ନୂଆଦିଲ୍ଲୀ,୨୪।୫: ବାଂଲାଦେଶର ମୁଖ୍ୟ ପରାମର୍ଶଦାତା ମହମ୍ମଦ ୟୁନୁସ ନିଜ ପଦରେ ବଜାୟ ରହିବେ । ଏହା ସହିତ ସେ ଇସ୍ତଫା ଦେବା ନେଇ ହେଉଥିବା ସବୁ କଳ୍ପନାଜଳ୍ପନାର ଅନ୍ତ ଘଟିଛି ।ବାଂଲାଦେଶରେ ଅନ୍ତରୀଣ ସରକାର ମୁଖ୍ୟ ଓ ପରାମର୍ଶଦାତା ପରିଷଦ ମୁଖ୍ୟ ପ୍ରଫେସର ମହମ୍ମଦ ୟୁନୁସ୍ ନିକଟରେ ଏକ ବୈଠକ ଡକାଇଥିଲେ। ଯେଉଁଥିରେ ଦେଶର ବର୍ତ୍ତମାନ ରାଜନୈତିକ ପରିସ୍ତିତି, ଭେଦଭାବ ଓ ପ୍ରଶାସନର ଚ୍ୟାଲେଞ୍ଜ ଉପରେ ଗଭୀର ଚର୍ଚ୍ଚା ହୋଇଛି। ଆଡଭାଇଜରୀ କମିଟି ବୈଠକରେ ନିଷ୍ପତ୍ତି ନେଇଛନ୍ତି ଯେ, ମହମ୍ମଦ ୟୁନୁସ ଅନ୍ତରୀଣ ସରକାରଙ୍କ ମୁଖ୍ୟ ରହିବେ। ଉଲ୍ଲେଖନୀୟ ଯେ, ସରକାର, ସେନା ଏବଂ ବିଭିନ୍ନ ରାଜନୈତିକ ଦଳ ମଧ୍ୟରେ ସୃଷ୍ଟି ହୋଇଥିବା ମତଭେଦ ଯୋଗୁଁ ତାଙ୍କ ଇସ୍ତଫାର ସମ୍ଭାବନା ବୃଦ୍ଧି ପାଇଥିଲା।
ଆଡଭାଇଜରୀ କମିଟି ପକ୍ଷରୁ ଏକ ଏକ୍ସ ପୋଷ୍ଟରେ କୁହାଯାଇଛି ଏହି ବୈଠକ ରାଷ୍ଟ୍ରୀୟ ଆର୍ଥିକ ପରିଷଦ ପରେ ଶନିବାର ରାଜଧାନୀର ଶେର-ଇ-ବାଂଲା ନଗରରେ ଯୋଜନା କମିଶନ୍ର ବିଲ୍ଡିଂରେ ଆୟୋଜିତ କରାଯାଇଥିଲା। ବୈଠକର ଆୟୋଜନ ହଠାତ କରାଯାଇଥିଲା। ଯେଉଁଥିରେ ନିର୍ବାଚନ, ସୁଧାର ଓ ନ୍ୟାୟ ଭଳି ତିନୋଟି ଗୁରୁତ୍ବପୂର୍ଣ୍ଣ ବିଷୟ ଉପରେ ଚର୍ଚ୍ଚା ହୋଇଥିଲା।
ପ୍ରଫେସର ୟୁନୁସ ବୈଠକକୁ ସମ୍ବୋଧିତ କରି କହିଛନ୍ତି, ଦେଶର ସ୍ବାଭାବିକ କାର୍ଯ୍ୟ ବାଧାପ୍ରାପ୍ତ ହେଉଛି। ବିଭିନ୍ନ ରାଜନୈତିକ ଦଳ ପକ୍ଷରୁ ସମ୍ପର୍କିତ ଦାବି, ଅବୈଧ ବୟାନ ଓ କାର୍ଯ୍ୟକ୍ରମ ଦେଶରେ ସନ୍ଦେହ ଓ ଭ୍ରମର ସ୍ଥିତି ସୃଷ୍ଟି କରୁଛି। ସେ ସ୍ପଷ୍ଟ କରିଛନ୍ତି ଯେ, ଏହି ସମସ୍ୟା ପରେ ସରକାର ନିଜର ଦାୟିତ୍ବକୁ ପୁରା କରୁଛନ୍ତି । ପରାମର୍ଶଦାତା ପରିଷଦ ଦେଶରେ ସ୍ଥିରତା ବଜାୟ ରଖିବା, ଆଗାମୀ ନିର୍ବାଚନ ସୁଧାର ଓ ନ୍ୟାୟିକ ବ୍ୟବସ୍ଥାକୁ ମଜବୁତ କରିବା ପାଇଁ ସବୁ ରାଜନୈତିକ ଦଳକୁ ଏକଜୁଟ ରହିବାକୁ ଅପିଲ କରିଛନ୍ତି। ସେ ଚେତାବନୀ ଦେଇଛନ୍ତି ଦେଶରେ କୌଣସି ପ୍ରକାର ଏକଛତ୍ରବାଦର ଆଗମନକୁ ସ୍ଥାୟୀ ରୂପରେ ରୋକିବା ଦରକାର।
