PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼ : ସୁନ୍ଦରଗଡ଼ ଟେନ୍ସା ଗୀତାରାଣୀ ମାଇନ୍ସ ସମ୍ମୁଖରେ ଅଘଟଣ, ହାଇଓ୍ୱା ସହ ଜିଅନ୍ତା ଜଳିଗଲେ ଡ୍ରାଇଭର
  • ||
  • ବଡ଼ବିଲ : କେନ୍ଦୁଝର ଜିଲ୍ଲା ବାମେବାରୀ ଥାନା ବସନ୍ତପୁର ମାଝୀ ସାହିରେ ପୂର୍ବ ଶତ୍ରୁତାକୁ କେନ୍ଦ୍ର କରି ବିଭତ୍ସ ହତ୍ୟାକାଣ୍ଡ, କଟୁରୀରେ ହାଣି ମୁଣ୍ଡଗଣ୍ଡି ଅଲଗା କରିଦେଲା ଦୁର୍ବୃତ୍ତ
  • ||
  • ବାରିପଦା : ବାରିପଦା ଷ୍ଟେସନ ଠାରେ ଗଛ ପଡ଼ି ଇଲେକ୍ଟ୍ରିକ ତାର ଛିଡି ଅଟକିଲା ଟ୍ରେନ, ବିଳମ୍ବରେ ଚାଲିବ ଟ୍ରେନ
  • ||
  • ଭଦ୍ରକ : ସମ୍ଭାବ୍ୟ ବନ୍ୟା ଲାଗି ଛୁଟି ବାତିଲ, ମୁକାବିଲା ପାଇଁ ଓଡ୍ରାଫ-ଏନ୍‌ଡିଆରଏଫ୍‌-ଅଗ୍ନିଶମ ବାହିନୀ ପ୍ରସ୍ତୁତ
  • ||
  • ବାରିପଦା : ବିଶୋଇ ଥାନା ଲୋହାକାନି ଭୋଳ ବେଡା ଗ୍ରାମରେ ବିଳମ୍ୱିତ ରାତିରେ ଭୁଷୁଡିଲା ଘରର କାନ୍ଥ, ଚାଲିଗଲା ଦୁଇ ଭଉଣୀଙ୍କ ଜୀବନ
  • ||
  • ଲକ୍ଷ୍ନୌ : ଭୂକମ୍ପରେ ଥରିଲା ଲକ୍ଷ୍ନୌ ସମେତ ୟୁପିର କେତେକ ଜିଲ୍ଲା , କୌଣସି କ୍ଷୟକ୍ଷତି ହୋଇନଥିବା ସୂଚନା
  • ||
  • ପୁରୀ : ଶ୍ରଦ୍ଧାଳୁଙ୍କ ବେକରେ ବ୍ଲେଡ୍‌ ମାରି ସୁନା ଚେନ୍‌ ଲୁଟ ଉଦ୍ୟମ ଫେଲ୍, ଧରାପଡି ଛେଚା ଖାଇଲେ ୩ ଲୁଟେରା
  • ||
  • ସମ୍ବଲପୁର : ୬୨୧.୦୨ ଫୁଟ୍‌କୁ ଖସିଲା ହୀରାକୁଦ ଜଳଭଣ୍ଡାର ଜଳସ୍ତର, ୨୦ ଗେଟ ଦେଇ ଚାଲିଛି ବନ୍ୟାଜଳ ନିଷ୍କାସନ
  • ||
  • ଭୁବନେଶ୍ୱର : ୨୧ରୁ ବନ୍ୟାଞ୍ଚଳ ଗସ୍ତ କରିବ ପିସିସି ଟିମ୍‌, ୨୩ ସୁଦ୍ଧା ଦେବେ ରିପୋର୍ଟ
  • ||
