ପ୍ରମୂଖ ଖବର
  • ସୁନ୍ଦରଗଡ଼ : ରାସ୍ତାରେ ହୁତୁ ହୁତୁ ହୋଇ ଜଳିଗଲା କୋଇଲା ବୋଝେଇ ଟ୍ରେଲର; ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • ସମ୍ବଲପୁର : ହୀରାକୁଦରୁ ନିଷ୍କାସନ ହେବ ବର୍ଷର ପ୍ରଥମ ବନ୍ୟାଜଳ, ଆସନ୍ତା ୬ରୁ ଖୋଲିବ ଗେଟ୍
  • ||
  • ସୁନ୍ଦରଗଡ଼ : ହାଇୱା-ଓମିନି ଭ୍ୟାନ୍‌ ମୁହାଁମୁହିଁ ଧକ୍କା:୨ ମୃତ, ୪ ଗୁରୁତର
  • ||
  • ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବ; ୩୭ ମୃତ, ୪୦୦ କୋଟିରୁ ଅଧିକ କ୍ଷୟକ୍ଷତି
  • ||
  • ଇଣ୍ଡିଆ-ଇଂଲଣ୍ଡ ଦ୍ବିତୀୟ ଟେଷ୍ଟ,କ୍ୟାପ୍ଟେନ୍ ଶୁବମନଙ୍କ ଡବଲ ସେଞ୍ଚୁରୀ, ୫୧୦ ରନ୍‌ ପିଛା କରୁଛି ଘରୋଇ ଦଳ
  • ||
  • ମୟୂରଭଞ୍ଜ : କାଶିଆବେଡା ଗାଁରେ ଅଭାବନୀୟ ଘଟଣା, ଘରେ ପଶି ବୃଦ୍ଧଙ୍କୁ ଦଳିଦେଲା ଦନ୍ତା
  • ||
  • ଲଗାତାର ଘୂର୍ଣ୍ଣିବଳୟ, ଛାଡ଼ିବନି ବର୍ଷା : ଆଜି ସୁନ୍ଦରଗଡ଼କୁ ଅରେଞ୍ଜ, ୭ ଜିଲ୍ଲାକୁ ୟେଲୋ ଓ୍ବାର୍ଣ୍ଣିଂ ଜାରି
  • ||
  • ସରି ଆସୁଛି ଜନ୍ମବେଦୀରେ ଲୀଳାଖେଳା; ଆଜି ସନ୍ଧ୍ୟା ଦର୍ଶନ, ଆଡ଼ପ ମଣ୍ଡପରେ ଶେଷ ଦିଅଁ ଦେଖା
  • ||
  • କଳାହାଣ୍ଡି : ଲଗାଣ ବର୍ଷାର ପ୍ରଭାବ: ଥୁଆମୂଳ ରାମପୁରର ସ୍ଥିତି ବେହାଲ, ଜନଜୀବନ ପ୍ରଭାବିତ
  • ||

ବିଜେପିକୁ ମିଳିପାରେ ପ୍ରଥମ ମହିଳା ରାଷ୍ଟ୍ରୀୟ ଅଧ୍ୟକ୍ଷ; ରେସ୍‌ରେ ୩ ନାମ, ଜାଣନ୍ତୁ କିଏ ଆଗରେ ?

Published By : Ankita S | July 4, 2025 10:24 AM

ନୂଆଦିଲ୍ଲୀ,୦୪/୦୭: କିଏ ହେବ ବିଜେପିର ନୂଆ ଅଧ୍ୟକ୍ଷ ? ବିଜେପି କିପରି ଚୟନ କରିବ ଆଗାମୀ ଅଧ୍ୟକ୍ଷ ? ଜେପି ନଡ୍ଡାଙ୍କ କାର୍ଯ୍ୟକାଳ ଜାନୁଆରୀ ୨୦୨୩ରେ ସରିବାକୁ ଥିଲା । ହେଲେ ଲୋକସଭା ନିର୍ବାଚନ ପାଇଁ କାର୍ଯ୍ୟକାଳକୁ ୨୦୨୪ ଜୁନ୍ ଯାଏ ବଢାଯାଇଥିଲା । ହେଲେ ଆଗାମୀ ବିଜେପି ଅଧ୍ୟକ୍ଷ କିଏ ହେବ ତାକୁ ନେଇ ସସ୍‌ପେନ୍ସ ଜାରି ରହିଛି । କିଛି ଦିନ ଭିତରେ ନୂଆ ଅଧ୍ୟକ୍ଷ ନାମ ଘୋଷଣା ହେବ । ଚର୍ଚ୍ଚା ହେଉଛି କି ଏଥର ବିଜେପିରେ ମହିଳା ଅଧ୍ୟକ୍ଷ ହୋଇପାରନ୍ତି । ରେସ୍‌ରେ ୩ ପ୍ରମୁଖ ମହିଳା ନେତ୍ରୀ ରହିଛନ୍ତି । ନିର୍ମଳା ସୀତାରମଣ ସବୁଠୁ ଆଗରେ ରହିଛନ୍ତି ।

