PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ବିଜେଡିର ୧୫ ପ୍ରଶ୍ନ: ଭୂଆଁ ବୁଲାଇବାକୁ ବିଜେପି ଇସ୍ତାହାର, ସ୍ୱତନ୍ତ୍ର ରାଜ୍ୟ ପାହ୍ୟା କୁଆଡ଼େ ଗଲା ?

source:http://www.newindianexpress.com

ଭୁବନେଶ୍ୱର,୭ା୪(ବ୍ୟୁରୋ): ୨୦୧୪ରେ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ କରିବ ବୋଲି ସଂକଳ୍ପ ନେଇଥିଲ । କେନ୍ଦ୍ରରେ ସରକାର ରହିବା ପରେ ମଧ୍ୟ ଏ ମାନ୍ୟତା ଦେଲନି । ଏବେ ୨୦୧୯ରେ ଆଣିଥିବା ସଂକଳ୍ପରେ ଏକଥା ବି ଭୁଲିଗଲ । ବିଜେପି ହେଉଛି ଅଭ୍ୟାସଗତ ମିଛୁଆ । ୨୦୧୪ ଭଳି ଏଥର ନିର୍ବାଚନ ପାଇଁ ଇସ୍ତାହାର ଜରିଆରେ ମିଛ କହିଛି । ଏବେ ପୁଣି ଲୋକଙ୍କୁ ଭୂଆଁ ବୁଲାଇବାକୁ ମିଛ ପ୍ରତିଶ୍ରୁତି ଦେଇଛି । ବିଜେପିକୁ ଆଜି ଏମିତି ଢଙ୍ଗରେ ସମାଲୋଚନା କରି ୧୫ଟି ପ୍ରଶ୍ନ ପଚାରିଛି ବିଜେଡି ।
ବିଜେଡି ସାଧାରଣ ସମ୍ପାଦକ (ଗଣମାଧ୍ୟମ) ମାନସ ମଙ୍ଗରାଜ କହିଛନ୍ତି, ୨୦୧୪ ଇସ୍ତାହାରରେ ବିଜେପି ସ୍ୱତନ୍ତ୍ର ରାଜ୍ୟ ପାହ୍ୟା କଥା କହିଥିବା ବେଳେ ଏଥର ନିର୍ବାଚନରେ କାହିଁକି ଏ ବିଷୟରେ ଉଲ୍ଲେଖ କରିନି? ବିଜେପି କ’ଣ ଚାହୁଁନି ଓଡ଼ିଶା ସ୍ୱତନ୍ତ୍ର ରାଜ୍ୟ ପାଉ ବୋଲି? ଏମିତି ପ୍ରଶ୍ନ କରିଛି । ବ୍ରାହ୍ମଣୀରେ ଦ୍ୱିତୀୟ ସେତୁ କଥା ମନେ ପକାଇବା ସହ ଇସ୍ପାତ ସୁପର ସ୍ପେସିଆଲିଟି ହସ୍ପିଟାଲ ଓ ମେଡିକାଲ କଲେଜ କଥା କ’ଣ ହେଲା ବୋଲି ପଚାରିଛି । ଏହା ହିଁ ପଶ୍ଚିମ ଓଡ଼ିଶା ପ୍ରତି ବିଜେପି ମନରେ ଥିବା ମାନସିକତାକୁ ଦର୍ଶାଉଛି । ସେହିଭଳି ମହାନଦୀ ଓ ପୋଲାଭରମ୍‌ ମାମଲାରେ ବିଜେପିର ଆଭିମୁଖ୍ୟ କାହିଁକି ଇସ୍ତାହାରରେ ଦର୍ଶାଯାଇନି ବୋଲି ବିଜେଡି ପ୍ରଶ୍ନ କରିଛି ।
ରେଲୱେ ଅବହେଳା କଥା ଦର୍ଶାଇ ଶ୍ରୀ ମଙ୍ଗରାଜ କହିଛନ୍ତି, ଓଡ଼ିଶାରୁ ରେଲୱେ ପ୍ରତ୍ୟେକ ବର୍ଷ ୨୦ ହଜାର କୋଟି ଟଙ୍କାର ରାଜସ୍ୱ ନେଉଛି । ହେଲେ ଦେଉଛି ମାତ୍ର ୧ ହଜାର କୋଟି । ଗତ ୫ ବର୍ଷ ଭିତରେ ବିଜେଡି ସରକାର ମାଲକାନଗିରି ଓ ନବରଙ୍ଗପୁର ଜିଲ୍ଲାରେ ରେଳ ବିକାଶ ପାଇଁ କେନ୍ଦ୍ର ରେଳ ମନ୍ତ୍ରଣାଳୟକୁ ମାଗଣାରେ ଜମି ସହ ପ୍ରକଳ୍ପ ପାଇଁ ୫୦ ପ୍ରତିଶତ ଅର୍ଥ ମଧ୍ୟ ଭରଣା କରିଛନ୍ତି । ଏହାସତ୍ତେ୍ୱ ଏ ଦୁଇ ଜିଲ୍ଲାରେ ରେଳ ପ୍ରକଳ୍ପ ଆଗେଇନି । ଆଉ ଏବେ ସବୁ ଜିଲ୍ଲାକୁ ରେଳ ସଂଯୋଗ କଥା କହୁଛନ୍ତି? ଏହା ଜୁମଲା ନୁହେଁ ତ ଆଉ କ’ଣ?