  • ବାଲିଗୁଡ଼ା : ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତର ସିମନବାଡ଼ି ଗ୍ରାମ ନିକଟରେ ଥିବା ପୋଲର ପାର୍ଶ୍ଵ ରାସ୍ତା ଧସି ଯାଇଛି, ବସ୍ ଚଳାଚଳ ସମ୍ପୂର୍ଣ୍ଣ ଠପ୍
  • ||
  • କେନ୍ଦୁଝର : କେନ୍ଦୁଝର ଜିଲ୍ଲା ସଦର ବ୍ଲକ ମହାଦେଇଯୋଡ଼ା ପଞ୍ଚାୟତ ଟିକରପଡ଼ାରେ ଲଗାଣ ବର୍ଷାରେ କାନ୍ଥ ଭୁଷୁଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର
  • ||
  • ଜୟପୁର/ଦିଲ୍ଲୀ : ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ୬ଶ୍ରଦ୍ଧାଳୁଙ୍କ ଜୀବନ : ୨୦ରୁ ଅଧିକ ଆହତ, ପ୍ରଧାନମନ୍ତ୍ରୀଙ୍କ ଶୋକପ୍ରକାଶ
  • ||
  • ନୂଆଦିଲ୍ଲୀ : ବାଙ୍କ ବିହାରୀ ମନ୍ଦିରରେ ବଡ଼ ଧରଣ ଅଘଟଣ, ମଙ୍ଗଳା ଆରତୀ ସମୟରେ ଦଳା ଚକଟାରେ ଦୁଇ ମୃତ
  • ||

ଭୁବନେଶ୍ୱର ବିମାନବନ୍ଦର ସର୍ବଶ୍ରେଷ୍ଠ

ଭୁବନେଶ୍ୱର,୭ା୩(ବ୍ୟୁରୋ): ଓଡ଼ିଶା ପାଇଁ ଖୁସି ଖବର । ଆନ୍ତର୍ଜାତିକସ୍ତରରେ ଭୁବନେଶ୍ୱରକୁ ମିଳିଛି ଆଉ ଏକ ଖ୍ୟାତି । ବିମାନ ଯାତ୍ରୀଙ୍କୁ ସେବା ଯୋଗାଇବା କ୍ଷେତ୍ରରେ ସର୍ବଶ୍ରେଷ୍ଠ ବିବେଚିତ ହୋଇଛି ବିଜୁ ପଟ୍ଟନାୟକ ଆନ୍ତର୍ଜତିକ ବିମାନବନ୍ଦର, ତାହା ପୁଣି ବିଶ୍ୱସ୍ତରରେ । ଭୁବନେଶ୍ୱର ବିମାନବନ୍ଦର ଜିତିଛି ସମ୍ମାନଜନକ ଏୟାରପୋର୍ଟ ସର୍ଭିସ୍‌ କ୍ୱାଲିଟି (ଏଏସ୍‌କ୍ୟୁ) ଆୱାର୍ଡ-୨୦୧୮ । ଏସିଆ ପ୍ୟାସିଫିକ୍‌ ରିଜନର ବାର୍ଷିକ ୨୦ ଲକ୍ଷରୁ ୫୦ ଲକ୍ଷ ଯାତ୍ରୀଙ୍କୁ ସେବା ଯୋଗାଉଥିବା ବିମାନବନ୍ଦର ବର୍ଗରେ ଭୁବନେଶ୍ୱର ନମ୍ବର ୱାନ୍‌ ହୋଇଛି । ବଡ଼ କଥା ହେଲା, ଏହି ଆୱାର୍ଡ ରେସ୍‌ରେ ଇଣ୍ଡୋନେସିଆ, ଇନ୍ଦୋର, ଚୀନ ଓ ଚଣ୍ଡିଗଡ଼ ବିମାନବନ୍ଦରକୁ ବି ପଛରେ ପକାଇ ଦେଇଛି ଭୁବନେଶ୍ୱର । ପ୍ରଥମ ଥର ପାଇଁ ଏଭଳି ଏକ ବିଶ୍ୱସ୍ତରୀୟ ସର୍ବେକ୍ଷଣରେ ଭୁବନେଶ୍ୱର ବିମାନବନ୍ଦର ଏତେ ବଡ଼ ସମ୍ମାନର ହକ୍‌ଦାର୍‌ ହୋଇଛି ।
