ନୂଆଦିଲ୍ଲୀ : ଭଗବାନ ରାଧା-କୃଷ୍ଣଙ୍କ ଭକ୍ତି ରସରେ ବୁଡ଼ି ବାଂଲାଦେଶରୁ ଭାରତ ଆସିଥିବା ଏକ ହିନ୍ଦୁ ପରିବାରର ଯାତ୍ରା ବିହାରର ବାଙ୍କା ଜିଲ୍ଲାରେ ଥମି ଯାଇଛି। ଏଠାରେ ବିଶ୍ୱାସ ଓ ଆଇନ ପରସ୍ପରର ବିରୋଧରେ ଠିଆ ହେବାର ନଜର ଆସିଛି। ମନ୍ଦିରରେ ସେବା ପୂଜା କରି ନିଜ ଦେଶ ଫେରିବାକୁ ପ୍ରସ୍ତୁତ ହେଉଥିବା ଏହି ବାଂଲାଦେଶୀ ପରିବାର, ଯେବେ ଜମଦାହା ଠାକୁରବାଡିରେ ପହଞ୍ଚି ଥିଲେ, ତ ବୈଧ କାଗଜପତ୍ର ନଥିବା କାରଣରୁ ପୁଲିସ ପୂରା ପରିବାରକୁ ଗିରଫ କରି ନେଲା। ଏହି ଘଟଣାର ସବୁଠୁ ମର୍ମସ୍ପର୍ଶୀ ଓ ଭାବପ୍ରବଣର କ୍ଷଣ ସେତେବେଳେ ଦେଖିବାକୁ ମିଳିଲା, ଯେବେ କୋର୍ଟଙ୍କ ଆଦେଶରେ ଦୁଇ ଜଣ ନିରୀହ ପିଲାଙ୍କୁ ତାଙ୍କ ମାତା ପିତାଙ୍କ ଠାରୁ ଅଲଗା କରି ଚାଇଲ୍ଡ ହୋମକୁ ପଠାଇ ଦିଆଗଲା ଏବଂ ମାତା ପିତାଙ୍କୁ ନ୍ୟାୟିକ ହେପାଜତରେ ଜେଲରେ ରଖାଗଲା। ପିଲା ଦୁଇଜଣଙ୍କ ଠାରୁ ବିଦାୟ ନେବା ବେଳେ ଦମ୍ପତି ଭୋ ଭୋ ହୋଇ କାନ୍ଦୁ ଥିଲେ।

ଉକ୍ତ ପୂରା ମାମଲା ବାଙ୍କା ଜିଲ୍ଲାର କଟୋରିଆ ବ୍ଲକ୍ ଅନ୍ତର୍ଗତ ଜମଦାହା ଓପି କ୍ଷେତ୍ରର। ଏଠାରେ ଥିବା ଶ୍ରୀ ଶ୍ରୀ ୧୦୮ ପତିତ ପାବନ ରାଧା-କୃଷ୍ଣ ମନ୍ଦିରରେ ବାଂଲାଦେଶର ବରିଶାଲ ଜିଲ୍ଲାରେ ରହୁ ଥିବା ମିଲଟନ ହଲଦର ,ତାଙ୍କ ପତ୍ନୀ ଝୁମାରାଣୀ ଦାସ ଓ ଦୁଇ ଜଣ ନାବାଳକ ପିଲାଙ୍କ ସହ ଆସି ପହଞ୍ଚି ଥିଲେ। ସେ ମନ୍ଦିରର ପରିଚାଳକ ବିଜୟ ରାୟଙ୍କୁ କହି ଥିଲେ ଯେ, ଭଗବାନ ରାଧା-କୃଷ୍ଣଙ୍କ ସେ ଜଣେ ଭକ୍ତ ଏବଂ କିଛି ଦିନ ଯାଏ ମନ୍ଦିରରେ ରହି ସେବା –ପୂଜା କରିବାକୁ ଚାହାନ୍ତି। 

