PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେସିଙ୍ଗା : କେସିଙ୍ଗାରେ ବୃଦ୍ଧି ପାଇବାରେ ଲାଗିଛି ସଟ୍ଟା ଖେଳ ସହିତ ବେଆଇନ ମଦ ବିକ୍ରି, ୩ ଗିରଫ
  • ||
  • କଣ୍ଟାବାଞ୍ଜି : ରାଜ୍ୟ ବାହାରେ ଓଡ଼ିଆ ପରିବାରକୁ ନିର୍ମମ ହତ୍ୟା, ସ୍ଵାମୀ-ସ୍ତ୍ରୀ ସମେତ ଦୁଇ ଛୁଆ ମୃତ
  • ||
  • କଟକ : ବଢିବ ହାଇସିକ୍ୟୁରିଟି ନମ୍ଵର ପ୍ଲେଟ ଅବଧି, ମାସେ ସମୟସୀମା ବୃଦ୍ଧିକଲେ ସରକାର
  • ||

ଅପ୍ରେଲ ୧ରୁ ବ୍ୟାଙ୍କ ଅଫ୍ ବରୋଦା ସହ ମିଶିଯିବ ଏହି ଦୁଇଟି ବ୍ୟାଙ୍କ

ନୂଆଦିଲ୍ଲୀ,୨୮।୩: ଆସନ୍ତା ୧ ଅପ୍ରେଲରେ ବ୍ୟାଙ୍କ  ଅଫ୍ ବରୋଦା(ବିଓବି)ରେ ଦେନା ବ୍ୟାଙ୍କ ଓ ବିଜୟା ବ୍ୟାଙ୍କର ବିଲୟ ହେବାକୁ ଯାଉଛି। ଅର୍ଥାତ ଦେନା ଓ ବିଜୟା ବ୍ୟାଙ୍କର ଗ୍ରାହକଙ୍କ ବ୍ୟାଙ୍କ ଖାତା ଏବେ ବ୍ୟାଙ୍କ ଅଫ୍ ବରୋଦାକୁ ଟ୍ରାନ୍ସଫର ହୋଇଯିବ। ବ୍ୟାଙ୍କ ଅଫ ବରୋଦାରେ ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କ ମିଶିବା ପୂର୍ବରୁ ସରକାର ବ୍ୟାଙ୍କ ଅଫ ବରୋଦାରେ ୫.୦୪୨ କୋଟି ଟଙ୍କା ଜମା କରିବେ। ଏହା ସହ ଯେଉଁମାନଙ୍କର ଆକାଉଣ୍ଟ ଏହି ବ୍ୟାଙ୍କ ଗୁଡିକରେ ରହିଛି ତାଙ୍କୁ ମଧ୍ୟ କିଛି ଜରୁରୀ କାମ କରିବାକୁ ପଡିବ।

source: https://www.livehindustan.com

ସରକାର ଗତ ବର୍ଷ ସେପ୍ଟେମ୍ବରରେ ବିଓବି ସହିତ ବିଜୟା ବ୍ୟାଙ୍କ ଓ ଦେନା ବ୍ୟାଙ୍କର ବିଲୟ ଘୋଷଣା କରିଥିଲେ। ଏହାର ଉଦେଶ୍ୟ ହେଉଛି ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ଓ ଆଇସିଆଇସିଆଇ ବ୍ୟାଙ୍କ ଦ୍ବାରା ତୃତୀୟ ସବୁଠାରୁ ବଡ ବ୍ୟାଙ୍କ ତିଆରି କରିବା। ଏହାଦ୍ବାରା ବଡ ବ୍ୟାଙ୍କିଙ୍ଗ ନେଟଓ୍ବାର୍କ କଷ୍ଟମରଙ୍କୁ ଉପଲବ୍ଧ ହେବ। ପୂର୍ବରୁ ସରକାର ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ଏସବିଆଇରେ ତା’ର ସହଯୋଗୀ ବ୍ୟାଙ୍କ ଓ ମହିଳା ବ୍ୟାଙ୍କର ବିଲୟ କରିଥିଲେ। ମୋଦି ସରକାର ବ୍ୟାଙ୍କର ବୃଦ୍ଧି ପାଉଥିବା ଏନପିଏକୁ ଧ୍ୟାନରେ ରଖି ୨୦୧୬ରେ ସରକାରୀ ବ୍ୟାଙ୍କକୁ ଏକୀକରଣ କରିବାର ଘୋଷଣା କରିଥିଲେ। ଏହାଫଳରେ ସରକାରଙ୍କ ଯୋଜନା ବ୍ୟାଙ୍କର ସଂଖ୍ୟା ହ୍ରାସ କରି ବଡ ବ୍ୟାଙ୍କ ତିଆରି କରିବା।