ଏହି ଖବର ପ୍ରକାଶ ପାଇବା ପରେ ବିଜୁ ପଟ୍ଟନାୟକ ବିମାନବନ୍ଦର କାର୍ଯ୍ୟାଳୟରେ ଖୁସିର ଲହରୀ ଖେଳିଯାଇଛି । ବିମାନବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ଏକ ସାମ୍ବାଦିକ ସମ୍ମିଳନୀରେ ଏହି ଆୱାର୍ଡ ସମ୍ପର୍କରେ ସୂଚନା ଦେଇଛନ୍ତି । ଶ୍ରୀ ହୋତାଙ୍କ କହିବାନୁଯାୟୀ ସମଗ୍ର ବିଶ୍ୱର ୧୭୬ ଦେଶର ୧୯୫୩ ବିମାନବନ୍ଦରକୁ ନେଇ ଏୟାରପୋର୍ଟ କାଉନସିଲ୍‌ ଇଣ୍ଟରନ୍ୟାସନାଲ୍‌ ରହିଛି । ବିମାନବନ୍ଦରଗୁଡ଼ିକ ଯାତ୍ରୀଙ୍କୁ କିଭଳି ସେବା, ସୁରକ୍ଷା ଓ ବ୍ୟବସ୍ଥା ଯୋଗାଉଛନ୍ତି, ଏହି ସଂସ୍ଥା ତା’ର ସର୍ବେକ୍ଷଣ କରିଥାଏ । ଯାତ୍ରୀଙ୍କ ମତାମତକୁ ଆଧାର କରି ସର୍ବେକ୍ଷଣ ହୋଇଥାଏ । ବିମାନବନ୍ଦରଗୁଡ଼ିକୁ ୫ଟି ବର୍ଗରେ ବିଭକ୍ତ କରାଯାଇଛି । ଆମ ବିମାନବନ୍ଦର ଏସିଆ ପ୍ୟାସିଫିକ୍‌ ରିଜନରେ ରହିଛି । ଏହି ରିଜନରେ ବାର୍ଷିକ ୨୦ ଲକ୍ଷରୁ ୫୦ ଲକ୍ଷ ଯାତ୍ରୀ ଯା’ ଆସ କରୁଥିବା ବିମାନବନ୍ଦର ବର୍ଗରେ ଭୁବନେଶ୍ୱର ବିମାନବନ୍ଦର ସ୍ଥାନ ପାଇଛି । ଏହି ବର୍ଗରେ ଯାତ୍ରୀଙ୍କୁ ଉତ୍ତମ ସେବା ଯୋଗାଇବାରେ ୨୦୧୮ ବର୍ଷ ପାଇଁ ଭୁବନେଶ୍ୱରସ୍ଥିତ ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦର ସର୍ବଶ୍ରେଷ୍ଠ ରହିଛି । ପ୍ରତି ବର୍ଷ ୪ ଥର ଲେଖାଏଁ ଏହି ସର୍ବେକ୍ଷଣ ହୋଇଥାଏ । ୨୦୧୮ରେ ହୋଇଥିବା ୪ଟି ଯାକ ସର୍ବେକ୍ଷଣରେ ଆମ ବିମାନବନ୍ଦରର ରେଟିଂ କ୍ରମାଗତ ଭାବେ ବୃଦ୍ଧି ପାଇଛି । ୩୩ଟି ମାନଦଣ୍ଡକୁ ନେଇ ପ୍ରତି ଥର ମୋଟ ୫ ପଏଣ୍ଟକୁ ନେଇ ମାର୍କିଂ କରାଯାଇଥାଏ । ୨୦୧୭ ଅକ୍ଟୋବର-ଡିସେମ୍ବର ସର୍ବେକ୍ଷଣରେ ଆମ ବିମାନବନ୍ଦର ୪.