ଦିବାଲୋକରେ ବାଇକ ଡିକି ଭାଙ୍ଗି ୧ ଲକ୍ଷ ୧୫ ହଜାର ଲୁଟି ନେଲେ ଦୁର୍ବୃତ୍ତ

ତୁରୁମୁଙ୍ଗା ୨୬/୫- କେନ୍ଦୁଝର ଜିଲ୍ଲା ତୁରୁମୁଙ୍ଗା ବଜାରରୁ ଆଜି ଦିବାଲୋକରେ ଗୋଟିଏ ବାଇକର ଡିକି ଭାଙ୍ଗି ୧ ଲକ୍ଷ ୧୫ ହଜାର ଟଙ୍କା ଲୁଟି ନେଇଛନ୍ତି ଦୁବୃର୍ତ୍ତ। ଅଭିଯୋଗ ଅନୁଯାୟୀ ବାରିଆ ଥାନା ଅନ୍ତର୍ଗତ ସଡଙ୍ଗି ଗ୍ରାମର ସୁବଳ ଚନ୍ଦ୍ର ସାହୁ ଆଜି ତୁରୁମୁଙ୍ଗା ଷ୍ଟେଟ ବ୍ୟାଙ୍କରୁ ଘର କାମ ପାଇଁ ୧ ଲକ୍ଷ ୧୫ ହଜାର ଟଙ୍କା ଉଠାଇ ନିଜ ବାଇକ ଡିକିରେ ରଖିଥିଲେ। ବଜାରରେ ଥିବା ଏକ ମୋବାଇଲ ରିପିୟାରିଙ୍ଗ ଦୋକାନ ନିକଟରେ ବାଇକ ରଖି ଏକ ଟ୍ରର୍ଚ୍ଚ ଲାଇଟ୍ ସଜାଡିବା ପାଇଁ ଯାଇଥିବା ସମୟରେ କୌଣସି ଦୁବୃର୍ତ୍ତ ତାଙ୍କ ବାଇକ ଡିକି ଭାଙ୍ଗି ୧ଲକ୍ଷ ୧୫ ହଜାର ଟଙ୍କା ସହ ଚେକ୍ ଓ ପାସ ବୁକ୍ ନେଇ ଫେରାର ହୋଇଯାଇଛନ୍ତି। ଏନେଇ ତୁରୁମୁଙ୍ଗା ଥାନା ରେ ଅଭିଯୋଗ କରିବା ପରେ ପୋଲିସ ବିଭିନ୍ନ ସ୍ଥାନରେ ଛାନଭିନ କରିବା ସହ ଘଟଣାର ତଦନ୍ତ ଜାରି ରଖିଛି।