PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ମାୟାବିନୀ ଅର୍ଚ୍ଚନା ନାଗ ମାମଲା: ପୁଣି ହାଜର ହେଲେ ଠିକାଦାର, ପଦାକୁ ଆସିଲା ରଣଜୀ ଖେଳାଳିଙ୍କ ଲିଙ୍କ୍‌
  • ||
  • ଭୁବନେଶ୍ୱର: ଆଜିଠୁ ରାଜ୍ୟ ପୁସ୍ତକ ମହୋତ୍ସବ ‘ଅକ୍ଷର’, ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଭୁବନେଶ୍ୱର: ଶୀତ ସାମାନ୍ୟ କମିବ, ଦକ୍ଷିଣ ଓଡ଼ିଶାରେ କାଁ ଭାଁ ହାଲୁକା ବର୍ଷା ସମ୍ଭାବନା: ୮ଟି ସ୍ଥାନରେ ରାତି ତାପମାତ୍ରା ୧୧ ଡିଗ୍ରୀ ତଳେ
  • ||

ସକାଳୁ ପିଅନ୍ତୁ ଗ୍ରୀନ୍ କଫି, ଓଜନ କମିବା ସହ ନିୟନ୍ତ୍ରଣରେ ରହିବ ରକ୍ତ ଚାପ

ଭୁବନେଶ୍ୱର ୦୭/୧୦: ଆମେ ସବୁବେଳେ ଶୁଣି ଆସିଛୁ ଯେ କଫିରେ ଥିବା କ୍ୟାଫେନ୍ ଆମ ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ। ବିଶେଷକରି ଯେଉଁମାନଙ୍କର ରକ୍ତହୀନତା ସମସ୍ୟା ରହିଛି, କଫି ସେମାନଙ୍କୁ ବହୁତ କ୍ଷତି ପହଞ୍ଚାଇପାରେ। କଫିରେ ଥିବା କ୍ୟାଫେନ୍ ଶରୀରରେ ଲୌହର ଅବଶୋଷଣକୁ ହ୍ରାସ କରିଥାଏ। କିନ୍ତୁ ଆପଣ ଜାଣିଛନ୍ତି କି ଗ୍ରୀନ କଫିରେ ଅଳ୍ପ ପରିମାଣରେ କ୍ୟାଫେନ୍ ଥାଏ, ଯେଉଁଥିପାଇଁ ଏହା ସ୍ୱାସ୍ଥ୍ୟ ପାଇଁ ଆଦୌ କ୍ଷତିକାରକ ନୁହେଁ। ହେଲ୍‌ଥଲାଇନ ଅନୁଯାୟୀ, ଗ୍ରୀନ୍ କଫି ଅନରୋଷ୍ଟେଡ୍ କଫି ବିନରୁ ତିଆରି ହୋଇଥାଏ। ଯେଉଁଥିରେ ଆଣ୍ଟି-ଅକ୍ସିଡାଣ୍ଟ ଗୁଣ ଅଧିକ ରହିଥାଏ। ଏହାର ଅନେକ ଲାଭ ରହିଛି। ଏକ ଅଧ୍ୟୟନରୁ ଜଣାପଡିଛି ଯେ ଗ୍ରୀନ୍ କଫି ଦ୍ୱାରା ଆମେ ଓଜନ ମଧ୍ୟ ହ୍ରାସ କରିପାରିବା। ଏହା ଆମ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ ଆସନ୍ତୁ ଜାଣିବା…

Green Coffee Bean Extract Uses and Side Effects · HealthKart

ଓଜନ ହ୍ରାସ କରେ :

ଯଦି ସକାଳେ ସାଧାରଣ ଚା କିମ୍ବା କଫି ବଦଳରେ ଗ୍ରୀନ କଫି ସେବନ କରିବେ, ତାହେଲେ ଏହା ଓଜନ ହ୍ରାସ କରିବାରେ ସହାୟକ ହେବ। ଅନେକ ଗବେଷଣାରୁ ଏହା ଜଣାପଡିଛି ଯେ ଗ୍ରୀ୍ନ କଫି ଓଜନ କମାଇଥାଏ।

ଆଣ୍ଟିଅକ୍ସିଡାଣ୍ଟରେ ଭରପୂର :

ଗ୍ରୀନ୍ କଫି ବିନ୍ସରେ ଆଣ୍ଟିଅକ୍ସିଡାଣ୍ଟ ଭରପୂର ମାତ୍ରାରେ ରହିଥାଏ। ଯାହା ଶରୀରକୁ ଅନେକ ରୋଗରୁ ରକ୍ଷା କରିବାରେ ସାହାଯ୍ୟ କରିଥାଏ। ଏହା ବାର୍ଦ୍ଧକ୍ୟ ପ୍ରକ୍ରିୟାକୁ ମଧ୍ୟ ମନ୍ଥର କରିଥାଏ ଏବଂ ଚର୍ମ- କେଶକୁ ଅନେକ ସମସ୍ୟାରୁ ରକ୍ଷା କରିଥାଏ।

ମଧୁମେହକୁ ନିୟନ୍ତ୍ରଣ କରେ :

ଯଦି ଆପଣ ନିୟମିତ ଚା କିମ୍ବା କଫି ବଦଳରେ ଗ୍ରୀନ କଫି ସେବନ କରିବେ ତାହେଲେ ଆପଣ ରକ୍ତରେ ଚିନି ପରିମାଣକୁ ହ୍ରାସ କରିପାରିବେ। ଅଧ୍ୟୟନରେ ଏହା ଜଣାପଡିଛି ଯେ ଏହାର କ୍ରମାଗତ ବ୍ୟବହାର ସହିତ ଟାଇପ୍-୨ ଡାଏବେଟିସ ସମସ୍ୟା ଦୂର ହୋଇଥାଏ।

ରକ୍ତଚାପକୁ ନିୟନ୍ତ୍ରଣ କରେ :

 ଯଦି ଆପଣଙ୍କର ଉଚ୍ଚ ରକ୍ତଚାପ ସମସ୍ୟା ରହିଛି ତେବେ ଏହି କଫି ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ ପ୍ରମାଣିତ ହୋଇପାରେ। ଏହାଦ୍ୱାରା ରକ୍ତଚାପ ନିୟନ୍ତ୍ରିତ ହୋଇଥାଏ।

ଶକ୍ତିରେ ଭରପୂର :

ଗ୍ରୀନ କଫି ବିନ୍ସରେ କ୍ରୋନୋଲୋଜିକାଲ୍ ଏସିଡ୍ ରହିଛି ଯାହା ମେଟାବୋଲିଜିମ୍ କୁ ଠିକ୍ ରଖେ। ମେଟାବୋଲିଜିମ୍ ସଠିକ୍ ରଖିବା ଦ୍ୱାରା ଶରୀରକୁ ଶକ୍ତି ମିଳିଥାଏ।