PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ୟୁପିରେ ବିଜେପିକୁ ୩୬ ଆସନ

ନୂଆଦିଲ୍ଲୀ,୪ା୪(ଏଜେନ୍ସି): ଉତ୍ତର ପ୍ରଦେଶର ୮୦ ଲୋକସଭା ଆସନରୁ ବିଜେପିକୁ ଏଥର ମାତ୍ର ୩୬ଟି ଆସନ ମିଳିବ । ଅନ୍ୟପକ୍ଷରେ ୟୁପିରୁ ସପା-ବସପା ମେଣ୍ଟକୁ ୪୨ ଲୋକସଭା ଆସନ ମିଳିବ । ରାଜ୍ୟ ନିର୍ବାଚନ ମାହୋଲ୍‌ରେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧିଙ୍କ ଯାଦୁ କାମ କରିବ ନାହିଁ । ଫଳରେ ଦଳକୁ ଆଖିଦୃଶିଆ ଆସନ ମିଳିବା ଆଶା ଅତ୍ୟନ୍ତ କମ୍‌ । ଏବିପି ନ୍ୟୁଜ୍‌ ଏବଂ ସର୍ଭେ ଏଜେନ୍ସି ସଂସ୍ଥା ନିଲ୍‌ସନ୍‌ ପକ୍ଷରୁ ହୋଇଥିବା ଏକ ମିଳିତ ସର୍ଭେରୁ ଏହି ରିପୋର୍ଟ ମିଳିଛି ।
୨୦୧୪ ଲୋକସଭା ନିର୍ବାଚନରେ ଦେଶବ୍ୟାପୀ ମୋଦି ଲହରି ଦେଖିବାକୁ ମିଳିଥିଲା । ଫଳରେ ବିଜେପିକୁ ଉତ୍ତର ପ୍ରଦେଶରେ ବିରାଟ ସଫଳତା ମିଳିଥିଲା । ରାଜ୍ୟର ୮୦ ଲୋକସଭା ଆସନ ମଧ୍ୟରୁ ଦଳ ଏକାକୀ ୭୧ଟି (ଏନ୍‌ଡିଏ ୭୩) ଅକ୍ତିଆର କରିନେଇଥିଲା । ଅନ୍ୟପକ୍ଷରେ ସମାଜବାଦୀ ପାର୍ଟି ୫ଟି ଆସନ ପାଇଥିଲା ବେଳେ ବହୁଜନ ସମାଜ ପାର୍ଟି ଆଦୌ ପାଇନଥିଲା । କଂଗ୍ରେସ ଓ ଅପ୍‌ନା ଦଲ୍‌ ଦୁଇଟି ଲେଖାଏଁ ଆସନରେ ସନ୍ତୁଷ୍ଟ ହୋଇଥିଲେ । ୨୦୦୯ ନିର୍ବାଚନରେ ସପା ୨୩ଟି ଲୋକସଭା ଆସନ ପାଇଥିଲା ବେଳେ ବସପା ୨୦ ଏବଂ କଂଗ୍ରେସ ୨୧ଟି ଆସନ ପାଇଥିଲା ।
ସଦ୍ୟ ରିପୋର୍ଟରେ ଦର୍ଶାଯାଇଛି ଯେ ୨୦୧୯ ଲୋକସଭା ନିର୍ବାଚନରେ ବିଜେପି ଯଦିଓ ୟୁପିରେ ୩୬ ଆସନରେ ସୀମିତ ରହିବ, ଏହାର ଭୋଟ୍‌ ଭାଗ କିନ୍ତୁ ୨୦୧୪ ଭଳି ସମାନ ହେବ । ୨୦୧୪ରେ ଦଳର ଭୋଟ୍‌ ଭାଗ ୪୩.୩% ଥିଲା ବେଳେ ୨୦୧୯ରେ ଏହା ୪୩% ହେବ ବୋଲି ଆକଳନ କରାଯାଇଛି । ମେଣ୍ଟକୁ ୪୨% ଭୋଟ୍‌ ମିଳିବ ବୋଲି ଆଶା କରାଯାଉଛି ।
