ଭୋଗରାଇରେ ବିଜୁ ଜୟନ୍ତୀ ଉପଲକ୍ଷେ ବିଜୁ ମହିଳା ଜନତା ଦଳର ମହିଳା ସମାବେଶ
ଭୋଗରାଇ,୮/୩: ବିଜୁ ଜୟନ୍ତୀ ଉପଲକ୍ଷେ ଭୋଗରାଇରେ ବିଜୁ ମହିଳା ଜନତା ଦଳର ମହିଳା ସମାବେଶ। ଭୋଗରାଇ ହାଟ ପଡ଼ିଆ ଠାରେ ଅନୁଷ୍ଠିତ ଏହି ମହିଳା ସମାବେଶରେ ବିଜୁ ମହିଳା ଜନତା ଦଳର ଭୋଗରାଇ ବ୍ଲକ ସଭାନେତ୍ରୀ ତଥା ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ନିବେଦିତା ମହାନ୍ତି ଅଧ୍ୟକ୍ଷତା କରିଥିଲେ।
ସେହିଭଳି ମୁଖ୍ୟ ଅତିଥି ଭାବେ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଅନନ୍ତ ଦାସ, ବିଶିଷ୍ଟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷ ପ୍ରବୀର କୁମାର ଗିରି ଓ ବିଜେଡି ବ୍ଲକ ସଭାପତି ରମାକାନ୍ତ କରଣ,ପଞ୍ଚାୟତ ସମିତି ଉପାଧ୍ୟକ୍ଷା ମୀନାରାଣୀ ସାସମଲ,ଜିଲ୍ଲା ପରିଷଦ ସଦସ୍ୟା ତଥା ମହିଳା ବିଜୁ ଜନତା ଦଳର ଜିଲ୍ଲା ଉପସଭାନେତ୍ରୀ କବିତା ମହାନ୍ତି ପ୍ରମୁଖ ଯୋଗ ଦେଇଥିଲେ। ବିଭିନ୍ନ ପଞ୍ଚାୟତର ସରପଞ୍ଚ, ସଦସ୍ୟାଙ୍କ ସମେତ ହଜାର ହଜାର ମହିଳା ଏହି ସମାବେଶରେ ଅଂଶଗ୍ରହଣ କରିଥିଲେ।
