PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ରବିଶଙ୍କର ପ୍ରସାଦଙ୍କ ବୟାନ; ତିନି ତଲାକ୍‌ ବିଲ୍‌ ପୁଣି ଥରେ ଆଣିବୁ

ନୂଆଦିଲ୍ଲୀ,୩ ।୬(ଏଜେନ୍ସି): କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ସୋମବାର କହିଛନ୍ତି ଯେ ସରକାର ପୁଣି ଥରେ ସଂସଦରେ ତିନି ତଲାକ୍‌ ବିଲ୍‌ ଆଗତ କରିବେ । ଏହି ଆଇନରେ ତିନି ଥର ତଲାକ କହି ପତ୍ନୀଙ୍କୁ ଛାଡପତ୍ର ଦେଉଥିବା ମୁସଲମାନ ସମୁଦାୟର ପୁରୁଷମାନଙ୍କୁ ତିନି ବର୍ଷ ଜେଲ ଦଣ୍ଡାଦେଶ ଦିଆଯିବାର ବ୍ୟବସ୍ଥା ରହିଛି । ଏହି ବିଲ୍‌କୁ ୧୬ତମ ଲୋକସଭାରେ ଆଗତ କରାଯାଇଥିଲା । ଲୋକସଭାରେ ତାହା ଗୃହୀତ ହୋଇଥିଲା କିନ୍ତୁ ରାଜ୍ୟସଭାରେ ଏନଡିଏର ସଂଖ୍ୟାଗରିଷ୍ଠତା ନଥିବାରୁ ତାହା ପାସ୍‌ ହୋଇପାରିନଥିଲା । ଏହି ବିଲ୍‌ର କେତେକ ନିୟମକୁ ନେଇ ବିରୋଧୀ ଦଳଗୁଡିକ ଆପତ୍ତି ଉଠାଇଥିଲେ । ତେବେ ୧୬ତମ ଲୋକସଭା ଏବେ ଭଙ୍ଗ ହୋଇସାରିଥିବାରୁ ଉକ୍ତ ବିଲ୍‌ ବି ଅକାମୀ ହୋଇଯାଇଛି । ଅର୍ଥାତ୍‌ ଏହାକୁ ଏବେ ପୁଣି ଥରେ ସଂସଦର ଉଭୟ ଗୃହରେ ଆଗତ କରିବାକୁ ପଡ଼ିବ । ଏ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ପ୍ରସାଦ କହିଛନ୍ତି ଯେ ଏହି ପ୍ରସଙ୍ଗ ବିଜେପିର ନିର୍ବାଚନୀ ଇସ୍ତାହାରରେ ବି ଅଛି । ତେଣୁ ସରକାର ନିଶ୍ଚିତ ଭାବେ ଏହି ବିଲ୍‌ ଆଗତ କରିବେ ।

ସମାନ ଆଚରଣ ସଂହିତା ଲାଗୁ କରାଯିବା ଉପରେ ପ୍ରସାଦ କହିଛନ୍ତି କି ସରକାର ଏହି ବିଷୟ ଉପରେ ବିଭିନ୍ନ ପକ୍ଷଙ୍କ ସହିତ ଆଲୋଚନା କରିବେ । ଗତ ବର୍ଷ ଅଗଷ୍ଟ ୩୧ରେ ଲ’ କମିଶନ ଏହି ପ୍ରସଙ୍ଗରେ ନିଜର ପୂର୍ଣ୍ଣାଙ୍ଗ ରିପୋର୍ଟ ଦେବା ପରିବର୍ତ୍ତେ ଏକ କନସଲଟେସନ ପେପର ଜାରି କରିଥିଲେ ଯେଉଁଥିରେ କୁହାଯାଇଥିଲା କି ଏବେ ଏହାକୁ କାର୍ଯ୍ୟକାରୀ କରାଯିବାର କିଛି ଆବଶ୍ୟକତା ନାହିଁ । ତେବେ ବିବାହ, ଛାଡପତ୍ର, ଭରଣପୋଷଣ ଏବଂ ବିବାହର ବୟସ ସମ୍ପର୍କିତ ଆଇନରେ ପରିବର୍ତ୍ତନ କରିବାକୁ କମିଶନ ପରାମର୍ଶ ଦେଇଥିଲେ ।

ପ୍ରସାଦ ମଧ୍ୟ ଆଜି କହିଛନ୍ତି କି ଉଚ୍ଚ ନ୍ୟାୟାଳୟଗୁଡିକରେ ବିଚାରପତି ନିଯୁକ୍ତି ସମୟରେ ଆଇନ ମନ୍ତ୍ରଣାଳୟ ପୋଷ୍ଟ ଅଫିସ ଭାବେ କାମ କରିବ ନାହିଁ । ବରଂ ମନ୍ତ୍ରଣାଳୟ ଏହି ପ୍ରକ୍ରିୟାରେ ଏକ ଅଂଶୀଦାର ଭାବେ କାମ କରିବ । ସେହିପରି ଦେଶର ନିମ୍ନ ଅଦାଲତଗୁଡିକରେ ବିଚାରପତି ନିଯୁକ୍ତି ପାଇଁ ଯେତେ ଶୀଘ୍ର ସମ୍ଭବ ଅଲ ଇଣ୍ଡିଆ ଜୁଡିସିଆଲ ସର୍ଭିସେସ୍‌ ଆରମ୍ଭ କରିବା ପାଇଁ ସରକାର ଉଦ୍ୟମ କରିବେ ବୋଲି ସେ ପ୍ରକାଶ କରିଛନ୍ତି ।

ସମ୍ବନ୍ଧିତ ଖବର