ବୀରମିତ୍ରପୁର, ୯।୬ : ବୀରମିତ୍ରପୁର ଥାନା ଅନ୍ତର୍ଗତ ୧୪୩ ନଂ ଜାତୀୟ ରାଜପଥର ବିର୍ସା ମୁଣ୍ଡା ବସ ଷ୍ଟାଣ୍ଡ ନିକଟରେ ଟ୍ରେଲର ଓ ବାଇକ ମୁହାଁମୁହିଁ ଧକ୍କା ହୋଇଛି। ଏଥିରେ ବାଇକ ଚାଳକଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି।
ଜଣେ ଯୁବକ ବାଇକରେ ବୀରମିତ୍ରପୁର ସହରରୁ ଷ୍ଟେସନ ପଟକୁ ଯାଉଥିଲେ। ଅପର ପକ୍ଷରୁ ଏକ ଲୁହା ଏଙ୍ଗୋଡ ବୋଝେଇ ଟ୍ରେଲର ସହ ମୁହାଁମୁହିଁ ଧକ୍କା ହୋଇଥିଲା। ବାଇକ ଚାଳକ ତଳେ ପଡି ଯାଇଥିବା ବେଳେ ତାଙ୍କ ଉପରେ ଟ୍ରେଲର ଚକ ମାଡ଼ି ଯାଇଥିଲା। ଧକ୍କା ଦେଇ ଟ୍ରେଲର ପଳାଇବାକୁ ଉଦ୍ୟମ କରୁଥିବା ବେଳେ ଖବର ପାଇ ବୀରମିତ୍ରପୁର ପୁଲିସ ଟ୍ରେଲରକୁ ପିଛା କରି ଜବତ କରିଥିଲା। ଘଟଣା ସ୍ଥଳରେ ପୁଲିସ ମୃତକ ପିନ୍ଧି ଥିବା ପ୍ୟାଣ୍ଟ ପକେଟରୁ ମିଳିଥିବା ଭୋଟର ପରିଚୟ ପତ୍ର ମୁତାବକ ପ୍ରେମାନନ୍ଦ ବର୍ଲା (୪୧) ଓ ଘର ରାଏବୋଗା ଥାନା ଅନ୍ତର୍ଗତ କାଦୁଅବାହାଲ ବୋଲି ଜଣାପଡିଛି। ପୁଲିସ ଶବ ଜବତ କରି ବୀରମିତ୍ରପୁର ସରକାରୀ ଡାକ୍ତରଖାନାରେ ରଖି ଥିବା ବେଳେ ଟ୍ରେଲର ଚାଳକ ଝାଡ଼ଖଣ୍ଡ ରାଜ୍ୟର ରାଞ୍ଚି ଅଞ୍ଚଳର ପଙ୍କଜ କୁମାର ସିଂ ଙ୍କୁ ଅଟକ ରଖି ଘଟଣାର ତଦନ୍ତ ଜାରି ରଖିଛି।