୬୪ ମାର୍କ ପାଇଥିଲା । ୨୦୧୮ ଜାନୁଆରୀ-ମାର୍ଚ୍ଚରେ ଏହା ୪.୬୯କୁ ବୃଦ୍ଧି ପାଇଥିବାବେଳେ ଗତବର୍ଷ ଏପ୍ରିଲ-ଜୁନ୍‌ରେ ୪.୭୨ ଓ ଜୁଲାଇ-ସେପ୍ଟେମ୍ବରରେ ୪.୭୨ ପଏଣ୍ଟ ସ୍କୋର କରିଥିଲା । ଯାତ୍ରୀଙ୍କ ମନ ଜିଣିବାରେ ବିଶ୍ୱସ୍ତରରେ ଅନେକ ପ୍ରତିଷ୍ଠିତ ବିମାନବନ୍ଦରକୁ ପଛରେ ପକାଇ ଦେଇଛି ଭୁବନେଶ୍ୱର ।
ଶ୍ରୀ ହୋତା କହିଛନ୍ତି, ଆସନ୍ତା ସେପ୍ଟମ୍ବର ମାସରେ ମାଲେସିଆରେ ଆୱାର୍ଡ ପ୍ରଦାନ ସମାରୋହ ଅନୁଷ୍ଠିତ ହେବ । ଇନ୍ଦୋର, ଚଣ୍ଡିଖୋଲ, ତ୍ରିଭେନ୍ଦ୍ରମ, ଇନ୍ଦୋର ସମେତ ଚୀନ, ଇଣ୍ଡୋନେସିଆର ବିମାନବନ୍ଦରକୁ ପଛରେ ପକାଇ ଦେଇଛି ଭୁବନେଶ୍ୱର । ଏହାଦ୍ୱାରା ଆନ୍ତର୍ଜାତିକସ୍ତରରେ ନିଜର ବଡ଼ ଦାବିଦାରୀ ଜାହିର କରିଛି । ଏଥିପାଇଁ ବିମାନବନ୍ଦରର ସମସ୍ତ କର୍ମଚାରୀ ଓ ଯାତ୍ରୀମାନଙ୍କୁ ଧନ୍ୟବାଦ ।
ବର୍ତ୍ତମାନ ଭୁବନେଶ୍ୱରରୁ ଦୈନିକ ୪୬ଟି ବିମାନ ଉଡ଼ାଣ ଭରୁଥିବାବେଳେ ଆଗକୁ ଅନେକ କମ୍ପାନି ବିମାନ ସେବା ଆରମ୍ଭ କରିବାକୁ ଆଗେଇ ଆସିବେ । ଆଗାମୀଦିନରେ ପୁନେ, ଅହମ୍ମଦାବାଦ ଭଳି ରୁଟ୍‌ରେ ବିମାନ ଚଳାଚଳ ପାଇଁ ଲକ୍ଷ୍ୟ ରଖାଯାଇଛି ।
ଶ୍ରୀ ହୋତା କହିଛନ୍ତି, ବିଜୁ ପଟ୍ଟନାୟକ ବିମାନବନ୍ଦରକୁ ଯାତ୍ରୀଙ୍କ ଆଗମନ ବଢ଼ିବାରେ ଲାଗିଛି । ଗତ ଆର୍ଥିକ ବର୍ଷରେ ୩୨ ଲକ୍ଷ ଯାତ୍ରୀ ଯାଆସ କରିଥିଲେ । ଚଳିତ ଆର୍ଥିକ ବର୍ଷରେ ଏହା ବୃଦ୍ଧି ପାଇ ଫେବ୍ରୁଆରୀ ସୁଦ୍ଧା ୪୧ ଲକ୍ଷରେ ପହଞ୍ଚିଛି । ମାର୍ଚ୍ଚ ଶେଷ ସୁଦ୍ଧା ଏଥର ଯାତ୍ରୀଙ୍କ ସଂଖ୍ୟା ୪୫ ଲକ୍ଷ ଛୁଇଁବା ଆଶା କରାଯାଉଛି । ଆସନ୍ତା ବର୍ଷକୁ ଯାତ୍ରୀ ସଂଖ୍ୟା ୫ ଲକ୍ଷ ଛୁଇଁପାରେ ।