ବେଙ୍ଗାଲୁର,୨୪।୧: ହଠାତ ଫ୍ଲାଏ ଓଭରରୁ ହେଲା ନୋଟ୍ ବର୍ଷା। ସମସ୍ତେ ହୋଇଗଲେ ଚକିତ। ଏତେ ଟଙ୍କା କୁଆଡୁ ଆସୁଛି। ହେଲେ ନୋଟ୍ ଉଡିବାର ଦେଖି ଲାଗି ଗଲା ଲୋକଙ୍କ ଗହଳି। ସମସ୍ତେ ନୋଟ୍ ଗୋଟାଇବାରେ ଲାଗିଥିଲେ। ଏଭଳି ଏକ ଘଟଣା କର୍ଣ୍ଣାଟକର ବେଙ୍ଗାଲୁରରେ ଦେଖିବାକୁ ମିଳିଛି। ମଙ୍ଗଳବାର ଦିନ କେଆର ମାର୍କେଟର ଫ୍ଲାଏ ଓଭରରେ ଏହି ନୋଟ୍ ବର୍ଷା ହୋଇଛି। ଏହି ନୋଟକୁ ନେବା ପାଇଁ ସ୍ଥାନୀୟ ଲୋକଙ୍କର ଭିଡ ଲାଗିଯାଇଥିଲା। ଏପରିକି ସ୍ଥିତି ଏଭଳି ହୋଇଯାଇଥିଲା କିଛି ସମୟ ପାଇଁ ଟ୍ରାଫିକ୍ ଜାମ୍ ହୋଇଯାଇଥିଲା। ତେବେ ବ୍ୟକ୍ତି ଜଣକ ଏଭଳି କାହିଁକି କରିଥିଲେ, ତାହା ଜଣାପଡିନାହିଁ। ଏନେଇ ଓ୍ବେଷ୍ଟର୍ଣ୍ଣ ଡିଭିଜନ୍ ପୋଲିସ ପାଖରେ ସୂଚନା ନାହିଁ। ପୋଲିସ ମାମଲାର ତଦନ୍ତ କରୁଛି।
wp:html/wp:htmlIt's literally raining money in Blr😂Unidentified man in #Bengaluru showers #money from KR Market flyover. Comes in with a bag of money consisting of 10 rupee currency, throws notes down the flyover and leaves. People swarm in large numbers to collect the money. pic.twitter.com/rbHB0ugsiR
— Akshara D M (@Aksharadm6) January 24, 2023
ଭାଇରାଲ ଭିଡିଓରେ ଜଣେ ଅଜଣା ବ୍ୟକ୍ତି ୧୦ ଟଙ୍କାର ନୋଟ୍ ବିଡା ହାତରେ ନେଇକି ଆସିଥିଲେ। ତାଙ୍କ କାନ୍ଧରେ ଏକ ବ୍ୟାଗ୍ କାନ୍ଥ ଘଣ୍ଟା ଲଟକି ହୋଇ ରହିଥିଲା। ସେ ହାତରେ ନୋଟ୍ ନେଇ ଫ୍ଲାଇଓଭର ତଳକୁ ଫୋପାଡୁଥିବାର ଦେଖାଯାଉଛନ୍ତି। ଏହି ନୋଟ୍ ନେବାକୁ ସ୍ଥାନୀୟ ଲୋକ ଖୁବ୍ ଭିଡ ଜମାଇଥିଲେ। ପୋଲିସ ଏବେ ଏହି ବ୍ୟକ୍ତିଜଣଙ୍କର ସନ୍ଧାନରେ ରହିଛି।
ଉଲ୍ଲେଖନୀୟ ଯେ, ଏଭଳି ଏକ ଘଟଣା ମାସକ ପୂର୍ବେ ଗୁଜରାଟରେ ଦେଖିବାକୁ ମିଳିଥିଲା। ଗୁଜରାଟର ନଭସାରୀରେ ଗୁଜରାଟୀ ଲୋକଗାୟକ କୀର୍ତ୍ତିଦାନ ଗଢବିଙ୍କ ଦ୍ବାରା ଏକ ଭଜନ ପ୍ରସ୍ତୁତି ଦିଆଯାଇଥିଲା। ତାଙ୍କ ଉପରେ ଲୋକମାନେ ପ୍ରାୟ ୪୦-୫୦ ଲକ୍ଷ ଟଙ୍କାର ନଗଦ ନୋଟ୍ ବିଛାଇ ଦେଇଥିଲେ। କୁହାଯାଉଛି ଯେ, ସ୍ବାମୀ ବିବେକାନନ୍ଦ ନେତ୍ର ମନ୍ଦିର ଟ୍ରଷ୍ଟ ଦ୍ବାରା ଏକ ନୂଆ ନେତ୍ର ହସ୍ପିଟାଲ ପାଇଁ ଟଙ୍କା ଏକାଠି କରିବା ଲକ୍ଷ୍ୟରେ କାଯ୍ୟକ୍ରମ ଆୟୋଜିତ କରାଯାଇଥିଲା, ଯେଉଁଥିରେ ଶତାଧିକ ଲୋକ ଭାଗ ନେଇଥିଲେ। କାର୍ଯ୍ୟକ୍ରମରେ ଉପସ୍ଥିତ ଲୋକ ଭଜନ ଗାୟକଙ୍କ ଉପରେ ୧୦ ଓ ୫୦୦ ଟଙ୍କିଆ ନୋଟ୍ ବର୍ଷା କରିଥିଲେ। ଗଢଭିଙ୍କ କହିବା ଅନୁସାରେ, ପୁରା କଲେକ୍ସନ ୫୦ ଲକ୍ଷ ଟଙ୍କାରୁ ଅଧିକ ରହିଥିଲା।
