ନୂଆଦିଲ୍ଲୀ,୧୬।୭: ବିଶ୍ବକପରେ ପରାଜୟ ପରେ ଏବେ ଭାରତୀୟ କ୍ରିକେଟ କନଟ୍ରୋଲ ବୋର୍ଡ(ବିସିସିଆଇ) ଆକ୍ସନରେ। ବିସିସିଆଇ ଏବେ ହେଡ କୋଚ, ବ୍ୟାଟିଂ କୋଚ, ବୋଲିଂ କୋଚ, ଫିଲ୍ଡିଂ କୋଚ, ଫିଜିଓ ଥେରାପିଷ୍ଟ, ଷ୍ଟେ୍ରଟ ଆଣ୍ଡ କଣ୍ଡିଂସନିଙ୍ଗ କୋଚ ଓ ଆଡମିନଷ୍ଟେ୍ରଟିଭ ମ୍ୟାନେଜର ପଦ ପାଇଁ ଆବେଦନ ମାଗିଛି। ଏହି ସବୁ ପଦବୀ ପାଇଁ ଚଳିତ ମାସ ୩୦ ତାରିଖ ସନ୍ଧ୍ୟା ୫ଟା ପର୍ଯ୍ୟନ୍ତ ସମୟ ଦିଆଯାଇଛି।
wp:gallery {"ids":[27274]}
ନୂଆ କୋଚ ଓ ସପୋର୍ଟିଂ ଷ୍ଟାଫଙ୍କ କାର୍ଯ୍ୟକାଳ ୫ ସେପ୍ଟେମ୍ବର ୨୦୧୯ରୁ ୨୪ ନଭେମ୍ବର ୨୦୨୧ ପର୍ଯ୍ୟନ୍ତ ରହିବ। ସେଭଳି ଆଡମିନଷ୍ଟେ୍ରଟିଭ ମ୍ୟାନେଜରଙ୍କ କାର୍ଯ୍ୟକାଳ ୧ ବର୍ଷ ପାଇଁ ରହିବ। ବର୍ତ୍ତମାନର କୋଚିଂ ଷ୍ଟାପ ମଧ୍ୟ ଏଥିରେ ଅଂଶ ଗ୍ରହଣ କରିପାରିବେ। ଟିମ ଇଣ୍ଡିଆର ବର୍ତ୍ତମାନର ହେଡ କୋଚ ରବି ଶାସ୍ତ୍ରୀଙ୍କୁ ପୁଣିଥରେ ଆବେଦନ କରିବାକୁ ହେବ, କାରଣ ତାଙ୍କର ସମୟସୀମା ଆସନ୍ତାମାସ ଓ୍ବେଷ୍ଟଇଣ୍ଡିଜ ଗସ୍ତ ପରେ ଶେଷ ହୋଇଯିବ।
wp:gallery {"ids":[27275]}
ସହଯୋଗୀ ଷ୍ଟାଫଙ୍କ ଭିତରେ ବୋଲର କୋଚ ଭାରତ ଅରୁଣ, ବ୍ୟାଟିଂ କୋଚ ସଞ୍ଜୟ ବାଙ୍ଗର ଓ ଫିଲ୍ଡିଂ କୋଚ ଆର ଶ୍ରୀଧର ଅଛନ୍ତି। ଓ୍ବେଷ୍ଟଇଣ୍ଡିଜକୁ ୩ ଅଗଷ୍ଟରୁ ୩ ସେପ୍ଟେମ୍ବର ପର୍ଯ୍ୟନ୍ତ ହେବାକୁ ଥିବା ଏହି ଗସ୍ତ କାରଣରୁ ତାଙ୍କର କାର୍ଯ୍ୟକାଳ ବିଶ୍ବକପ ପରେ ୪୫ ଦିନ ପାଇଁ ବଢାଇ ଦିଆଯାଇଛି। ଏହି ସମସ୍ତେ ନୂଆ ଭାବରେ ଆବେଦନ କରିପାରିବେ, କିନ୍ତୁ ଟିମର ନୂଆ ଟ୍ରେନର ଓ ଫିଜିଓ ଆସିପାରନ୍ତି। କାରଣ ଶଙ୍କର ବାସୁ ଓ ପୋଟ୍ରିକ ଫରହାର୍ଟ ଭାରତର ବିଶ୍ବକପ ସେମିଫାଇନାଲରେ ପରାଜୟ ପରେ ସହଯୋଗୀ ଷ୍ଟାଫ୍ ପଦରୁ ହଟିଯାଇଥିଲେ।
