ଅପହରଣ କରି ଚଳନ୍ତା କାରରେ ମହିଳାଙ୍କୁ ଗଣଦୁଷ୍କର୍ମ, ୪ ଅଭିଯୁକ୍ତ ଗିରଫ
ବେଙ୍ଗାଲୁରୁ: ଏକ ଚଳନ୍ତା କାରରେ ମହିଳାଙ୍କୁ ଗଣଦୁଷ୍କର୍ମ। ଏପରି ଲଜ୍ୟାଜନକ ଘଟଣା ଦେଖିବାକୁ ମିଳିଛି ବେଙ୍ଗାଲୁରୁରେ। ସେଠାରେ ଏକ ପାର୍କରେ ବସିଥିବା ଜଣେ ମହିଳାଙ୍କୁ ଅପହରଣ କରି ୪ଜଣ ଯୁବକ ଦୁଷ୍କର୍ମ କରିଛନ୍ତି । ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ଅଭିଯୁକ୍ତଙ୍କୁ ଗରିଫ କରିଛି ।
ପୋଲିସ ସୂଚନା ମୁତାବକ, ମାର୍ଚ୍ଚ ୨୫ ତାରିଖ ରାତି ପ୍ରାୟ ୧୦ଟା ବେଳେ ବେଙ୍ଗାଲୁରୁ କୋରାମଙ୍ଗଳା ଅଞ୍ଚଳରେ ଥିବା ନ୍ୟାସନାଲ ଗେମ୍ସ ଭିଲେଜ୍ ପାର୍କରେ ବସିଥିବା ଜଣେ ମହିଳାଙ୍କୁ ୪ଜଣ ଯୁବକ ଅପହରଣ କରି କାର୍ ଭିତରକୁ ନେଇଯାଇଥିଲେ । ପରେ ଚଳନ୍ତା କାର୍ରେ ମହିଳାଙ୍କୁ ଦୁଷ୍କର୍ମ କରିଥିଲେ । ୨୬ ତାରିଖ ସକାଳେ ମହିଳାଙ୍କ ଘର ପାଖରେ ପୀଡ଼ିତାଙ୍କୁ ଛାଡ଼ି ଦେଇଥିଲେ । ଏହା ସହିତ ପୋଲିସକୁ କିଛି ନକହିବାକୁ ଧମକ ଦେଇଥିଲେ ଅଭିଯୁକ୍ତମାନେ । ପୋଲିସକୁ ଜଣାଇଲେ ଗମ୍ଭୀର ପରିଣାମ ଭୋଗିବାକୁ ପଡ଼ିବ ବୋଲି ମହିଳାଙ୍କୁ ଧମକ ଦେଇଥିଲେ ।
ସ୍ଥାନୀୟ ଲୋକ ଏବାବଦରେ ଜାଣିବା ପରେ ମହିଳାଙ୍କୁ ହସ୍ପିଟାଲରେ ଭର୍ତ୍ତି କରି ଚିକିତ୍ସା କରାଇଛନ୍ତି । ପରେ ନିକଟସ୍ଥ ଥାନରେ ମହିଳା ଜଣଙ୍କ ଅଭିଯୋଗ କରିଛନ୍ତି । ପୋଲିସ ଏକ ମାମଲା ରୁଜୁ କରି ଘଟଣାରେ ମମ୍ପୃକ୍ତ ୪ଜଣ ଅଭିଯୁକ୍ତଙ୍କୁ ଗରିଫ କରି ପଚରାଉଚରା କରୁଛି । ସମସ୍ତ ଅଭିଯୁକ୍ତଙ୍କ ବୟସ ୨୩ରୁ ୨୪ ବର୍ଷ ମଧ୍ୟରେ ହେବ ।