ଏହି ପରିବାର ନିଜର କୌଣସି ପରିଚୟ ଗୋପନ ରଖିବାକୁ ଚେଷ୍ଟା କରି ନାହାନ୍ତି। ସେମାନେ ବାଂଲାଦେଶ ନିବାସୀ ବୋଲି ମନ୍ଦିର ପ୍ରଶାସନକୁ ମଧ୍ୟ ଜଣାଇ ଥିଲେ। ଦିନସାରା ମନ୍ଦିରର ସେବା କରିବା ପରେ ସେମାନେ ମନ୍ଦିର ପରିସର ଅଥବା ଧର୍ମଶାଳାରେ ରାତି ବତେଉ ଥିଲେ। ଯେବେ ମନ୍ଦିର ପ୍ରଶାସନ ଏହି ସୂଚନା ସ୍ଥାନୀୟ ପୁଲିସକୁ ଦେଲା , ତ ପୁଲିସ ସେଠାରେ ପହଞ୍ଚି ସଂପୃକ୍ତ ପରିବାରକୁ ପଚରାପଚରି କରିଥିଲା। ଯାଞ୍ଚରୁ ଜଣାପଡ଼ିଥିଲା ଯେ, ଏହି ପରିବାର ଭାରତରେ ପ୍ରବେଶ ଓ ନିବାସ ସମ୍ୱନ୍ଧିତ କୌଣସି ବି ବୈଧ ପାସପୋର୍ଟ , ଭିସା କିମ୍ୱା ଅନ୍ୟ କୌଣସି ଆବଶ୍ୟକୀୟ ଡକ୍ୟୁମେଣ୍ଟ ଦେଖାଇ ପାରି ନଥିଲେ। ଏହାପରେ ପୁଲିସ ଦମ୍ପତିକୁ ହେପାଜତକୁ ନେଇ ଯାଇଥିଲା।

ପଚରା ପଚରି ବେଳେ ଏହି ଦମ୍ପତି କହିଥିଲେ , ପ୍ରାୟ ଅଢେଇ ମାସ ପୂର୍ବେ ସେମାନେ ଜଣେ ଦଲାଲକୁ ୨୦ ହଜାର ଟଙ୍କା ଦେଇ ଅବୈଧ ଭାବେ ଭାରତ-ବାଂଲାଦେଶ ସୀମା ପାର କରିଥିଲେ। ସୀମା ପାର କରିବା ପରେ ସେ ପଶ୍ଚିମବଙ୍ଗରେ ପହଞ୍ଚି ଥିଲେ। ହେଲେ ଧରାପଡ଼ିବା ଭୟରେ ସେଠାରେ ଅଧିକ ଦିନ ରହି ନଥିଲେ। ଏହାପରେ ସେମାନେ ଉତ୍ତର ପ୍ରଦେଶର ବୃନ୍ଦାବନରେ ପହଞ୍ଚି ଥିଲେ। ସେଠାରେ ସେମାନେ ଅନେକ ମନ୍ଦିରରେ ଭଗବାନ ରାଧା-କୃଷ୍ଣଙ୍କ ସେବା ଓ ପୂଜା ଅର୍ଚ୍ଚନା କରିଥିଲେ। ବୃନ୍ଦାବନରୁ ଫେରିବା ସମୟରେ ,ସେ ବିହାରର ବାଙ୍କା ସ୍ଥିତ ପ୍ରସିଦ୍ଧ ଜମଦାହା ଠାକୁରବାଡିରେ ପହଞ୍ଚି ଥିଲେ। ଦମ୍ପତିଙ୍କ କହିବାନୁସାରେ, ସେ ବାଂଲାଦେଶ ଫେରିବାକୁ ପ୍ରସ୍ତୁତ ହେଉ ଥିଲେ , କିନ୍ତୁ ଏହା ପୂର୍ବରୁ କିଛି ଦିନ ଏଠାରେ ଭଗବାନଙ୍କ ସେବା କରିବାକୁ ଚାହୁଁ ଥିଲେ।

ପୁଲିସ ଯେତେବେଳେ ଏହି ପରିବାର ରହୁଥିବା ରୁମର ତଲାସୀ କରିଥିଲା , ତ ସେଠାରେ ପୋଷାକ ବ୍ୟତୀତ ସିମ କାର୍ଡ ଥିବା ଏକ ମୋବାଇଲ ଫୋନ ମିଳି ଥିଲା। ମହିଳାଙ୍କ ପାଖରୁ ବାଂଲାଦେଶ ଜାତୀୟ ପରିଚୟ ପତ୍ରର ଫଟୋକପି ଜବତ ହୋଇଥିଲା।

ଆହୁରି ମଧ୍ୟ ପଢନ୍ତୁ - Sheikh Hasina : କେବେ ବାଂଲାଦେଶ ଫେରିବେ, କହିଲେ ଶେଖ ହସିନା …ମିଳିଛି ମୃତ୍ୟୁଦଣ୍ଡ