PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଭଗବାନ ଚିତ୍ରଗୁପ୍ତଙ୍କ ଚରିତ୍ରକୁ ମଜାଳିଆ ଢଙ୍ଗରେ ଚିତ୍ରଣ କରିବାକୁ ନେଇ ଅଭିନେତା ଅଜୟ ଦେବଗନଙ୍କ ସମେତ କେତେକଙ୍କ ନାଁରେ ଏତଲା
  • ||
  • ଖୋର୍ଦ୍ଧା : ଆୟକର ଅଧିକାରୀ ସୁମନ ସୁନ୍ଦର ସାହୁଙ୍କ ବାସଭବନରେ ସିବିଆଇ ରେଡ୍, ଖୋର୍ଦ୍ଧାର ଶାନ୍ତି ଜୁଏଲର୍ସ ମାଲିକଙ୍କ ଠାରୁ ନେଉଥିଲେ ସୁନା ଓ ଟଙ୍କା
  • ||
  • ସମ୍ବଲପୁର : ବରଗଡ଼ ଜିଲ୍ଲା ଅମ୍ବାଭୋନା ବ୍ଲକର ଗୋବିନ୍ଦପୁରକୁ ପ୍ରଥମ ‘ପକ୍ଷୀଗ୍ରାମ’ ମାନ୍ୟତା, ଯୋଜନାରେ ସାମିଲ ହେବେ ୩ ଗାଁ
  • ||
  • ଭୁବନେଶ୍ବର : ବରମୁଣ୍ଡା ବସ ଷ୍ଟାଣ୍ଡରୁ ୫୦କେଜି ଗଞ୍ଜେଇ ଜବତ, ୪ ଗଞ୍ଜେଇ ଚୋରା ଚାଲାଣକାରୀ ଗିରଫ
  • ||
  • ଭୁବନେଶ୍ୱର : ହସ୍ପିଟାଲରୁ ଡିସଚାର୍ଜ ହେଲେ ଓଲିଉଡ ଷ୍ଟାର ବାବୁସାନ ମହାନ୍ତି, ଗତ କିଛି ଦିନ ହେବ ଅସୁସ୍ଥ ହୋଇ ଭୁବନେଶ୍ୱରର ଘରୋଇ ମେଡିକାଲରେ ହେଉଥିଲେ ଚିକିତ୍ସିତ
  • ||
  • କଟକ : କଟକ ପାରାଦୀପ ରାସ୍ତା ସୋମପୁର ବଜାର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗ୍ୟାରେଜ ଉପରେ ମାଡିଗଲା ଟ୍ରକ
  • ||
  • ଯାଜପୁର : କୁଆଖିଆ ଥାନା ଅନ୍ତର୍ଗତ ବସଷ୍ଟାଣ୍ଡ ନିକଟରେ ଯାଜପୁର ଅବକାରୀ ବିଭାଗ ଚଢ଼ାଉ, ୮୦ ଗ୍ରାମ ବ୍ରାଉନସୁଗାର ଜବତ
  • ||

ନିର୍ବାଚନୀ ଖର୍ଚ୍ଚରେ କଂଗ୍ରେସ ଠାରୁ ବହୁ ଆଗରେ BJP, ୫ ରାଜ୍ୟର ଖର୍ଚ୍ଚ ହିସାବ ଦେଲା ଦଳ, ୟୁପିରେ ସର୍ବାଧିକ

ନୂଆଦିଲ୍ଲୀ ୨୨/ ୦୯: ଚଳିତ ବର୍ଷ ୫ ରାଜ୍ୟରେ ଶେଷ ହୋଇଥିବା ବିଧାନସଭା ନିର୍ବାଚନରେ କେତେ ଟଙ୍କା ଖର୍ଚ୍ଚ କରିଛି ବିଜେପି? ତାହାର ପୂରା ହିସାବ ରଖିଛି ଦଳ । ମୋଟ ୫ଟି ରାଜ୍ୟ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି ମୋଟ ୩୪୪.୨୭ କୋଟି ଟଙ୍କା ଖର୍ଚ୍ଚ କରିଛି । ସେହି ହିସାବରେ ଗତ ନିର୍ବାଚନରେ ଏହି ସବୁ ରାଜ୍ୟରେ ୨୧୮.୨୬ କୋଟି ଟଙ୍କା ଖର୍ଚ୍ଚ କରିଥିଲା ବିଜେପି । ନିର୍ବାଚନ ଆୟୋଗଙ୍କ ନିକଟରେ ଦାଖଲ ରିପୋର୍ଟରେ ଏ ନେଇ ତଥ୍ୟ ରଖିଛି ଦଳ ।