ଧାନର ଏମ୍‌ଏସପି ଦେଢ ଗୁଣା କରିବାକୁ ୨୦୧୪ରେ ପ୍ରତିଶ୍ରୁତି ଦେଇଥିବା ବେଳେ ଏ ଯାଏ ପାଳନ କରିନି । ଏବେ ସେଇ ପୁରୁଣା ମିଛକୁ ଆଉ ଥରେ ଦୋହରାଇଛି । ରାଜ୍ୟର ମୋଟ ବଜେଟ୍‌ ହେଉଛି ୧.୨ ଲକ୍ଷ କୋଟି ତେବେ କେବଳ ଜଳସେଚନ ପାଇଁ ବିଜେପି କେଉଁଠୁ ୧ ଲକ୍ଷ କୋଟି ଟଙ୍କା ଆଣିବ? ଆଶ୍ଚର୍ଯ୍ୟର କଥା ହେଉଛି, କେନ୍ଦ୍ର ସରକାରଙ୍କ ଜଳସେଚନ ବଜେଟ ମଧ୍ୟ ଲକ୍ଷେ କୋଟି ଟଙ୍କା ନୁହେଁ । ବିଜେପି ବ୍ୟାଙ୍କିଂ ଓ ଟେଲିକମ୍ୟୁନିକେସନ୍‌ କଥା କାହିଁକି ତା’ର ଇସ୍ତାହାରରେ ସ୍ଥାନ ଦେଇନି । ଜାତୀୟ ରାଜପଥ ଉନ୍ନତିକରଣ ଓ କୋଷ୍ଟାଲ ହାଇୱେ ଉନ୍ନତିକରଣ ବିଷୟରେ କିଛି କୁହାଯାଇନି । କେବିକେ ଅଞ୍ଚଳର ୩୩ ଯୋଜନା କାଟିବା ସମ୍ପର୍କରେ କାହିଁକି ସଂକଳ୍ପ ପତ୍ରରେ ଉଲ୍ଲେଖ କରିନି ବିଜେପି । ଚାଷୀଙ୍କ ଆୟ ଦୁଇଗୁଣ କଥା ବିଜେପି କହୁଥିବା ବେଳେ ବିଜେପି ୧୦ ବର୍ଷରେ ଏହା କରିକି ଦେଖାଇ ସାରିଛି । ୧୫ଟି ପୋର୍ଟ (ବନ୍ଦର) ପ୍ରତିଶ୍ରୁତିକୁ ଜୁମଲା କହି ଉଡ଼ାଇ ଦେଇଛି ବିଜେଡି । କେନ୍ଦ୍ରରେ ସରକାର ଥାଇ ସାରାଦେଶରେ ୫ଟି ବନ୍ଦର କରିପାରିଲନି । ଆଉ ଓଡ଼ିଶାରେ ୫ବର୍ଷରେ ୫ଟି ବନ୍ଦର କରିବା କଥା ଜୁମଲା ନୁହେଁ ତ ଆଉ କ’ଣ?
ସହରାଞ୍ଚଳ ବିକାଶ ବଜେଟ କଥା ମନେ ପକାଇ ବିଜେଡି କହିଛି, ରାଜ୍ୟର ସମୁଦାୟ ବଜେଟ ୧ .୨ ଲକ୍ଷ କୋଟି ହୋଇଥିବା ବେଳେ ନଗର ଉନ୍ନୟନ ବଜେଟ ବିଜେପି ୧ ଲକ୍ଷ କୋଟି କରିବ ବୋଲି କହିଛି । ରାଜ୍ୟରେ ଏବେ ଲୋକେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ (ମହିଳା) ୭ ଲକ୍ଷ ଟଙ୍କା ଯାଏ ସହାୟତା ରାଶି ପାଉଛନ୍ତି । ହେଲେ ଓଡ଼ିଶାରେ ଆୟୁଷ୍ମାନ ଭାରତ ଯୋଜନା ଆରମ୍ଭ କରି ବିଜେପି କାହିଁକି ୨ ଲକ୍ଷ ଟଙ୍କାର ସହାୟତା ରାଶି କମାଇବାକୁ ଚାହୁଁଛି? କୋଇଲା ରୟାଲିଟି, କ୍ଲିନ ଏନର୍ଜୀ ସେସ୍‌ ଓ କୋଇଲା ନିଲାମ କଥା କାହିଁକି ବିଜେପି ସଂକଳ୍ପ କଥାରେ କହିନି ବୋଲି ଶ୍ରୀ ମଙ୍ଗରାଜ ପ୍ରଶ୍ନ କରିଛନ୍ତି ।