ନିର୍ମଳା ସୀତାରମଣ- ବର୍ତ୍ତମାନ ଅର୍ଥମନ୍ତ୍ରୀ ଏବଂ ପୂର୍ବ ରକ୍ଷାମନ୍ତ୍ରୀ ନିର୍ମଳା ସୀତାରମଣ ଦଳର ସଂଗଠନ ସହ ଏବଂ କେନ୍ଦ୍ର ସରକାରରେ ଲମ୍ବା ଅଭିଜ୍ଞତା ରହିଛି । ସେ ବିଜେପିର ପରବର୍ତ୍ତୀ ଅଧ୍ୟକ୍ଷା ହେବା ନେଇ ଅଧିକ ସମ୍ଭାବନା ରହିଛି । ନକଟରେ ବିଜେପି ମୁଖ୍ୟାଳୟରେ ଜେପି ନଡ୍ଡା ଏବଂ ମହାସଚିବ ବିଏଲ ସନ୍ତୋଷଙ୍କ ସହିତ ବୈଠକରେ ସାମିଲ ହୋଇଥିଲେ । ସେ ଦକ୍ଷିଣ ଭାରତୀୟ । ତେଣୁ ସେ ବିଜେପି ମୁଖ୍ୟ ହେଲେ ଦକ୍ଷିଣ ଭାରତରେ ବିସ୍ତାର ରଣନୀତି ପାଇଁ ଲଭାଦାୟକ ହେବ ।

ଡ଼ି. ପୁରେନ୍ଦଶ୍ୱରୀ- ଆନ୍ଧ୍ରପ୍ରଦେଶ ଭାଜପା ପୂର୍ବ ଅଧ୍ୟକ୍ଷା ଡି.ପୁରେନ୍ଦ୍ରଶ୍ୱରୀଙ୍କ ପାଖରେ ମଧ୍ୟ ଯଥେଷ୍ଟ ଅଭିଜ୍ଞତା ରହିଛି । ଅନେକ ରାଜନୀତି ଦଳ ସହ ସେ କାମ କରି ସାରିଛନ୍ତି ଏବଂ ଦଳରେ ତାଙ୍କୁ ବ୍ୟାପକ ଭାବେ ସମର୍ଥନ ବି କରେ । ସେ ଅପରେସନ୍ ସିନ୍ଦୂର ପରି ଅନ୍ତର୍ଜାତୀୟ କୂଟନୀନୈତିକର ମଧ୍ୟ ଅଂଶ ହୋଇଛନ୍ତି ।

ବନାଥି ଶ୍ରୀନିବାସନ- ତାମିଲନାଡୁ କୋଏମ୍ବାଟୁର ଦକ୍ଷିଣ ଆସନର ବିଧାୟକ ଏବଂ ଭାଜପା ମହିଳା ମୋର୍ଚ୍ଚାର ରାଷ୍ଟ୍ରୀୟ ଅଧ୍ୟକ୍ଷ ରହି ସାରିଛନ୍ତି ବନାଥି ଶ୍ରୀନିବାସନ । ୧୯୯୩ରୁ ବିଜେପି ସହ ଯୋଡ଼ି ହୋଇରହିଛନ୍ତି ଶ୍ରୀନିବାସନ । ସଂଗଠନର ଅନେକ ପଦରେ ମଧ୍ୟ ଦାୟିତ୍ୱ ଗ୍ରହଣ କରି ସାରିଛନ୍ତି । ୨୦୨୨ରେ କେନ୍ଦ୍ରୀୟ ନିର୍ବାଚନ ସମିତିର ସଦସ୍ୟ ହୋଇଥିଲେ । ପ୍ରଥମ ତାମିଲ ମହିଳା ଭାବେ ସମିତିର ନେତା ହୋଇଥିଲେ ।

ସଂଘର ସମର୍ଥନ- ସୁତ୍ର ଅନୁସାରେ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ଏହି ବିଚାରକୁ ସମର୍ଥନ କରିଛି । ଭାଜପାକୁ ଏବେ ଜଣେ ମହିଳାଙ୍କୁ ଶୀର୍ଷ ନେତୃତ୍ୱ ଦେବା ଦରକାର । ଏହି ପଦକ୍ଷେପ ୩୩ ପ୍ରତିଶତ ମହିଳା ସଂରକ୍ଷଣ ବିଧେୟକ ଭାବନାର ଅନୁରୂପ ହେବ । ଯାହାର ପ୍ରଭାବ ଆଗାମୀ ସୀମାନିର୍ଦ୍ଧାରଣ ଲୋକସଭାରେ ଦେଖିବାକୁ ମିଳିବ ।


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.