କେବଳ ବିଜେପି ନୁହେଁ କଂଗ୍ରେସ ମଧ୍ୟ ନିର୍ବାଚନ ଆୟୋଗଙ୍କ ନିକଟରେ ଖର୍ଚ୍ଚ ହିସାବ ରଖିଛି । ୨୦୨୨ରେ ହୋଇଥିବା ୫ଟି ରାଜ୍ୟ ନିର୍ବାଚନରେ କଂଗ୍ରେସ ମୋଟ ୧୯୪.୮୦ କୋଟି ଟଙ୍କା ଖର୍ଚ୍ଚ କରିଛି । ସେହିଭଳି ୨୦୧୭ ବିଧାନସଭା ନିର୍ବାଚନରେ କଂଗ୍ରେସ ୧୦୮.୧୪ କୋଟି ଟଙ୍କା ଖର୍ଚ୍ଚ କରିଥିଲା ।

ବିଜେପି ଖର୍ଚ୍ଚ କରିଥିବା ମୋଟ ୩୪୪.୨୭ କୋଟି ଟଙ୍କା ମଧ୍ୟରୁ କେବଳ ଉତ୍ତରପ୍ରଦେଶରେ ୨୨୧.୩୨ କୋଟି ଟଙ୍କା ଖର୍ଚ୍ଚ କରିଛି । ସେହିଭଳି ୨୦୧୭ରେ ୟୁପିରେ ବିଜେପି ୧୭୫.୧୦ କୋଟି ଟଙ୍କା ଖର୍ଚ୍ଚ କରିଥିଲା । ୨୦୨୨ ବିଧାନସଭା ନିର୍ବାଚନରେ ସେଠାରେ ଦଳ ବହୁମତ ପାଇଥିଲେ ମଧ୍ୟ ପୂର୍ବାପେକ୍ଷା କମ ସିଟ୍‌ ପାଇଥିଲା । ସେହିଭଳି ପଞ୍ଜାବରେ ଦଳ ୩୬.୭୦ କୋଟି ଟଙ୍କା ଖର୍ଚ୍ଚ କରିଥିବା ବେଳେ ଗୋଆରେ ୧୯.୦୭ କୋଟି ଟଙ୍କା ମଣିପୁରରେ ୨୩.୫୨ କୋଟି ଟଙ୍କା ଏବଂ ଉତ୍ତରାଖଣ୍ଡ ନିର୍ବାଚନରେ ବିଜେପି ୪୩.୬୭ କୋଟି ଟଙ୍କା ଖର୍ଚ୍ଚ କରିଥିଲା । ମୋଟ ୫ ରାଜ୍ୟରୁ ୪ଟି ରାଜ୍ୟରେ ଦଳ ସତ୍ତାକୁ ଫେରିଥିବା ବେଳେ ପଞ୍ଜାବରେ କ୍ଷମତାକୁ ଆସିଥିଲା ଆମ୍‌ ଆଦମୀ ପାର୍ଟି ।

ନିର୍ବାଚନୀ ଖର୍ଚ୍ଚ ମଧ୍ୟରେ ବିଶେଷ କରି ରାଲି, ସାର୍ବଜନୀକ ସଭା, ପ୍ରଚାର ଖର୍ଚ୍ଚ ଆଦି ସାମିଲ ଅଛି । ଭର୍ଚୁଆଲ ରାଲି ମାଧ୍ୟମରେ ବି ଦଳ ପ୍ରାୟ ୧୨ କୋଟି ଟଙ୍କା ଖର୍ଚ୍ଚ କରିଥିଲା । ନିର୍ବାଚନ ଆୟୋଗଙ୍କ ନିୟମ ଅନୁଯାୟୀ, ରାଜନୈତିକ ଦଳମାନେ ନିର୍ବାଚନ ତାରିଖ ଘୋଷଣା ହେବା ଦିନ ଠାରୁ ଶେଷ ହେବା ତାରିଖ ଯାଏଁ ନଗଦ କାରବାର, ଚେକ୍‌ କିମ୍ବା ଅନ୍ୟ କୌଣସି ଉପାୟରେ ଖର୍ଚ୍ଚ କରିଥିବା ଟଙ୍କାର ହିସାବ ଦେବାକୁ ହୋଇଥାଏ । ବିଧାନସଭା ନିର୍ବାଚନ ଶେଷ ହେବାର ୭୫ ଦିନ ଭିତରେ ଏକ ଲୋକସଭା ନିର୍ବାଚନ ଶେଷ ହେବାର ୯୦ ଦିନ ମଧ୍ୟରେ ଖର୍ଚ୍ଚ ହିସାବ ନିର୍ବାଚନ ଆୟୋଗଙ୍କୁ ଦେବାକୁ ହୋଇଥାଏ ।

ସମ୍ବନ୍ଧିତ ଖବର