PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ବାକିରେ ସିଗାରେଟ୍‌ ମାଗିବାରୁ ଗଡ଼ିଲା ମୁଣ୍ଡ, ଯୁବକକୁ ଛୁରୀ ଭୁସି ହତ୍ୟା କଲେ ​‌ଚା’ ଦୋକାନ

ଅନୁଗୁଳ,୨୪/୦୫: ବାକିରେ ସିଗାରେଟ୍‌ ମାଗିବାରୁ ପ୍ରଥମେ ବଚସା । ପରେ ଗଣ୍ଡଗୋଳରୁ ଯୁବକକୁ ଛୁରି ଭୁସି ହତ୍ୟା । ଏମିତି ଘଟଣା ଅନୁଗୁଳ ସହର ଉପକଣ୍ଠ ତଥା ସଦର ଥାନା ଇଲାକା ନୂଆସାହି ଗ୍ରାମରେ ଆଲୋଡ଼ନ ଖେଳାଇ ଦେଇଛି । ମୃତକ ନୂଆସାହି ଗ୍ରାମର ଇନ୍ଦ୍ରମଣି ସାହୁଙ୍କ ପୁଅ ଲିଟୁ ଓରଫ୍‌ ଲଳିତ ସାହୁ(୨୮) । ପୁଲିସ୍‌ ଏହି ଘଟଣାରେ ନୂଆସାହି ଗ୍ରାମର ବିଜୟ ସାହୁ(୫୦) ଓ ତାଙ୍କ ଦୁଇ ପୁଅ ଦୁଷ୍ମନ୍ତ ସାହୁ(୨୦) ଓ ପିଣ୍ଟୁ ସାହୁ(୨୨)ଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି । ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଥିବା ବେଳେ ମୃତଦେହ ଶବଗୃହରେ ସଂରକ୍ଷିତ ଥିବା ଜଣାପଡ଼ିଛି ।

ପୁଲିସ୍‌ ସୂଚନା ମୁତାବକ, କାଙ୍ଗୁଲା-ବେନ୍ତପୁର ପଞ୍ଚାୟତର ନୂଆସାହି ଗାଁ ମୁଣ୍ଡରେ ବିଜୟ ସାହୁଙ୍କ ଭିନ୍ନକ୍ଷମ ପୁଅ ଦୁଷ୍ମନ୍ତଙ୍କ ଏକ ଚା’ ଦୋକାନ ରହିଛି । ଏହି ଚା’ ଦୋକାନରୁ ଯାହା ରୋଜଗାର ହୁଏ ତାଙ୍କ ପରିବାର ଚଳେ । ମୃତ ଲିଟୁ ପୂର୍ବରୁ ତାଙ୍କ ଦୋକାନରୁ ବହୁବାର ସିଗାରେଟ୍‌, ଚା’ ଆଦି ପିଇ ଟଙ୍କା ଦେଉନଥିଲେ । ବାକି ଟଙ୍କା ମାଗିଲେ ଓଲଟା ଗାଳିଗୁଲଜ କରୁଥିଲେ । ସେ ଖଳପ୍ରକୃତିର ହୋଇଥିବାରୁ ଦୁଷ୍ମନ୍ତ ଡରିମରି ଦେଉଥିଲେ ବୋଲି କୁହାଯାଉଛି । ରବିବାର ସନ୍ଧ୍ୟାରେ ଦୁଷ୍ମନ୍ତଙ୍କଠାରୁ ସିଗାରେଟ୍‌ ଟାଣିଥିଲେ ଲିଟୁ । ପରେ ସିଗାରେଟ ବାବଦକୁ ଟଙ୍କା ନଦେଇ ପଳାଇ ଯାଇଥିଲେ । ସୋମବାର ମଧ୍ୟାହ୍ନରେ ତାଙ୍କ ଦୋକାନରେ ପୁନର୍ବାର ପହଞ୍ଚିଥିଲେ ଲିଟୁ । ତାଙ୍କୁ ସିଗାରେଟ୍‌ ମାଗିଥିଲେ । ପୂର୍ବ ବାକି ଟଙ୍କା ନଦେଲେ ସିଗାରେଟ୍‌ ଦେବେ ନାହିଁ ବୋଲି ଦୁଷ୍ମନ୍ତ ରୋକ୍‌ଠୋକ୍‌ ଶୁଣାଇଥିଲେ । ଏଥିରେ ଲିଟୁ ରାଗି ଯାଇ ଦୁଷ୍ମନ୍ତଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ସହ ପିଟାମରା କରିଥିଲେ ।