ଗ୍ରାହକଙ୍କ ଉପରେ ଏଭଳି ପ୍ରଭାବ ପଡିପାରେ…

୧. ଗ୍ରାହକଙ୍କୁ ନୂଆ ଆକାଉଣ୍ଟ ନମ୍ବର ଏବଂ ଗ୍ରାହକ ଆଇଡି ମିଳିବ 
୨. ଯେଉଁ ଗ୍ରାହକଙ୍କୁ ନୂଆ ଆକାଉଣ୍ଟ ନମ୍ବର ବା IFSC କୋଡ ମିଳିବ, ତାଙ୍କୁ ନୂଆ ଭାବେ ସମସ୍ତ ବିବରଣୀ ଆୟକର ବିଭାଗ, ଇନସ୍ୟୁରାନ୍ସ କମ୍ପାନୀ, ମ୍ୟୁଚୁଆଲ ଫଣ୍ଡ, ନ୍ୟାସନାଲ ପେସନ୍ ସ୍କିମ୍(ଏନପିଇସ),  ଆଦି ଅପଡେଟ କରିବାକୁ ପଡିବ।

୩. ଏସଆଇପି ଏବଂ ଋଣ ଇଏମଆଇ ପାଇଁ ଗ୍ରାହକଙ୍କୁ ନୂଆ ବିବରଣୀ ଫର୍ମ ପୂରଣ କରିବାକୁ ପଡିବ।

୪. ନୂଆ ଚେକବୁକ, ଡେବିଟ କାର୍ଡ ଏବଂ କ୍ରେଡିଟ କାର୍ଡ ଜାରି କରାଯାଇପାରେ। 

୫. ଫିକ୍ସ ଡିପୋଜିଟ୍ (ଏଫଡ଼ି) କିମ୍ବା ରେକାରିଙ୍ଗ ଡିପୋଜିଟ୍(ଆରଡି) ପାଇଁ ମିଳୁଥିବାୟ ସୁଧରେ କୌଣସି ପରିବର୍ତ୍ତନ ହେବ ନାହିଁ 
୬. ଯେଉଁ ସୁଧ ହାରରେ ଗାଡି ଋଣ, ଘର ଋଣ, ବ୍ୟକ୍ତିଗତ ଋଣ ଆଦି ନିଆଯାଇଛି ସେଥିରେ ମଧ୍ୟ କୌଣସି ପରିବର୍ତ୍ତନ ହେବନାହିଁ 
୭. କିଛି କିଛି ଶାଖା ବନ୍ଦ ହୋଇଯାଇପାରେ, ସେଥିପାଇଁ ନୂଆ ଶାଖା ଯିବାକୁ ପଡିବାରେ

source: https://money.bhaskar.com

ବିଲୟ ଯୋଜନା ଅନୁସାରେ ବିଜୟା ବ୍ୟାଙ୍କ ସେୟାର ଧାରକଙ୍କୁ ପ୍ରତି ୧୦୦୦ ସେୟାର ବଦଳରେ ବ୍ୟାଙ୍କ ଅଫ ବରୋଦାର ୪୦୨ ସେୟାର ମିଳିବ। ଦେନା ବ୍ୟାଙ୍କର ସେୟାର ଧାରକଙ୍କୁ ପ୍ରତି ୧୦୦୦ ସେୟାର ବଦଳରେ ବ୍ୟାଙ୍କ ଅଫ ବରୋଦାରୁ ୧୧୦ ସେୟାର ମିଳିବ।କୁହାଯାଉଛି ଯେ ୩ଟି ବ୍ୟାଙ୍କର ବିଲୟ ହେବାପରେ କଷ୍ଟମରଙ୍କୁ ପୂର୍ବ ଅପେକ୍ଷା ଭଲ ଫୋନ ବ୍ୟାଙ୍କିଙ୍ଗ, ଇଣ୍ଟରନେଟ୍ ବ୍ୟାଙ୍କିଙ୍ଗ ଓ ମୋବାଇଲ ବ୍ୟାଙ୍କିଙ୍ଗ ସୁବିଧା ମିଳିପାରିବ।