ନୂଆଦିଲ୍ଲୀ : ବାଂଲାଦେଶ ସହ ବିବାଦ ମଧ୍ୟରେ ଭାରତ ନିଜର ପଡୋଶୀ ଦେଶକୁ ଆହୁରି ଆର୍ଥିକ ସହଯୋଗ ଦେବାକୁ କହିଛି। ଏହାର ଘୋଷଣା ବଜେଟ୍ରେ କୁହାଯାଇଛି। ଗତ ବଜେଟ୍ ତୁଳନାରେ ଏହି ଥର ଫଣ୍ଡ (ପାଣ୍ଠି)ର ଆବଣ୍ଟନ ପ୍ରାୟ ଦୁଇ ଗୁଣା କରିଦିଆ ଯାଇଛି। କହି ରଖୁଛୁ କି, ବଜେଟ୍ ୨୦୨୫ର ତୁଳନାରେ ଚଳିତ ଥର ପାଣ୍ଠିକୁ ୭୪ ପ୍ରତିଶତ ବୃଦ୍ଧି କରାଯାଇଛି।
୬୦ କୋଟି ଟଙ୍କାର ପ୍ରାବଧାନ –
ଭାରତ ସରକାର ବଜେଟ୍ ୨୦୨୬-୨୭ରେ ବାଂଲାଦେଶକୁ ୬୦ କୋଟି ଟଙ୍କା ଦେବା କଥା କହିଛନ୍ତି। ଗତ ବଜେଟ୍ରେ ପଡୋଶୀ ଦେଶକୁ ୩୪.୪୮ କୋଟି ଟଙ୍କା ଦେବାର ଘୋଷଣା ହୋଇଥିଲା। ବୈଦେଶିକ ମନ୍ତ୍ରଣାଳୟ ପକ୍ଷରୁ ୧୨୦କୋଟି ଟଙ୍କାର ଡିମାଣ୍ଡ ବାଂଲାଦେଶ ପାଇଁ କରାଯାଇ ଥିଲା। ଯାହାକୁ ବଜେଟ୍ରେ ହ୍ରାସ କରାଯାଇଛି।
ଏହାସହ ମଧ୍ୟ ପଢନ୍ତୁ : ବଜେଟରେ ନିର୍ବାଚନୀ ରାଜ୍ୟକୁ ଭେଟି, ଜାଣନ୍ତୁ ତାମିଲନାଡୁ, ବଙ୍ଗ, କେରଳ ଏବଂ ଆସାମକୁ କ'ଣ ମିଳିଲା ?
କହି ରଖୁଛୁ କି, ଯେବେ ଠାରୁ ବାଂଲାଦେଶରେ ମହମ୍ମଦ ୟୁସୁଫଙ୍କ ନେତୃତ୍ୱର ମଧ୍ୟବର୍ତ୍ତୀକାଳୀନ ସରକାର ଦାୟିତ୍ୱ ସମ୍ଭାଳିଛନ୍ତି, ଏହାପର ଠାରୁ ପଡୋଶୀ ଦେଶ ସହ ଭାରତର ସମ୍ୱନ୍ଧ ପ୍ରଭାବିତ ହୋଇଛି। କିନ୍ତୁ ଏହା ସତ୍ତ୍ୱେ ଭାରତ ସରକାର ବହୁତ ହିଁ ସତର୍କତା ସହ ସମ୍ୱନ୍ଧରେ ଆଗକୁ ବଢୁଛନ୍ତି।
ଚାବହାର ପୋର୍ଟରୁ ରଖାଯାଇଛି ଦୂରତ୍ୱ –
ଅର୍ଥ ବର୍ଷ ୨୦୨୪-୨୫ ବେଳେ ଇରାନ ସ୍ଥିତ ଚାବହାର ପୋର୍ଟ ପାଇଁ ବଜେଟ୍ରେ ୪୦୦ କୋଟି ଟଙ୍କାର ଆବଣ୍ଟନ କରାଯାଇ ଥିଲା। ଏହାସହ ହିଁ ଆର୍ଥିକ ବର୍ଷ ୨୦୨୬ ବେଳେ ପୁଣି ଥରେ ୪୦୦କୋଟି ଟଙ୍କାର ସହଯୋଗର ପ୍ରତିଶ୍ରୁତି ଦିଆଯାଇ ଥିଲା। ବଜେଟ୍ ୨୦୨୬-୨୭ରେ ଚାବହାର ପୋର୍ଟ ପାଇଁ କୌଣସି ଅର୍ଥ ଆବଣ୍ଟିତ କରାଯାଇ ନାହିଁ।
ଏହାସହ ମଧ୍ୟ ପଢନ୍ତୁ : ବଜେଟ୍ ୨୦୨୬ : ଜାଣନ୍ତୁ କ’ଣ କହିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ?
ଆଫଗାନିସ୍ତାନକୁ ମିଳିବ ୧୫୦ କୋଟି ଟଙ୍କା –
ବଜେଟ୍ ୨୦୨୬ରେ ତାଲିବାନ ଶାସିତ ଅଫଗାନିସ୍ତାନ ପାଇଁ ମଧ୍ୟ ଫଣ୍ଡ ପ୍ରାବଧାନ କରାଯାଇଛି। ଗତ ବର୍ଷର ତୁଳନାରେ ଏହିଥର ଅଫଗାନିସ୍ତାନକୁ ୫୦ ପ୍ରତିଶତ ଅଧିକ ବଜେଟ୍ ଆବଣ୍ଟିତ ହୋଇଛି। ଭାରତ ସରକାର ଅଫଗାନିସ୍ତାନ ପାଇଁ ୧୫୦ କୋଟି ଟଙ୍କାର ଆବଣ୍ଟନ କରିଛନ୍ତି। କହି ରଖୁଛୁ ଯେ, ନେପାଳକୁ ୮୦୦ କୋଟି ଟଙ୍କାର ପାଣ୍ଠି ବଜେଟ୍ ୨୦୨୬ରେ ମିଳିଛି।
ଭାରତ ସବୁଠୁ ଅଧିକ ଭୁଟାନର ସାହାଯ୍ୟ କରିବ। ନିଜର ପଡୋଶୀ ଦେଶ ଭୁଟାନ ପାଇଁ ଭାରତ ସରକାର ବଜେଟ୍ ୨୦୨୬ରେ ୨୨୮୮କୋଟି ଟଙ୍କାର ପାଣ୍ଠି ଆବଣ୍ଟିତ କରିଛି। ଏଥିରେ ୧୭୬୯ କୋଟି ଟଙ୍କାର ଗ୍ରାଣ୍ଟ ଓ ୫୨୦ କୋଟି ଟଙ୍କାର ଲୋନ୍ ଅନ୍ତର୍ଭୁକ୍ତ ଅଛି। ସୂଚନା ଯେ, ଗତ ବର୍ଷର ତୁଳନାରେ ଭୁଟାନକୁ ଚଳିତ ଥର ୧୭ ପ୍ରତିଶତ ଅଧିକ ପାଣ୍ଠି ଆବଣ୍ଟନ କରାଯାଇଛି।