ଦୁଷ୍ମନ୍ତ ଘରକୁ ଯାଇ ପରିବାର ଲୋକଙ୍କୁ ଏ ସମ୍ପର୍କରେ ଜଣାଇଥିଲେ । ଦୁଷ୍ମନ୍ତଙ୍କୁ ମାରପିଟ୍‌ କରିଥିବା ଜାଣିବା ପରେ ତାଙ୍କ ବାପା ଓ ବଡ଼ ଭାଇ ପିଣ୍ଟୁ ସିଧା ଲିଟୁଙ୍କ ଘରେ ପହଞ୍ଚି ପଚରାଉଚୁରା କରିଥିଲେ । ହେଲେ ଭୁଲ୍‌ ମାନିବା ବଦଳରେ ଲିଟୁ ସେଠାରେ ଭିନ୍ନକ୍ଷମ ଦୁଷ୍ମନ୍ତଙ୍କ ଉପରକୁ ପୁଣି ହାତ ଉଠାଇଥିଲେ । ଏଥିରେ ରାଗି ଯାଇ ଦୁଷ୍ମନ୍ତଙ୍କ ପରିବାର ଲୋକ ଲିଟୁକୁ ସଂଘବଦ୍ଧ ଆକ୍ରମଣ କରିଥିଲେ । ଦୁଷ୍ମନ୍ତଙ୍କ ସାନ ଭାଇ ପିଣ୍ଟୁ ପକେଟ୍‌ରେ ଧରି ଯାଇଥିବା ଏକ ଛୁରି ଲିଟୁଙ୍କ ବେକରେ ଭୁସି ଦେଇଥିଲେ । ପ୍ରବଳ ରକ୍ତସ୍ରାବ ସହ ଲିଟୁ ତଳେ ପଡ଼ିଯାଇଥିବା ବେଳେ ଦୁଷ୍ମନ୍ତଙ୍କ ପରିବାର ଲୋକ ଘଟଣାସ୍ଥଳରୁ ଚମ୍ପଟ୍‌ ମାରିଥିଲେ ।

ମା’ ସାମ୍‌ନାରେ ପୁଅ ଲିଟୁକୁ ସଂଘବଦ୍ଧ ଆକ୍ରମଣ ହୋଇଥିଲେ ମଧ୍ୟ ସେ ପୁଅକୁ ରକ୍ଷା କରିପାରିନଥିଲେ । ରକ୍ତ ଜୁଡୁବୁଡୁ ଲିଟୁକୁ ଉଦ୍ଧାର କରି କୌଣସି ଗାଡ଼ି ନମିଳିବାରୁ ଡାଲା ଅଟୋରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ମୃତ ଲିଟୁଙ୍କ ଭାଇ ସଞ୍ଜୟ କୁମାର ସାହୁ ଥାନାରେ ଏତଲା ଦେଇଛନ୍ତି । ପୁଲିସ୍‌ ହତ୍ୟା ମକଦ୍ଦମା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି । ପୁଲିସ୍‌ ୩ ଅଭିଯୁକ୍ତ ବିଜୟ ସାହୁ ଓ ତାଙ୍କ ଦୁଇ ପୁଅ ଦୁଷ୍ମନ୍ତ ଏବଂ ପିଣ୍ଟୁଙ୍କୁ ଥାନାରେ ଅଟକ ରଖି ପଚରାଉଚୁରା ଚଳାଇଛି । ସଦର ଥାନା ଆଇଆଇସି ସତ୍ୟବ୍ରତ ରାଉତ ଘଟଣାର ତଦନ୍ତ କରୁଛନ୍ତି ।