains-rolled/","type":"wp-embed","providerNameSlug":"prameya"}ଏ ସମସ୍ତ ଯାତ୍ରୀ କିଛିଦିନ ତଳେ ଟ୍ରେନ୍ ଯୋଗେ ଆସାମ, କୋଲକାତାରୁ ପୁରୀ ବୁଲିବାକୁ ଆସିଥିଲେ । ଯେହେତୁ ବାଲେଶ୍ୱର ବାହାନଗା ଟ୍ରେନ୍ ଦୁର୍ଘଟଣା ପରେ ରେଳ ସେବା ବାଧାପ୍ରାପ୍ତ ହୋଇଛି, ତେଣୁ ସେମାନେ ଘରକୁ ଫେରି ନ ପାରି ଫସି ରହିଥିଲେ । ଏ ଘଟଣା ସାମ୍ନାକୁ ଆସିବା ପରେ ଓଡ଼ିଶା ସରକାର ଗୁରୁତର ସହ ନେଇ ପୁରୀ, ଭୁବନେଶ୍ୱର ଓ କଟକରୁ କୋଲକାତାକୁ ମାଗଣା ବସ୍ ସେବା ଆରମ୍ଭ କରିଛନ୍ତି । ଫଳରେ ଯାତ୍ରୀମାନେ ନିଜ ଘରକୁ ଫେରିବା ଆରମ୍ଭ କରିଛନ୍ତି । ପୁରୀ ଆସିଥିବା କୋଲକାତାର ଅର୍ପିତା ମଣ୍ଡଳ କହିଛନ୍ତି, ୬ଜଣ ଆସିଥିଲୁ । ଏବେ ଫେରୁଛୁ । କୌଣସି ଅସୁବିଧା ନାହିଁ । ଗାଡ଼ି ପାଖକୁ ଆସି ନାମ ପଞ୍ଜୀକରଣ ସହ ଆଧାରକାର୍ଡ ଦେଖାଇ ଯାଉଛୁ । ଏଥିପାଇଁ ସରକାରଙ୍କୁ ବହୁତ ଧନ୍ୟବାଦ । ଆସାମରୁ ଆସିଥିବା ଆଉ ଜଣେ ମହିଳା କହିଛନ୍ତି, ୧୭ଜଣ ଆସିଥିଲୁ ଆଜି ବସ୍ରେ ଫେରୁଛୁ ।
