ଭଦ୍ରକ, ୨୩/୦୬ : ଭଦ୍ରକ ସହରସ୍ଥିତ ମଞ୍ଜୁଳ ମଞ୍ଜରୀ ସରସ୍ବତୀ ଶିଶୁ ବିଦ୍ୟାମନ୍ଦିର ପ୍ରଧାନ ଆଚାର୍ଯ୍ୟଙ୍କ ବିରୋଧରେ ସାଙ୍ଘାତିକ ଅଭିଯୋଗ। ଗୁରୁମାମାନଙ୍କୁ ଦୁର୍ବ୍ୟବହାର କରିବା ସହ ଅଶୋଭନୀୟ କଥା କହୁଛନ୍ତି ପ୍ରଧାନ ଆଚାର୍ଯ୍ୟ। ବିୟୁଟି ପାର୍ଲର ଯାଇ ବେଶ ହୋଇ ଆସିବାକୁ କହୁଛନ୍ତି ହେଡ୍ ସାର୍। ଅତିଷ୍ଠ ହୋଇ ପ୍ରଧାନ ଆଚାର୍ଯ୍ୟଙ୍କ ବଦଳି ଦାବିରେ ଧାରଣାରେ ବସିଲେ ୬୦ରୁ ଉର୍ଦ୍ଧ୍ଵ ଗୁରୁଜୀ ଗୁରୁମା।
ଗ୍ରୀଷ୍ମ ଛୁଟି ପରେ ସ୍କୁଲ ଖୋଲିଛି। ଭଦ୍ରକ ସହରସ୍ଥିତ ମଞ୍ଜୁଳ ମଞ୍ଜରୀ ସରସ୍ବତୀ ଶିଶୁ ବିଦ୍ୟାମନ୍ଦିର ଖୋଲିବା ପୂର୍ବରୁ ଆଜି ସ୍କୁଲର ସମସ୍ତ ଗୁରୁଜୀ ଗୁରୁମା ଏକତ୍ରିତ ହୋଇ ଧାରଣା ଦେଇଛନ୍ତି। ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟଙ୍କ ବଦଳି ଦାବିରେ ୬୦ରୁ ଉର୍ଦ୍ଧ୍ଵ ଗୁରୁଜୀ ଗୁରୁମା ଧାରଣା ଦେଇଛନ୍ତି। ସେମାନେ ଅଭିଯୋଗ କରିଛନ୍ତି ଯେ, ପ୍ରଧାନ ଆଚାର୍ଯ୍ୟ ସେମାନଙ୍କୁ ଦୁର୍ବ୍ୟବହାର କରିବା ସହ ଅଶୋଭନୀୟ କଥା କହୁଛନ୍ତି। ବିୟୁଟି ପାର୍ଲର ଯାଇ ବେଶ ହୋଇ ଆସିବାକୁ କହୁଛନ୍ତି। ଏହି ବିଷୟରେ ପୂର୍ବରୁ ଶିକ୍ଷା ବିକାଶ ସମିତି ସହ ସଙ୍କୁଳରେ ଅଭିଯୋଗ କରିଥିଲେ ସୁଦ୍ଧା ସମସ୍ୟାର ସମାଧାନ ହେଉନି। ତେଣୁ ଆଜି ଗୁରୁଜୀ ଗୁରୁମାମାନେ ଧାରଣା ଦେଇଛନ୍ତି। ସ୍କୁଲ କମିଟି ସଦସ୍ୟ ପହଞ୍ଚି ବୁଝାସୁଝା କଲେ ମଧ୍ୟ ନିଜ ଜିଦରେ ଅଟଳ ରହିଛନ୍ତି। ଅନ୍ୟପଟେ ଗୋଟେ ମାସ ମଧ୍ୟରେ ତଦନ୍ତ କରି ସମାଧାନ କରାଯିବ ବୋଲି ସ୍କୁଲ କମିଟି ସମ୍ପାଦକ କହିଛନ୍ତି। ଅଭିଯୋଗର ସତ୍ୟତା ଥିଲେ ପ୍ରଧାନ ଆଚାର୍ଯ୍ୟ ହୁଅନ୍ତୁ କିମ୍ବା ଗୁରୁମା ଓ ଗୁରୁଜୀ ତାଙ୍କ ବଦଳି ପାଇଁ ଶିକ୍ଷା ବିକାଶ ସମିତିକୁ ସୁପାରିଶ କରାଯିବ ବୋଲି କହିଛନ୍ତି।
