ଆନନ୍ଦପୁର ବିଧାୟକଙ୍କ ନାଁରେ ମାମଲା, ବିଜେପି ସଦସ୍ୟାଙ୍କୁ ଅଶାଳୀନ ବକ୍ତବ୍ୟ ସହିତ ଜୀବନରୁ ମାରି ଦେବାକୁ ଦେଇଥିଲେ ଧମକ…

କେନ୍ଦୁଝର, ୦୬/୦୨: କେନ୍ଦୁଝର ଜିଲ୍ଲା ଆନନ୍ଦପୁର ବିଜେଡି ବିଧାୟକ ଭାଗିରଥି ସେଠୀଙ୍କ ନାମରେ ଥାନାରେ ମାମଲା ରୁଜୁ ହୋଇଛି । ଆନନ୍ଦପୁର ବ୍ଲକ ୩ ନଂ ଜିଲ୍ଲା ପରିଷଦ ଜୋନର ବିଜେପି ସଦସ୍ୟା ଅସୀମା ମିଶ୍ରଙ୍କ ଅଭିଯୋଗକୁ ଭିତ୍ତି କରି ଏହି ମାମଲା ଦାୟର ହୋଇଥିବା ଜଣାପଡିଛି ।

ଗତବର୍ଷ ଅଗଷ୍ଟ ୩୦ ତାରିଖ ଦିନ ଆନନ୍ଦପୁର ପଞ୍ଚାୟତ ସମିତି ବୈଠକ ଚାଲିଥିବା ସମୟରେ ବିଧାୟକ ଶ୍ରୀ ସେଠୀ ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ମିଶ୍ରଙ୍କ ପ୍ରତି ଅଶାଳୀନ ବକ୍ତବ୍ୟ ଦେବା ସହିତ ଜୀବନରୁ ମାରି ଦେବାକୁ ଧମକ ଦେଇଥିଲେ । ଏଥିନେଇ ସେ ସ୍ଥାନୀୟ ପୁଲିସ ସହିତ ଏସ୍‌ପିଙ୍କୁ ଭେଟି ଅଭିଯୋଗ କରିଥିଲେ । ମାତ୍ର ପୁଲିସ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାନଯିବାରୁସେ ଉଚ୍ଚନ୍ୟାୟାଳୟରେ ଆଶ୍ରୟ ନେଇଥିଲେ । ଉଚ୍ଚ ନ୍ୟାୟାଳୟର ନିର୍ଦ୍ଦେଶକ୍ରମେ ଆନନ୍ଦପୁର ଥାନାରେ ବିଧାୟକ ଶ୍ରୀ ସେଠୀଙ୍କ ବିରୋଧରେ ମାମଲା ରୁଜୁ ହୋଇଛି । ଏଥିନେଇ ଶନିବାର ଆନନ୍ଦପୁର ଥାନା କେଶ ନଂ ୨୪ ଦଫା ୨୯୪ ଓ ୫୦୬ ମୂଳେ ମାମଲା କରାଯାଇଥିବା ସୂଚନା ମିଳିଛି ।