ୟୁପିରେ କଂଗ୍ରେସ ପକ୍ଷରୁ ପ୍ରିୟଙ୍କା ଗାନ୍ଧିଙ୍କୁ ଦଳର ସାଧାରଣ ସମ୍ପାଦକ ଭାବେ ନିଯୁକ୍ତ କରାଯାଇ ବଡ଼ ପ୍ଲାଟ୍‌ଫର୍ମରେ ଲଞ୍ଚ୍‌ କରାଯାଇଛି । ୧୨ କିଲୋମିଟରର ବିରାଟ ରାଲିରେ କଂଗ୍ରେସ ତାଙ୍କୁ ଉତ୍ତର ପ୍ରଦେଶରେ ବୁଲାଇଥିଲା । ଏହାକୁ ନେଇ ଚର୍ଚ୍ଚା ବି ହୋଇଥିଲା । କିନ୍ତୁ ଏ ସବୁ କିଛି କାମ ଦେବନାହିଁ ଏବଂ ପ୍ରିୟଙ୍କାଙ୍କ ଯାଦୁ ଚାଲିବ ନାହିଁ । କଂଗ୍ରେସ ରାଏବରେଲି ଓ ଆମେଥି ବ୍ୟତୀତ ରାଜ୍ୟରେ ଅନ୍ୟ କୌଣସି ଆସନରେ ବିଜୟୀ ହୋଇପାରିବ ନାହିଁ । ବିଜେପି ପକ୍ଷରୁ ଲୋକସଭା ଟିକେଟ୍‌ ପାଇଥିବା କେନ୍ଦ୍ରମନ୍ତ୍ରୀ ମନୋଜ ସିହ୍ନା ଏବଂ ୟୁପି ରାଜ୍ୟ ମନ୍ତ୍ରୀ ରିତା ବହୁଗୁଣା ଯୋଶୀଙ୍କୁ ନେଇ କିଛି ସମସ୍ୟା ରହିଛି । ସେମାନଙ୍କ ଲୋକପ୍ରିୟତା ସେତେଟା ଦୃଶ୍ୟମାନ ହେଉନାହିଁ । ତେଣୁ ଏମାନଙ୍କ ଜିତିବା ଆଶା ଅତ୍ୟନ୍ତ କମ୍‌ ବୋଲି ସର୍ଭେ ରିପୋର୍ଟ ଦର୍ଶାଇଛି । ମନୋଜ ସିହ୍ନା ଗାଜିପୁର ଏବଂ ରିତା ଆଲ୍ଲାହାବାଦ ଲୋକସଭା ଆସନରୁ ବିଜେପି ପ୍ରାର୍ଥୀ ହୋଇଛନ୍ତି । ରିପୋର୍ଟ ମୁତାବକ ପଶ୍ଚିମ ୟୁପିରେ ଥିବା ୨୭ ଆସନରୁ ବିଜେପି ମାତ୍ର ୧୨ଟି ପାଇବାକୁ ଥିବା ବେଳେ ସପା-ବସପା-ଆର୍‌ଏଲ୍‌ଡି ମେଣ୍ଟକୁ ୧୫ଟି ମିଳିବ । କଂଗ୍ରେସ ଏଠାରେ ଖାତା ଖୋଲିପାରିବ ନାହିଁ ।
ଅୱଧରେ ଥିବା ୨୩ ଆସନରୁ ବିଜେପି ୧୧ଟି ଓ ମେଣ୍ଟ ୧୦ଟି ପାଇବାକୁ ଥିବା ବେଳେ ରାଏବରେଲି ଓ ଆମେଥି କଂଗ୍ରେସ ଖାତାକୁ ଯିବାଟା ନିଶ୍ଚିତ । ପୂର୍ବ ୟୁପିରେ ଥିବା ୨୬ ଲୋକସଭା ଆସନ ମଧ୍ୟରୁ ବିଜେପିକୁ ବଡ଼ ଝଟ୍‌କା ଲାଗିବ । ମେଣ୍ଟକୁ ଏଠାରେ ୧୫ଟି ଆସନ ମିଳିବାକୁ ଥିବା ବେଳେ ବିଜେପି ୧୧ ପାଇବ । ବୁନ୍ଦେଲଖଣ୍ଡରେ ଥିବା ୪ଟି ଆସନରୁ ବିଜେପି ଓ ମେଣ୍ଟ ଦୁଇଟି ଲେଖାଏଁ ପାଇବେ ବୋଲି ସର୍ଭେ ରିପୋର୍ଟ ଦର୍ଶାଇଛି ।

ସମ୍ବନ୍ଧିତ ଖବର